تلاشت مني جميع الكلمات وأنا اُحاول كتابة جمله واحدة تُعبر عن سوء ما اشعر به...
كيف كنت وكيف أصبحت؟؟!
لم أعد تلك الوردة التي تفوح بعطرها فأنا قد ذبلت وتساقطتت أوراقي 🥀..
ماتت الحياة بداخلي...
أليس الموت حق لماذا لم اخذ حقي بعد...؟!!!
ذبوول
_________
تحطمت حياتي تغيرت ماتت أحلامي وطموحاتي سافرت ضحكتي مع خوتي انتهت الحياة في نظري تغيرت ذبلت انسكرت كبرت وشفت الهم والحزن كرهت الحياة وكرهت حظي كرهت نفسي كرهت كل شيء معاش عندى طاقه نحب شيء ولا نحكي شيء طوول الايام يلي مرت كان الصمت رفيقي والحزن عنواني اييي مر شهر ونص على اليوم المشؤوم اليوم يلي مفروض يكون عيد ميلادي ومحتفله بيه مع خوتي وبابا وخوالي ولكن صار العكس فقدتت فيه أغلى اشياء عندي عبدالعزيز عبدالله و وردة و قدرتي على المشي، وقفت قرااايه رديت لبنغازي ورفضت نشووف ايي حد من خووتي و بابا وخالتي وحرمت نمشي لبراك الشاطيء مره ثانيه كانت تحتوي على ابشع ذكرى حاولت ننساها نتخطاها بس مافي فاايدة انعزلت عن العالم الخارجي مانبي نشوف نظرة الشفقه في عيووونهم اكرهه شيء عندي ما نبي نحس بالضعف والعجز كنت حاابسه روحي في الغرفه وما نحكيش مع حد سوى القليل والقليل جداً مع مريم وزيي العادة المذكرة بين ايديه والقلم وهكي عايشه من مدتت شهر ونص وقطع علياا تفكيري وهدوئي دخول جديده بالغدا زيي كل يوم
جديده بأبتسامة حزنن : هياا ياروحي حطي من يديك عشان تغدي ساد عشاء امس ما كليتي
وبدون مانشوف فيها ولا نحكي ولا حرف مسكت القلم ونخربش بيه بدون ايي اهتمام ليهاا
جديده تنهدتت وحطت السفره ع الطاولة وجت جنبي ع السرير وانا ع الكرسي المتحرك 💔 قدييش صعب عليا نقولها
جديده بحنان : لعند امتى حتقعدي هكي ياروحي حرام يلي اديري فيه في روحك وفينا
بدون ايي رد
اجديده دموعها نزلوا : حراام عليك عشاني كولي حاجه عشاني ردي زييي الأول عشاني ياروحي عشان مريم وعشان جدك والياس و سندس و باتك وخوتك َعشانك ردييي ارجوووك ما تخلي الهم يهزمك ربي لو ما كان يحبك ما كان ابتلاك ياروحي
كلامها كان زيي الموس في قلبي آآآه ياجديده كيف نرد كيف تبوني نعيش زيي الأول كيف نتأقلم مع الوضع كيف نتخطى الصدمه يلي عايشه فيها شنو مستنين من إنسان ناض من غيبوبه مدتها 15 يووم ناض ولقى حياته مقلوبه 180 درجة يلقى خوته يلي ما عاش معاهم شيء يلي ماعنده معاهم ولا ذكرى حلووه هه او تقدرو تقولوا ولا ذكرى متوفيين يلقى روحة مشلول انسان رقد بعافيته وناض بدونها كيف تبووه يكون بالله عليكم حسوو بيا ولو اشوي..
كان الكلام في خاطري نبي نقوله نبي نعيط نبيهم يحسوا بياا بس اخترت الصمت لان مافي حد حيحس بيك حتى لو حكيت لو بكيت لو عيطتت مافيش حد حيحس بأي شعور اتجاهك سوى الشفقهه
أنت تقرأ
ما َبعد الذبول 🥀
Bí ẩn / Giật gânعندما تذبل الورد هل تعود مثل ما كانت؟!! هل تتفتح من جديد هل تصبح مثل ما كانت عليه قبل الذبول 🥀 بالتأكيد لا والأنثى هكذا أيضآ عندما تذبل ََ ينطفئ شغفها لا تعود مثل ما كانت، ولكن في روايتي سيحدث العكس تمامآ فالحب يرجع الأشياء مثل ما كانت.... ♥️ . ال...
