انت لي

البارت السابع

مسائكم الله بالخير والعافيه 🌹

البارت -السابع...

اه ياگلبي ليش انته حبيت
واني ادري محبتك من طرف واحد ..
كتلك مايحبك افهم شبيك .
تعرف مايريدك لاكن تعاند ..
اااه ياگلبي الجرح بين عليك ..
اه ياطعان غدرك من محب حاقد ..
..احبك والگلب مايگدر يبوح .
وانته تدوس بيه بدمك الجامد .
..حيييل تعذبت بس انته ماحسييت
بنار گلبي وگلبك البارد .
..جنت بس انته اشوفك ماشفت ناس .
وصافن بس افكر والذهن شارد .
.انته تعيش صافي وهادئ البال.
..ونشلع باب گلبي بصمتك الجاحد .
.ااه من الدمع شگگلي الخدود .
اه من الالم وي همي متواعد .
..ااه شكد صعب من تحب باخلاص..
..وتعرف تالي حبك من طرف واااااحد ...
..............

حيدر ،،جنت افتر وصدفه شفت بنيه وشبهت عليها ..ضليت صافن
جانت لازمه ايد شخص ويمشون سوه ..

رجعت بذاكرتي .ااااه هاي ايه حبيتي القديمه اي هيه نفسها الحبها
گلبي وغدرته وخانته واختارت غيره ..

اخذت نفس اهدئ نفسي ومسحت وجهي باثنين اديه ..اصعب شي
من تشوف شخص جنت مخطط وياا مستقبلك واحلامك اللحظه ينهدم كلشي ..

وللأسف نفس الشخص اللي بنيت عليه احلامك هوه اللي يهدم
كلشي ويطعنك ..صعب حيل من تشوف شي جان ملكك أو تعتقده
ملكك تشوفه بيد غيرك ..تريد تكوله هذا مو الك الشي ..

بس للاسف الشخص التحبه هوه اللي باعك ومايستاهل تحارب ع موده ودافع عنه لان بكل بساطه باااعك ..

باوعت ع جهازي يرن ..طلعته شفت صديقي المقرب يتصل. ..

الوو هلا احمد خويه شلونك..

،،هلا بابو الشباب وينك تعال اني بهذا المكان النكعد بيه يوميه واكو واحد يمي يريد يشوفك . تعال بسرعه
..
،

،اي ماشي جايگ ..خليت ورحت يم صديقي ولكيت الشله متجمعين
وواحد منهم هم
صديقنا بس عنده سوالف مكسره ويشرب ..

الله بالخير وكعدت يمهم ..

ردوا عليه ..الله بالخير والعافيه ..

ايمن ،،ها حب  خيرك مو ع بعضك شكوو صاير شي..

،،جاوبته ..اي والله ضايج والدنيا طالعه من عيني ..

،،مع الاسف عليك اني يمك وتكول ضايج ..هاك تفضل اشرب وانسئ
همومك وادعيلي..

باوعت هذا طلعلي بطل شرب ويگلي اشرب...
،،لا يمعود هوه اني الله غاضب عليه وتريدني اشرب ماريد..

،،دجرب وشوف شخسران مادگلي وداعت جدي راح ترتاح وتنسئ
الدنيا واهلها اخذ ..

جماعتي حجوا ..اخذه يمعود واشرب اخذ جرب