انت لي

بارت الاول

مسائكم الله بالخير والعافيه ..

#بارت -الاول ..

المكان العماره ..الساعه 1 الظهر.

ميار : جنت راجعه من المدرسه وجان اشوف يم باب بيتنا عمال
واكفين يسولفون وعمي وجدي وياهم استغربت هذولي شيسون

خليت وطبيت للبيت لگيت ماما بالمطبخ ..

هلاو ماما شنو هاي العمال البرا واكفين ..

-هلابيج اي جابهم جدج حته يفتحون الحايط البينا ويسوو بيت
واحد ..

-شنوو ليش ..

-هسه روحي بدلي وبعدين نسولف امشي ..

..خليت ورحت بدلت ملابسي ولبست مال البيت ..شويه ودخلت
اختي رونق ..

اي همزين اجيتي تعاي تدرين ليش راح جدو يفتح الحايط البينا
ويسوي بيت كامل ..

-اي ولج اسكتي غير البارحه سمعت عمو راح يجي من إيران ويكعد
ويانه وجدو راح يسوي حديقه بينا..

-هلا هلا. رحنا بيها لعد راح يصير حظر التجوال علينا ولتبسين هيج
ولا سوين هيج ..

-اييي اوووف ..شنسوي حكم القوي يختي ..يلا هسه كومي
خلي نتغده متت من الجوع ..

-گومي ..رحنا تغدينا ورجعت اراجع دروسي ....

..اني ميار عمري 15من امحافظه العماره اكبر وحده باخواني وعندي اختي اصغر مني اسمها رونق ..واخوان ثنين جعفر وكرار ..

مواصفاتي لا طويله ولا قصيره حنطاويه عيوني كبار ..
امي مدرسه عربي وخطيه هسه يلا كدرت تحصل ع شهاده لان زوجت بابا من عمر صغير لان خوالي جانوا ميقبلون تكمل ..

وهيه اخذت بابا عن حب ومجان عنده مانع تكمل دراستها فخلاها
تكمل ودرست خارجي ونجحت والحمد لله تخرجت وصارت مدرسه
صح ممتعينه بس داوم مدرسه اهليه وباجور وبابا عنده مولدات
مال السحب والحمد لله ماشي الحال ...

وبعد فتره قصيره فعلا جدي سواه البراسه وفصل الحايط الجان
بينه وصار بيتنا وبيت جدو واحد ..ومثل متوقعت صار ممنوع
كولشي نسوي لبس بجامه أو لبس ضيگ.

صرت البس كله دشاديش ولان اني الجبيره وجسمي بارز جانوا
مشددين عليه حيل عكس اختي. اذا لبست شي ممستور او ضيگ
اترزل من الكل ..

جنت احسمهم ميريدوني لان فعلا يصغطون عليه وكلش مشددين
وشكوكيين حيل بالرغم اني مسويت شي خارج الحدود أو غلط ..

ومن اطلع بدرس لو بدرسين واخلص من لسانهم يهددوني ابطل من المدرسه وماما خطيه مجانت تحجي وحته لو تحجي منو يسمع
الها ..

كملت دروسي ونمت الظهر ..وثاني يوم رحت للدوام اني صف ثالث
متوسط ..

رحنا اني وصديقتي مريم جانت كولش حلوه ونازكه بحيث من نمشي اني وياها كولها تباوع عليها البشارع ..وجنه كل يوم وحده توصل الثانيه ..