ما َبعد الذبول 🥀

Part 7

يااااربي يااااربي شنووو درت انا كله مني يارب ما يصير فيها حاجه ما نبي نحس بالذنب سااد الحسن كل يومٍ ضميري يأنب فيااا ياااارب

كنت نمشي يمين ويسار قدام الغرفه وخايف مش عارف ليش خايف عليها بس حسيتها بنت مظلومه وراها قصة ولازم نعرفها قطع عليا خرووج الدكتور من الغرفه

.
.
هاا دكتور طمني شنو فيها

الدكتور : انا من قبل مااره عليا البنت هذي وقلت معاش تخلوها تتعصب وتبذل مجهود في الكلام لأنها ماتتحمل والباين أنها ما تاخذ في الدواء متاعها

" شنوو يحكي هذا دواء شنو وهي خيرها شنو فيها"

ايي دكتور باهي توا أمورها تمام يعني

الدكتور : ان شاء الله خير بس لازم تتعالج في أقرب وقت لان صحتها كل ما ليها في النازل

حاضر ان شاء الله دكتور

الدكتور مشى وانا قعدت نفكر شنو مرضها وليش مش متعالجه ومسيبه الدواء خفت نسأل الدكتور يفهمني غلط يارب توا شنو حندير يعني ما نعرف حد من أهلها نستنى لين تنوض وخلاص

.......

سيسيل

انا وين وشنوو المكان هذا وووووه ياربي شنو جابني هنا نضت مش فاهمه شيء حاولت نصبي ونمشي حسيت بدهشه بس مش مشكله لازم نروح اكيد مشغولين عليااا
صبيت و طلعت بره الدار اا وووووه ياربي ما يكون يلي في بالي صح

الحسين بعد شافني جاء جهتي : خيرك ناضيه انتي مش لازم تتحركي

شنووو دخلك بياا انت وبعدين شنو أدير هنا

الحسين كتف ايديه في بعض : اسألي روحك يا انسه كنتي تمشي طالعه من المدرسه شفتك طحتي في نص الطريق جبتك هنا بس لان إنسانيه متاعي ما تسمح نشوف انسان محتاج مساعده وما نساعده

ما نبيش مساعدتك احتفظ بيها لنفسك ( وطلعت من جنبه ماشيه شووو باب العيادة نسمع فيه يحكي وراي بس ما ركزت فيه همي إني نروح للحوش وبس) طلعت َوكان الحوش مش بعيد وااجد من العياادة

...
الحسين

ياربي عليك عناد وراس مسكر في البنت هذي مش طبيعيه الحق فياا يلي ساعدتها والله حلال خليتها معزوقه في الشارع ناس عديمه ذوووق
...
..

مريم

من اول ما طلعت سيسيل وانا عقلي معاها ما صدقت سلمت الورقه وطلعت طووول دورت عليها ما لقيتها ياربي ومش مشت البنت هذي اكيد روحت ايي اكيد

سندس من وراي : ويين لقيتيها خيرها شنوو فيها حالها مش عاجبني راااه صاير معاها شيء في الحوش

بشووووي عليا وانتي في جرت بعض الاسئله مش عارفه حتى انا مش عارفه خيرها الايام هذين بس ممكن مرض عصام مأثر فيها وينها اكيد روحت للحوش لان ما لقيتها