انت لي

بارت الحادي عشر

💐مسائكم الله بالخير والعافيه 💐

#بارت الحادي عشر ....

..دليني ع حبك خلي بلكي ارتاح ..
وخليني ع دربك امشي خليني ..

واثناء المشي اكتبلك عقد للموت
اسجلك عقد بايامي وسنيني ..

ماريد الحياه رايد اعيش وياك
مليت البشر فاركت كل الكون...

بس وياك اعيش وهذا يكفيني💑

.....

ميار . اليوم خطوبتي كعدت الصبح رحت للحمام غسلت ..ورجعت
نشفت وجهي ..باوعت بالمرايه اليوم خطوبتي من حيدر ..

كولش فرحانه بس بنفس الوقت ضايجه احس ان ماصار كلشي
مثل مااتمنئ ماختاريت شي ع ذوقي ..اخذت نفس ومسحت وجهي..

الحمد لله ع كل حال اهم شي حيدر خطيبتي ووفئ بوعده وهذا
اهم شي عندي الباقي مو مهم ...

رحت للمطبخ تريگت وكملت ..بعدين ندگ الباب طلع اخوي جعفر
فتح الباب  خالتي بيان اجت ..

كمت سلمت عليها ..شلونج خاله .

جاوبتني،،هلا بعروستنا ..يلا حضري نفسج نروح الصالون هم يالله
نلحگ بعد ..

-أيي ان شاء الله ...رحت للغرفه بدلت ولبست صايتي ورحت
وي خالتي للصالون ..وبدأت تشتغلي تسريحه وميك اب .

كملت وطلعت كولش حلوه ..باوعتلي خاله بيان وهيه تضحك وتگول ..

-لج هاي شنو ميوره طالعه تموتين الله يساعد حيدوري اليوم
من يشوفج ،،

-ابتسمت واني اباوع لشكلي فعلا طلعت حلوه ..جاوبتها ،،تسلميلي
بيونه عيونج الحلوه ..

-يروحي ..يلا اجت سجئ هيه وخطيبها بسيارته راح يرجعنه..

-هاا ايي ..ساعدتني خالتي وشالت البدله ولبستني الكبوس
وطلعنا ..صعدت بالسياره ..بس سجئ موتتني كولساع وكالت نزلي
راسج ..

سجئ ،،ميار نزلي الكبوس ع وجهج احسن عيب الولد غريب
ليشوفج..

-اووف يربي نزلت الكبوس ع وجهي وخنكتني.بطلاع الروح وصلت
للبيت ..دخلت للغرفه باوعت ع شكلي ملعوب بوجهي طووبه..

المكياج خربان وتسريحه هم كله من حضرت الست سجئ
ضجت حييييل بس شسوي ماكدر احجي حته أجيت وابجي..

اجن خالاته وعماته واخته  وبلشت الخطبه واشتغل الديجي
وركص البنات .. وره شويه سمعت صوت كالوا اجه حيدر ..

اني توترت مدري شبيه ليكول مو حيدر شخص ماعرفه راح
يدخل شعور لا ارادي اكيد كل وحده يصير بيها بيوم خطوبتها
حتئ اذا كان عن حب لازم تتوترين ..

دخل حيدر باوعت عليه جان لابس قميص ماروني ويلگ اسود
وبنطلون اسود وحذاء سبورت طالع يجنن ..