إبتسامة عابرة

الجزء التاسع

نظر مالك لفاطمه بعجب قائلا: انتي تعرفيه انتي كمان
زمم فارس علي شفتيه بقوه وسقطتت دموعه وابتسم قائلا: ماما
ذاد اتساع  عين ودهشة مالك ومن حوله ونهض رغم ألمه وجلس علي السرير
وفجأه تحرك فارس مسرعا الي فاطمه وأحتضنها بقو ه وهو يبكي بحرقه
كان الجميع في عجب مما شاهدو
نظر محمود الي مالك بتعجب شديد وقال: ماما؟؟
وفجأه دون أي مقدمات فرت االدموع من عين مالك دون ان يعلم سببها
وبعد ان انتهي العناق  نظر فارس نحو مالك بدموع قائلا: اخويااا
انتفض جسد مالك فجأه وشعر بألم شديد في جسده وقال بدموع: اخووك
فاطمه ببكاء: ودا االسر االي كنت مخبياه عليكو طول عمري
تذكر ماالك تلك الصوره التي تجمعه وهو رضيع  مع طفل رضيع اخر ولم يعلم من هو ولم يهتم لهذا الموضوع  ابدا
ثم نظر فارس نحو عبدو واسراء وقال بدموع وشوق وابتسامه: وحشتوني كلكو ...
ابتلع فارس ريقه وقال بشهقات ووجهه محمر: انا فارس محمد عبد العظيم اخوكم انا الي فضلت بعيد عنكم   انا الي امي وابويا محكوش ليكم عني انا اخوكم
مسحت فاطمه دموعها بألم قائله بحرقه: فارس دا يبقي توأمك يا مالك
وقعت الكلمه كالصاعقه علي صدر مالك مما جعله يسقط علي السرير مغشيي عليه

استيقظ مالك قائلا: ااااه ااه انا فين ااه
الممرض: حمد لله علي سلامة حضرتك
مالك بتشويش نظر: ااه مين ااااه مش شقادر
كان الممرض يضع المحاليل داخل الجلكوز ويقول: اطمن حضرتك ان شاء الله هتبقي كويس انت بس محتاج ترتاح شويه

كان فارس جالسا في الخارج محتضنا عبد الرحمن واسراء لا يريد افلاتهم ابدا : وحشتوني قوي قوي
عبد االرحمن: انت بجد انا مش قادر اصدق يعني ازي
اسراء : انت كنت فين كل دا يا فارس وازي ماما محكتلناش عنك
ابتسم فارس ومسح دمعه وقال : كنت في تركيا يا اسراء قصه طوووويييله قوي بس نطمن علي مالك بس وهحكيلكم
نهض فارس ومسح وجهه شديد الحمرار مثل وجهه مالك عند البكاء وقال : ماما...... هو في فلوس متدفعتش لسه صح
فاطمه بدموع فرحه وألم: ااه يبني فاضل لسه فلوس علي مالك
ابتسم فارس قائلا: طيب هو انا ايه ومالك ايه انا هروح ادفعها
ذهب فارس نحو الاستقبال وقال: لو سمحت عايز المطلوب دفعه للمريض مالك محمد عبد العظيم
ردت الفتاه قائله: ايوه يا فندم مطلوب9الف جنيه يا فندم
اخرج فارس محفظته واخرج بطاقته الخاصه بحسابه في البنك وهو يخرجها لاحظ الفتاه تنظر له نظر له وتوقف عن اخراج المال وقال بحده: حضرتك تقدري تبصي في الكومبيوتر بدل ما تقعدي تاخدي في ذنوب صح ولا ايه
شعرت باحراج شديد ونظرت تجاه الحاسوب بينما ووضع فارس البطاقة  امامها ..حتي انتهي من عملية الدفع
جلس فارس مكانه  عاقدا ذراعيه امام صدره ينظر تاره لعبد الرحمن ويبتسم وتاره اخري لاسراء ويبتسم

وبعد انتهاء اليوم والخلاف الحاد بين محمود وفارس عن من سيبيت مع مالك
فارس: يا محمود انا اخوه بقالي اكثر من 10 سنين مشوفتوش خليني معاه
محمود: وهو مش متعود عليك مش هيرتاح معاك
فارس: طب نخيره
محمود: ماشي ...مالك عايز مين يبات معاك
مالك بتعب: اييه .خلي فارس يبات يا محمود انهردا معلش ..عايزه معايا انهردا
ابتسم محمود قائلا: خلاص يا عم مالك  الممهم راحتك بس هجيلك بكرا وهشوفك احسنن بكثير ان شاء الله
ثم ذهب وقبل رأس مالك قائلا بهمس: انا مش مرتاحله ابتسم ماك قائلا: ههه توكل علي الله يا محمود اشوفك بكرا
محمود : ماشي يلا تصبح علي الشفا ان شاء الله مع السلامه
ابتسم فارس قائلا: حبيبي أبو المامليك
ابتسم مالك وقال: ازيك يا فارس
فارس: الحمد لله يا مالك بص يا مالك انا عارف انك ممكن تكون مش مصدق ميه في الميه بس انا هحكيلك كككككل حاجه وهتفهم
ابتسم مالك قائلا: لا يا فارس متحكيش انا مصدق ومن اول ما شوفتك بس انا شكيت شك بسيط جدا بس دلوقت اتاكدت
ضحك فارس قائلا: هههه بس مقولتليش انك بتربي دقنك يعني ههههه
مالك: هههه مش لوحدي يا عم ما انت كمان
فارس: لااا انا مربيها سنه انت مربيها ايه بقي
مالك: سنه ورجوله
فارس: ماشاء الله مش هقعد ارغي معاك كثير واتعبك وانت اكيد عايز  ترتاح و..
قاطعه مالك قائلا: لا ارغي براحتك انا بقيت كويس الحمد لله

وقضا ملك امسيه جميله مليئه بالضحك والسعاده لأول  مره يشعر بهذا الإحساس طوال حياته

يستيقظ مالك في صباح اليوم الجديد بحساس جديد ومشاعر جديده
ينظر تجاه فارس النائم بجوار يداه
مالك: فارس .. ياا فارس
ثم وضع يداه علي رأسه قائلا: انت يا عم فارس يا أبو شعر غزير انت
نهض فارس مبتسما وقال بمزاح: مش لوحدي الي شعري غزير
ابتسم مالك قائلا: انت نايم كدا ليه
قال فارس بمزاح: والله بشوف كل الي في الأفلام لما بيكون حد محجوز في المستشفى ويبات حد معاه بينام كدا
ضحك مالك بشده مما جعله يشعر بالم
اقترب فارس منه ووضع يداه علي كتفه قائلا: بس بس متضحكش يا عم مصر عيزاك
ضحك مالك اكثر وقال بتعب شديد: ههه والله الضحك دا بيخفف الألم الي طال السنين
فارس مازحا: ايه دا انت محجوز هنا علي طول ولا ايه لا دا انت عجبتك القعده بقي شوكلاته وورد ودنيا وعايش حياتك
مالك: هههههههه لا يبني مش تعب جسدي خالص
ثم زفر وعادت ملامح وجهه للجمود مجدادا وشرد
فارس: مالك؟ يا مالك؟تقصد ايه ايه الي حصلك
مالك ببتسامة اسي: الدنيا ضحكت عليه يا فارس مسبتش جزئ فيا سليم
رد فارس بمزاح: لا بقي دي شكلها حدوته طويله ومحتاجه ان احنا نجيبو فشار بقي ونقعدو كدا ونركيزو
ضحك مالك ضحكا هستيريا لطريقة كلامه قائلا: ههههههههههههه نقعدو ههههه انت من اسكندريه ياض ههههههه يخربيتك ااااه هههه مش قادر بطني ههههه
نظر فارس للساعه في يده قائلا: يااه شفت الساعه كام دا الظهر اذن الحق اصلي بقي هروح اتوضي واجيلك وسمعني بقي يا شهرزاد
ابتسم مالك قائلا: ماشي
توجه فارس للحمام بينما كان مالك شاردا في ذكرياته الدفينه  يتذكرها في كل وقت وحين في كل لحظه لا تغيب عن  تفكيره : معقووله أكون انا الي وحش ..معقوله انا الي جرحت ..مش الي اتجرحت معقوله انا الي خونت ..معقوله أكون في حلم معقز...يا مالك
قاطع تفكيره صوت فارس : ياعم السرحان ..مفيش فوط هنا عايز انشف
ضحك مالك لمنظر فارس
فارس بضحك خفيف: بتضحك علي ايه
ثم نظر لنفسه قائلا: عشان شكلي يعني ههه يا عم كنت بتوضي لازم اخلع القميص وبيني وبينك الجو حر أصلا ومش طايق نفسي وعايز استحمي وحاجه قرف يعني
ضحك مالك قائلا بغمز: بس بتلعب حديد يا شبح
نظر فارس لعضلاته بغرور قائلا: عيب عليك دا انا حرييفف ...اانا عايز فوطه مش عارف ازي مستشفي زي دي متحطش فوطه في الحمام مش عارف انا في ايه مش مستوعب ازي انت معايا يا مالك الموضوع دا ميتسكتش عليه لازم نرفع عليه قضيه وربنا ميصحش كدا
ابتسم مالك لحديثه ودمه الفكاهي قائلا: والله يبني انت طلعتلي في البخت واحد عثل زيك ويطلع اخويا ومش بس كدا كمان توأمي
رد فارس قائلا: والله يا باشا احنا بنعمل الي علينا واييه
ثم رن هاتف فارس فأمسكه ليري من المتصل واكمل حديثه وهو ينظر للشاشه ويقول: بنعمل ايه الي علينا واييه انت معايا فانت لازم تبقي اييه تبقي كدا بص هرد علي الفون بس وا الو ايييوون حبيبي ازيك يا عم واحشني اقسم بالله بخير والله وانت اخبارك واخبار الشغل ايه كله تمام الحمد لله لا هو انا مقولتلكش ما انا قابلت مالك اه والله العظيم اه وعرف الف شكر ياباشا لا عيب عليك يا ياسر دا انت جميلك علي راسي من فوق يا سيدي انت فين؟ ايه جي لمالك طيب طيب سلام ثم نظر للهاتف قائلا لمالك: ها يعم كنا بنقول ايه
أجاب مالك قائلا: مين ياسر الي جي يا فارس
ضحك فارس قائلا: هههههه بص واحد اتنييين  ثلاثه تا تا تااااا
وفجأه فتح الباب ودخل ياسر
نهض فارس واحتضن ياسر بقوه قائلا: واحشني يا عم
ياسر: وانت اكثر والله اخبار تركيا ايه
فارس: والله بخير يا زول
ياسر:زول؟ هو انا بقولك اخبار السودان ..حمد لله عالسلامه يا مالك
نظر مالك تجاههم قائلا: انا مش فاهم أي حاجه انت تعرفه وانت تعرفه وانا معرفش حاجه خالص وغريبه انك تيجي تزورني يا ياسر انا مفيش بيني وبينك أي اتفاق يعني
ضحك ياسر وفارس ضحكا هستيريا
احمر وجه مالك وانفعل قائلا: ممكن افهم ايه الي بيحصل
رد فارس قائلا: بص يا سيدي انا هفهمك ياسر دا صاحبي تمام تمام كنت بعرف كلللل اخبارك منه وكل حاجه منه
مالك: بس ازي انا مش بحتك بيه اصلاا ومفيش بييني وبينه اتفاق أساسا
ضحك فارس قائلا: ههه ما هي اللعبه هنا بقي اتفقنا يكون ديما ما بينكم خلافات ومشاكل عشان ميبانش ولو للحظه من تفكيرك انه ممكن يكون فيه بيني وبينه لينك لاني كنت متاكد انك حاسس انه في حاجه نقصاك او في حاجه انت مش فاهمها صح؟
رد مالك قائلا: صح قسمن بالله انتو دماغكم دي دماغ شياطين
فارس: هههه طب هصلي انا بقي
ياسر: جبتلك شوكلاته يعم
فارس وهو يضع السجاده علي الأرض: هاكل منها علي فكرا
ياسر: بس يا مفجوع
مالك: يعني كل دا كان تمثيل
ياسر: قولتله والله قولتله مليش انا في السكك دي برضو صمم يدخلني اعمل ايه انا
مالك بألم: اااه يا يا يس ياسر انده الدكتور ااااه
نهض ياسر مسرعا ونادى علي  الدكتور
جائت الممرضه وقالت: خير ايه الي حصل
مالك بتعب شديد: مش قادر بطني وجعاني جامد مش قادر اااااااااه
هدأته الممرضه قائله: طيب اهدي اهدي هركبرلك الدوا دلوقتي هيسكن الامك ووجبة الفطار جيه دلوقت
ياسر: ايوه يا عم يبختك يا سي مالك
فارس بعد انتهاءه من الصلاه: انت جي تنق علي الواد
وضعت له المحاليل وخرجت
مالك بتعب: فارس
فارس: ايوه يا مالك
مالك بتعب: طلع الواد دا بره
ياسر: الله الله الله في ايه يا عم مالك هتطردني ولا ايه
مالك: جيي يعاكس في المستشفى انا مش ناقص ذنوب الله يكرمك
فارس: هههه حصل خير لم نفسك يا عم ياسر مش في دسكو احنا

جلسو يضحكو ويتحدثو جميعهم  وجاء محمود حتي حل المساء وذهب ياسر وجائت فاطمه واخوته وجلسو سويا حتي سمح لمالك باالعودة معهم للمنزل عاد جميعهم للمنزل وكان الجميع يوجد في غرفة مالك
نهض فارس قائلا: طيب حمد لله علي سلامتك يا ..يا مالك ويارب اشوفك في خير علي طول
رد مالك قائلا: انت رايح فين
ابتسم فارس ابتسامه حزن يعلمها مالك جيدا وقال: هروح
رد مالك بغضب: تروح فين انت في بيتك يا فارس
نظر فارس تجاه فاطمه واخوته وقال بنبرة حزن: معلشي يا مالك انا وجودي هنا مش مرحب بيه ..انا هرجع لمكاني تاني بس متقلقش هزورك
رد مالك بحده: تزورني انت ايه الكلام الي بتقوله دا انا اخوك انت عبيط ما تقولي حاجه يا ماما
نظرت فاطمه للأرض وأجابت بصعوبه قائله: خليك يا فارس
رد فارس بنبرة حزن ودموع: رسالتك وصلت يا امي عن اذنكم