انت لي

بارت الثامن عشر

اسعد الله اوقاتكم بكل خير....
...بارت الثامن عشر ...

..اشتقت لرائحتك ايها الغائب ..
..اريد ان ارتمي بحضنك الدافئ ..
..وروحي تعانق روحك فأنا بغيابك..
انتقدك ،احن ،ثم انام وانا راسمه ..
بمخيلاتي انني داخل حضنك .
كنت ومازلت اكره غيابك ..
..فلا تقتلني بفراقك ..
......💔💔💔......

-حيدر ،،بعد كل اللي صار ومن فلشوني من شغلي صراحه
حيل ضجت لان اني متعود عليه وماعرف اشتغل غير شغله يعني
مامتعود ...ومن فتحت الماركت صديقي..

گلي خلي نسافر ونطلب لجوء للخارج بالبدايه رفضت بس بعدين
قنعني ودخل الشغله بالي ..لان الحياه صعبه حيل بالعراق
وكلت اطلع للخارج وارتب حياتي هناك وبعدين اسحب اهلي..

ماكلت لاي واحد لان ادري محد راح يقبل بسفرتي .. رتبت كلشي
وسافرت ..بس حسيت بغربه فضييعه هناك ببلد ماتعرفه
ناس ماتعرفهم والشوق لاهلي ولديرتي ذبحني ..

مر يومين وكلت اكيد هسه ضال بالهم عليه واولهم ميار عفتها
وهي مريضه بس جنت اريد ارتب الها حياه حلوه بس يمكن
جنت غلطان ...اول مااستقريت بمكان حجزت فندق ..

خابرتها ...

-لااا هاجرت

-شنوووو شجاي تحجي انته هاجرت شنو لا لا اكيد جاي تضحك
عليه او مسوي بيه مقلب ..حيدر مبيه حيل كلش كلي وين
انته ضال بالنه عليك...

-ميار شبيج مقلبيش جاي احجي صدك هسه اني بتركيا ومناك
راح اروح لليونان اخذ لجوء...

-انته صدك تحجي وتعوفني شلون انطاك گلبك تسافر وتعوفني
لوحدي لعد وين حبك هييييج بكل سهوله تعوفني...

-ميار بس استقر اسحبج ..

-شنو تسحبني.لا مااصدك اللي عافني مره يعوفني اكثر من مره
ادري اني ابد مااهمك ولا اعنيك بشي وبسفرك هذا ثبتتلي
ان انته متحبني ...خليت وسديته بوجهه..

وضليت ابجي واشهك بصوت ليييش هيج جاي يصير وياي
يربي وكل الناس اللي احبهم يعوفوني ..

لا مستحييل يحبني حيدر مستحيل اللي عافني وبدون ايي سبب
ولا تبرير منه هذا مايحبني ...ضليت اعصر بيدي

واحس روحي اريد انفجر من الصدمه الم بروحي فضيع وجع
ندم وماعرف شنو احساسي تجاهه بس جان الغضب اللي
أعرفه مسيطر ع حواسي ...

اجت ماما واستغربت حالتي..جان تسئلني..

الام ،،خير ميار شبيج تبجين..

-باوعت ع ماما وحجيت بغصه وصوت مبحوح ..ماما حيدر
مسافر لتركيا وباجر راح يروح لليونان ..

-عزااا شنو ولج شلون يعني تخبل هذا شبي شلون يعوفج ويسافر
مافكر بيج.وانتي مريضه شلون انطاه گلبه وأبوج وعمامج شنو
نگلهم ...