انت لي

البارت الثامن

🌟مسائكم الله بالخير والعافيه 🌟

#بارت-الثامن ..
...

حيدر ،،يلا اتصلي عليها وخلي الباقي عليه بيان ..

بيان ،،عليمن إتصل عليها غير ماعدها تلفون هيه !!

-جا هذاك اليوم منين خابرتني ..

-يجوز من امها لان هيه ماعدها....يلا هسه احسن الك من هيج
وسويت بالبنيه وين تلگاها وحده تگلك احبك ..

-اهوو بيان رحمه للحمزه لاتزيديها عليه ترا اني ماناقصج وبعدين
اني مو علمود شي بس لان ضميري يئنبني عليها والا اني مو مال
حب وخرابيط وطيحان حظ ..

-ياا جا شو گلبت عليه اني شكوو..

-اي مو تكولين تحبك عمي ماكو حب بهذا الوكت كله جذب
اسئلي مجرب ..

-هاا وانته مجرب ..

-اي مجرب وملجوم فعوفيني بحالي ..

-يمه منك سكتت ..

-اني عفتها وكمت اريد اخلص من هاي السالفه الدخلت روحي
بيها ..طلعت رحت لاسواق كعدت بيها لان سمير جان بالبيت نايم
اني رحت كعدت بي ..

..

ميار ..بيوم جنت بيت خالتي بيان ..وجان يدگ تلفونها ..سمعتها
تحجي وي ولد ..وتكله اي هاي يمي ..

استغربت منو هذا اليسئل عليه ...فسئلتها منو هذا بيان ..

بيان ،،هذا حيدر يريد يحجي.وياج ...

...

حيدر ..اتصلت ع خالتي بيان ..وجان اسمع صوت بنيه يمها ..
اكول بيان منو هاي اليمج تحجي ..

بيان ..هاي ميار بنت خالتك ..

-لا بربج  نطينياها اسلم عليها...

-ايي هاچ ميار هذا حيدر يريد يحجي وياج ..وجان اسمع صوتها
وهيه تگول. 

عاابت ترديني احجي ويااا ...اني سمعتها ااهاا هاي فوكاها ..
بيان بداعتي افتحي سبيكر ..

-اي ثواني يلا فتحت ..

-ترا إريد بس اسلم عليج مو اكلج احبج ....سمعت صوتها وهيه تگول
..
-احترم نفسك احسن الك ..ونسد الخط .ضجت من تصرفها
بس بنفس الوقت ابتسمت يربي هاي زعطوطه وعلي ماتعرف تتصرف ابد ..

خليت التلفون ع الميز ورجعت لشغلي ...

..

ميار ..من سديته بوجهه احس ارتاحيت مثل ماسوه بيه خلي شويه
يحس شلون الواحد من ينصد ..وحضرته هسه تذكرني بعد
كل هاي الشهور الراحت ووين جان هسه تذكر..

سمعت خالتي تحجي.وياي وتگول ..

-ليش سديتي بوجهه ميار موعيب..

-احسن خلي يولي يستاهل وخلص سدي موضوعه عفييه..
ماريد احجي بي..

-بس انتي بينج وبين نفسج.تردين تحجين وياا ..