ما َبعد الذبول 🥀

Part 8

اللهم ارحم روحاً أوجعني فراقها 💔

كيف حالك يا أمي بين القبور... "

كنت أقوى من أن تبكيني الايام ولكنني بكيت.. 🤦🏻‍♀💔

سيسيل
.
.
بعد ساعه حنطلع من الحوش يلي عشت فيه وكبرت فيه الحوش يلي شفت الفرح فييه الحوش يلي كان بر الأمان متاعي في هالدنيا حنطلع ونمشي لمكان من كان عمري 9 سنوات معاش زرته آآآه قديش صعب عليا بس مضطرههه ياارب هونها علياااا

....
ضميت دبشي كلهه وما خليت إلا حاجات بسيطه للذكرىٰ بس لميت كتاباتي في الدرج هذااا شنووو اايي الرقم جيت نبي نشركه بعدين خديته وحطيته في جيب الجاكهه مش عارفه ليش بس تفكرت كلامه تراجعت في عزقه
....
كانت مريم مقمعزه جنبي ودموعها ينزلوا ونحاول ما نشوف فيها مانبي نضعف ما نبي نبكي

مريم بصوت مخنووق : كيف حنمشي للمدرسه كل صبح بلا برادتك وهرجتك

كانت فياا غصه بس ضحكت 😂 عادي مريومه خوذذي استراحة لمدة أسبوعين وبعدها سأعود وبقووة

مريم بصوت عالي : انتي خيييرك بارده هكي معقوله ما تحسي بيا انا كل عمري انتي كنتي جنبي ومعاي زيي خيالي لمن حنحكي توا ومع من نبي نتعارك وكملت ببكاء...

جيت جنبها ضميتها وكانت تبكي بالعبره نزلوا دموعي غصباً عني مريم اكثر من كونها خالتي لا هي اختي وصاحبتي وامي وكل حاجه وعيت ع الدنيا ومريم انا وهيي كل وحده خيال لثانيه بس مجبوووره والله مجبوره

اششش معقوله توا نهون عليك نبكي كل ليلة عشان مرايفه على خوتي وبابا وخالتي نهون عليك ردييي

مريم رفعت رأسها : لا ما تهوني علياا بس ليش ما صبرتي لبعد المدرسه كنت مشيت معااك

عادي ياروحي مش مشكله تو نجي مش حنطول اسبوعين ومرات نروح قبل الأسبوعين هذوول ماشي امسحى دموعك توا لأنك انتي شينه من قبل يا باال تبكي وتقعد حالتك حالة 😂😂😂

مريم بضحكه : خزيي عليك يا كلبه

😂 نبصر معاك هيااا نوضي نزلي معاي الشناطي ما نقدرش عليهن

خالي إلياس خش للدار : سيبي تو انا نزلهن هيا انزلي وقت معاش هناك شيء على موعد الطياره راااه

اوك ماشي نزلت ولحقتني مريم ووراها خالي لقيت اجديده في الصاله ومعاها جدي وخالتي ندى وخالي محمود وجميله واجديده كانت تبكي

😂 هذا كله عشان نبي نمشي يااجديده مش مييته انا راااه

جديده تغمرتني ويالله على حضنها دافي وعنوان الأمان : يا روحي انتي بعيد السوء غير مش متعوده على غيابك من الحوش

انا بهمس عادي تخيليني متزوجه

جديده 😂 : ان شاء الله ياربي