انت لي

بارت الثالث عشر

❤مسائكم الله بالخير والعافيه ❤
بارت الثالث عشر ...

انت مادري شگول انت اجمل شخص شفته ..
وانت اجمل حلم عشته
وانت اطيب عطر انت
وانت اجمل شعر گلته
واسمك بروحي دفنته
واني بس كلبك عشكته
وانت بس گلبي سحرته
وبس الك ليلي سهرته
وانت يااجمل حبيب
وهذا ابسط ماكتبته ......
.....

حيدر ،،اليوم حنتي كعدت من الصبح لگيت البيت مكلوب
من الخطار ..اووف ياربي صار شهرين يمكن مامرتاح بس اركض
من مكان لمكان ..

وهذا كله وابو ميار مايريدني أفرح بعرسي بلآ هسه شدعي عليه
وهو رجال جبير ..الله يهدي علينه بس..

اخذت ملابسي ورحت للحمام سبحت وبدلت تراك ونزلت ..لكيت
اخواتي ينظفن بالبيت وجهال يركضون..

هيووو يمعودين اكعدوا راحه لخاطر الحمزه هو اني راسي صاير
باب الشرجي من الهوسه اسكتوا شويه..

وانتي سجئ سويلي ريوگ بسرعه اريد اروح للحلاق ..

سجئ ..كملت البيدي جنت اغسل اماعين الريوگ ..هاا اي ثواني
هسه اسويلك .

حيدر ،،كملت. ريوگ وع السريع بدلت ورحت للحلاق حلقت ورجعت
وبدربي اخذت كم حاجه محتاجيهن ..

ورجعت جانن عماتي وبناتهن موجودات اني خليت وصعدت
لغرفتي سبحت ..ونزلت اتغديت ..

وراها اجوا ولد عمي ورتبوا الشارع وخلوا الكراسي وجابوا السماعات مال المنشد اللي يقرا ..

واحد من ولد عمي حاجاني ،،ها ابو الشباب خيرك اشو صافن
الشاغل بالك يتهنئ..

-هلا ليوثي لا مصافن بس دايخ بعد اخوك صار فتره مانايم زين
ومرتاح بس افتر..

-هههه يلا اكلها بخاشوكه جا شعندك متزوج ومورط روحك ..

-اليريد الغوه يصبر ع الحاه ماسامع المثل ..

-هههه ايي يلا اروح أكمل شغلي وانت كمل صفنتك براحتك حووب..

-رووح اكرب رووح..

...

ميار ،،كعدت الصبح مالي واهس لكولشي واحس روحي مخنوكه
مدري شبيه..

غسلت وجهي ورتبت ملابسي حته ياخذوهن للبيت ..ونوب خالتي
سوتلي تنظيف لجسمي وسمكره وتشقير لوجهي وجسمي ..
وكملت كولشي ..

جان اليوم المفروض حنتي بس بابا حرمني من ابسط شي
وسلب مني فرحتي ..عماتي وبيبي وماما جانن يمي كاعدات ويحاولن يغيرن عليه جو ويضحكني ..

بس عمامي ابد مشفتهم ولا حته سلموا عليه ولاشي مثل اللي
جانوا يردون يخلصون مني ..

فعلا حقدت عليهم حيل لان حرموني من فرحتي بهذا اليوم
ومخلوني اسوي حنه ..