انت لي

البارت التاسع

🌟مساء النور والسرور🌟

#بارت-التاسع ...

حيدر ..شفتها شلون خافت مني بسرعه نزلت دشداشتها ..نسوان
متجي الا بالعين الحمره ..ابستمت ودخلت لگيت خالتي بيان صارت
بوجهي ...

بيان هاي بنت اختج لسانها متبري منها ..

-ليش ماعجبك لسانها شنو ..

-ههه لا غير يخبل .

-اهاا شنو سالفتك ولك حيدروي احجيلي چنك رايدها..

-اي من سدته بوجهي من جانت يمج وهيه ماراحت من بالي
وشاغله تفكيري..

-حلو حلو تاليها وگعت والله زين ماتحجي وياها شمنتظر .

-لا لا اني اليوم تاكدت هيه شايلتني من بالها وحاقده عليه
ما شفت شي بعيونها ولا حسيت باهتمامها ..بس بيان ديري بالج
تگليلها ماحجي وياج طول عمري بعد ...ماريد احد يحسسها خليها
هيه تحس ..

- لا مااگلها براحتك..

-اي عفيه شفتها دخلت هيه واخوي بس مبينه ضايجه مني خليها احسن اني ..
بسرعه سديت الموضوع واشرت لبيان ماتحجي ..بعدها تعشينا
وضليت كاعد وي الولد ل12 صعدت لغرفتي نمت .....

..

ميار ..ضليت افتر اريد اعرف ع شنو جانوا يحجون اكلني الفضول
أخر شي رحت لبيان .

كتلها ..بيونه..

-الله اليستر مادام بيها دلع هاا..

-اي غير انتي خالتنا وحبيبتنا شلون مندلعج ..

-ايي خوش شرايده .

-احجيلي ..

-ع شنو ..

-حيدر شعنده وي مروه. .

-اهااا هناا الحجي مو گلتي ماريده ونسيته وخيولي شكو
تسألين ..

-اي وليهسه وبعد ماريده بس فضول وداعتج..

-خووش بس ماتگولين ..

-لا والله مااگول ..

-خووش شوفي حيدر مو سوه عمليه ..

-صدك هااي شوكت ومال شنو ..

-قبل فتره طلع عنده انحراف بخشمه من زمان من جانت
خالتج موجوده الله يرحمها ..

-كتلها بگلبي هوه هذا الولد كله منحرف مو بس،خشمه واني اتذكر
شلون باسني المايستحي ...اي كملي وشنو علاقه مروه بالموضوع.

-ايي مو هيه جانت بالمستشفئ وياهم ومن تاثير البنج سامعه
حاجي الاكو والماكو ..

-عزااااا بس لا جايب طاريي..

-هههه أيي..

-يااا خاله فدوه گلي لمروه خلي تسكت وماتكول لامي والله اذا
يسمعون يذبحوني مابيها مجال..