انت لي

البارت الرابع

مسائكم الله بالخير والعافيه💕💕

#بارت-الرابع...
....لو كان بيدي ان اختار وطني ...
لاخترت قلب ❤ امي ...هناك انام مطمئنا
واصحئ بسلام ...

......

حيدر :وفاه امي خلاني اشوف الدنيا بلون اسود مابيها اي طعم
الام هيه الشخص الوحيد اللي ماتكدر تعبر عنها بكلام

لان كل الكلام يعجز عن وصفها ويركع امام شخصها ...خاصه اذا
جانت مثل امي حنينه وگلبها دافئ ربتنا وتعبت علينا

ومابيوم قصرت ويانه بشي ...جنت اشوف مستقبلي بعيونها وحياتي الحلوه ...بس اااااه الموت مايرحم بشر ولا يخلي عزيز.

راحت بسرعه بسرعه ..وهسه اني كاعد بفاتحتها ويعزوني بموتها
اااه..

..
ميار ..ضليت ابجي واشهگ شلون خالتي راحت لا مستحيل بسرعه
اليوم الصبح خابرت لماما وجانت تحضر نفسها تريد تروح للعمره

-الجده :أي هيه رايحه بالطريق متخربطه ...كافي اسكتي هاي اراده
الله و إ لموت حق علينا..

-خليت ايدي ع وجهي ..واني اتذكر شكلها وسوالفها والظحكه المتفارك وجهه لا يربي شلون بعد مااشوفها والله صعبه ..

شفت عماتي يردن يرحن بدلت بسرعه ورحت وياهن ..واول ماوصلت وشفت ناصبين الفاتحة ..اختنكت شلون هيج كلشي بسرعه

اووف طبيت جوه وصوت العياط والبجي يهز لبيت خالتي كلهن موجودات حته خالتي البكركوك وبناتها اويلي عليهن موتتات نفسهن

ضحئ تصير اخت سجئ من امها لان خالتي الله يرحمها متزوجه ثنين الاول عدها ثنين حمزه وضحئ ومن توفه زوجها اخذها حماها لان مقبلوا اطفالهم يتربون بعيد عنهم ..

وجابت حيدر وسمير وسجئ ...اباوع عليهن موتن نفسهن وماما حالتها حاله ..

واسمع ضحئ تحجي وتعيط بصوت مبحوح ومينفهم ..

-ولج يماااا رحتي زعلانه مني رحتي وانتي ماراضيه عني ..

..انصدمت من حجيها شلون يعني خالتي راحت وهيه زعلانه اوووف ياربي ..

طول مااني كاعده بالي كله يم حيدر وشلونه هسه وصاير بي أبد
ماشفته كاعد برا يم الزلم ..بس سمير خطيه يكسر الگلب كاعد
بلغرفه وقافلها عليي وميقبل واحد يدخل اله.. ويبجي مثل الطفل العمره سنه ويريد امه هذا جان حاله

وحقه لان خالتي فعلا جانت انسانه رائعه وماكو منها ..بس شسوي
هو الزين يروح والموزين يبقي عاله ع العالم..

مر اول يوم فاتحه بس اصوات البجي والعياط وكل التجي تلطم وتنوح وبين شغل الفاتحة
واحنا كبنات لازم نشتغل ونتعاون كلساع جاي وماي..

وامي خطيه كلش تعبت وبعد ماتكدر حته تكعد ..رحت تقربت عليها

ماما حبيبتي راح افرش تمددي شويه وارتاحي مو زين عليج
من الصبح وانتي كاعده ع حيلج..