انت لي

بارت التاسع عشر والأخير

💞اسعد الله اوقاتكم بكل خير 💞
...بارت التاسع عشر و الاخير.....

ميار ،،لا حيدر عوفهم ماريد مشاكل فدوه بس كتلك حته كلشي
يصير باجر انته تدري بكلشي واني مسلمتهم عند

الله هو ياخذ حقي منهم وعندي إيمان بي كلش قوي ان اللي جاي
يسواا وياي مستحيل يعدي هيج لابد تنكشف كل جذبهم

ويظهر الحق بس اني تعبت حيدر من المشاكل والله عوفهم
لا تحجي وياهم ولا ابد مثل كل مره تروح تحرك گلبك وتالي ينكرون
عوفهم..

شفته اخذ حسره ومد ايده ع شعره رجعه ليوره بحركه سريعه
وگال ..

-مااشي راح اعوفهم خلي نشوف تاليها وياهم ..وهاا صدك تذكرت
حضري نفسج باجر نروح للبصره..

-شنو ليش شعدنا..

-مو حجزت عند دكتور معروف هنااك ..تقربت عليها ولزمت وجهه
باثنين اديه وحجيت...اريد يصير عندي ولد منج..

-اممم بس اني اريد بنيه..

-الليجي من الله يامحلاه بس اذا ولد اني اسمي واذا بنيه انتي
خلي نتفق من هسه خاف ترحين تسمي ع اسم ابوج..

-هههه ماشي متفقين ...ثاني يوم كعدت من الصبح جهزت نفسي
وبدلت لبست تنوره لون خاكي وقميص ابيض وشال خاكي..

وتوجهنا للبصره ...وصلنا حجزنا بالفندق ذبيناها نومه لان جنه
تعبانين ..

كعدت ع طكطه بالغرفه فتحت عيوني حيدر هستوه طالع من
الحمام ..باوعت ع الشباك دنيا العصر قريب للمغرب ..

ااممم حبيبي ليش ماكعدتني دنيا غروب ...

-هم زين من حسيتي ع نفسج وكعدتي هستوني ناوي اخذج للحمام
واسبحج حته تكعدين..

-هه لا خلص كعدت ماكو دااعي ..اخذت ملابس وطبيت سبحت
وطلعت ..لكيته مبدل ومحضر نفسه..

هااا وين تريد تطلع..

-قصدج نطلع جهزي نفسج نروح نتعشى ميت جوع ..

-تمام بس اصلي ...صليت وبدلت وطلعنا رحنا لمطعم
كلش حلوو اسمه بلم عشاري..

حيدر ،ايي شتاكلين ..اني جاي ع بالي سمج البصره مشتهي حيل

-حبيبي بليل سمج..

-هاا ماتردين اطلبلج غير شي ..

-لا يلا عادي اني اصلا صارلنا هواي مماكلين سمج ..والمنظر
يشهي الواحد كل شي ياكل...حجيت واني اباوع ع شط العرب
اجواء جنن وهدوء ..

-جا خووش ...

تعشينا كملنا بعدها رحنا للعشار تمشينا هناك وللسوك اشترينا
كم حاجه ورجعنا للفندق ...

وثاني يوم رحنا للدكتور انطاني علاج وابر وگال بس تاخذينه
يصير حمل ان شاء الله...

وبعدها رجعنا للعماره ...وتعب الطريق رجعنا هلكانين ...