إبتسامة عابرة

الجزء العاشر

رد فارس بنبرة حزن ودموع: رسالتك وصلت يا امي عن اذنكم
انفعل مالك قائلا: هو ايه الي بيحصل دا في ايه  فااارس
توقف فارس عند باب الغرفه والتفت لمالك قائلا بعيونه:ارجوك سيبني امشي
وبقلبه:ارجوك خدني في حضنك يا خويا 
وبشفتيه: ايوه يا مالك
مالك: انت انهردا هتبات معايا هنا في اوضتي وبكرااا هتجيب حاجتك وهتيجي تعيش معانا انت واحد مننا انت مش غريب يا فارس
ثم نظر لامه قائلا: حتي لو في حد شايفك كدا
وضع فارس يداه علي كتفه قائلا: مالك انا مقدرش اني افرض نفسي علي حد انت اخويا وانتو اخواتي وانا والله بحبكم وعايز ونفسي ابقي معاكم
ثم صمت وهله وأردف قائلا: وانتي امي وانا انا مقدرش اغضب امي وا واعمل شيئ هي متقبلوش حتي لو فيها اني ادوس علي نفسي بعد اذنك يا مالك متضغطش عليا
ثم بدات عيناه بالمعان واوشك البركان علي الفيضان واخطلت صوته بنبرات الحزن والبكاء واكمل قائلا: انا مقدرش ادوس علي قلبي يا مالك والله ما اقدر ارجوك سيبني ارجع زي زمان اعتبرني عابر عادي في حياتك بلاش تخادني كاخ ثم بدأت دموعه بالانهمارعلي خديه وأكمل قائلا:اعتبرني مجرد طيف وعدي وياريت تنسي كل لحظه حلوه قضيتها معاك في الليله الي بيت فيها معاك عشان متتعبش يا مالك انا أخيرا حققت حلمي بأني شوفتكم وبس كدا كفايه قوي لحد كدا انا كدا هبقي طماع اعتبرو نفسكو مشوفتونيش ووعد مني مش هتشوفو وشي تاني  اناااا انا بس بس عايز عايز اقولك علي حاجه يا مالك عا عي عايز اقولك اني بحبك قوي قوووي وانك اجمد من كل حاجه مهما كانت يا مالك مالك انت قدوتي انا خد بالك منهم يا مالك خد بالك من اسراء كويس وعبده خلي بالك من نفسك متفكروش فيا تاني عشان خاطري انا.. بس يا اسراء في فرحك ابعتيلي دعوه بس متخافيش مش هحضره والله ولا هتشوفيني انا بس هشوف الدعوه وأقرا اسم اجمل عروسه بس اشوف اسمك بس في الدعوه هيكون بالنسبه ليه كاني حضرته انااا بحبكم والله بحبكم كلكم انا انا انتو مش هتشوفني تاني عشان كدا انا عايز اطلب منكم طلب صغير
ثم شعر بصعوبه في الكلام وقال ببكاء شديد: ممكن احضنكم قبل ما امشي .. انتو هتوحشوني قوي انا طلبي صغير خالص والله
نهضت اسراء مسرعه ببكاء حاد وارتممت بين احضانه
احتضنها فارس بقوه قائلا ببكاء: هتوحشيني قوي يا اجمل عروسه هتوحشني قوي يا مالك خلي بالك منها عشاني
ثم نظر لعبد الرحمن وقال ببكاء:  تعالا يا راجل  البيت
واحتضنه بقوه قائلا: خلي بالك منها يا عبدو يا اجمل عريس
ثم تركهم وتوجه نحو سرير مالك واحتضنه بقوه شديده وبكي بكئا هستيريا بكي بكل ما لديه من دموع
كان مالك يحتضنه بنفس الققوه وبنفس حجم  البكاء كان  لا مجال للحديث كان البكاء سيد الموقف
تركه فارس وضع يداه الاثنتان علي كتف مالك وقال ببكاء حاد وعدم تماسك: خلي بالك من نفسك يا ..
ثم احتضنه بقوه ولم يكمل كلامه
قال له ببكاء حاد وهو يحتضنه: اننا مش عايز اسيبك يا مالك انا ان انا انا ان انا مليش حد يا مالك ..ان انا
ثم بكي بقوه
نظر له مالك ببكاء وقال: متمشيش انا انا لما لم لما شو شوفتك فرحت لأول م مره في حيا حياتي اف افرح ك كدا يا فارس فارس ..خليك جنمبي يا فارس ارجوك متسبنيش الدنيا هترجع تسود تاني يا فارس مصدقت لونت
فارس ببكاء:كان نفسي انا مش عايز اسيبكم انا بجد بحبكم ..انا ان انا  انا اوعدك هجيلكم هجيلك كل اليوم يا مالك ..والله هبقي حملي خفيف يا امي والله والله كاني مش موجود
انفعل مالك بغضب وبكاء: اييه الحكايه انا عايز فهم هو فارس دا مش ابنك برضو ايه الموضوع عايز افهم انا عايز افهم مش راضيه ليه يبات مش متقبلاه ليه ايه الي حصل يعنني ومخبيه عليا ليه كل الفتره دي لييييه ليييييه فهميني غلط في ايه هو مريت باصعب فتراتت حياتي وتعبت كتير ومحدش حاسس بيه واكتشف ان عندي اخ تؤام وكل دا ومعرفش
بكت فاطمه بحرقه لعتاب مالك لها وتحركت خارج الغرفه
صرخ مالك بوجهه المحمر وبكائه وعيناه المحمرتان في وجهه فارس قائلا: انت مش هتتحرك من هنا دا بيتك انت فاهم
هدأه فارس قائلا له: حاضر اهدي بس عشان خطري يا مالك
بكت اسراء وخرجت
وقف عبد الرحمن وزفر بعدم فهم وتعب وخرج دون تفهم
بكي مالك بشده قائلا : اانا تعبت ..تعبت
احتضنه فارس قائلا بحزن: اهدي يا مالك بس وارتاح وان شاء الله كل حاجه هتبقي كويسه
مسح مالك دموعه قائلا: فارس انا عايز افهم أي الحكايه ممكن؟ عايز افهمها كلهااا
فارس بتهدأته: مالك هتفهم كل حاجه بس اهدي كدا واررتاح
قاطعه مالك بغضب قائلا: مش هرتااح غير لما اعرف كل حاجه يا فارس
فارس: طيب هتعرف والله بس دا مش وقته والله انت مش شايف انت جرحك بدأ ينزف يا مجنون
وضع مالك رأسه علي الوساده محاولا تمالك اعصابه وكتم المه
ثم طلب من فارس ان: قوم غير لبسك خد لبس من دولابي وكل البيت دا بيتك انت حر فيه تمام اعمل للي انت عايزه
فارس مبررا: بس انا حاجز في هوتيل وا
مالك بحده: سمعتني يا فارس صح لو سمحت متجادلش معايا
توجه فارس نحو الخزانه واخذ بعض الملابس وخرج ودخل الحمام وبدل ثيابه وتوجه نحو غرفة والدته وطرق الباب ودخل بعد ان سمحت له وقال بندم: امي انا اتغيرت واالله والله بعدت عن كل حاجه وحشه ممكن تتخيليها والله امي انا عايزك تسامحيني انا برضو كنت طفل وقتها ومكنتش فاهم حاجه امي انا عشت وحيد طول عمري مليش حد وعلي طول لوحدي ..نا انا
قاطعته فاطمه بدموع قائله: اتمني اتمني تكون اتغيرت فعلا يا فارس وانا هسيبك تقعد معانا عشان خاطر مالك بس وهشوف اذا كنت فعلا اتغيرت واتمني متخيبش ظني
فرح فارس بشده حتي دمعت عيناه وذهب وقبل جبينها قائلا: اوعدك اني مش هخيب ظنك ابدا
ثم توجه الي الباب للخروج استوقفته فاطمه قائله: الاكل علي البوتجاز كل الي انت عايزه
نظر لها وابتسم قائلا : انت عامله ايه اكل بقي
ابتسمت فاطمه قائله: صنية بطاطس ورز وفراخ وفي لحمه بس دي لبكرا لو عايز تاخد خذ وابقي حط لمالك معاك يمكن نفسه تتفتح وياكل
تحرك فارس وتوجه للمطبح ووضع الطعام وتوجه نحو غرفة مالك فوجده يتناول الدواء
نظر مالك له قائلا بمزاح : ايه الي انت لابسه دا
بادله فارس بالمزاح قئلا: لا معلش انا مبعرفش اقعد غير كدا بقي معلش
مالك بضحكه مكتومه: ههه بس الجو في نسمة برد انهردا يبني هتقعد كدا بالحمالات ..لا ونقيت كمان واخذ الاسبورت
فارس بغرور مصتنع: لا معلشي بقي انا مش بلبس غير ماركات لو سمحت
مالك: ههه ههه الحمد لله كنت في اشد الحاجه لمعجزه فعلا
فارس: اه وانا والله الفراخ هنا حلوه قوي يلا عشان هموت من الجووع
مالك: هههه كل انت انا مش جعان
فارس بحده فيها حس رفاهي: لا بص بقي اما اقولك انا يا أقوم امشي اروح اكل لوحدي في الاوتيل يا تتنيل تاكل معايا قولت ايه
مالك: خلاص هاكل هاكل
فارس: ايوه كدا ناس مبتجيش غير بالعين الحمرا بس معلش انا هاخد ورك وانت بقي خذ الصدر الكبير دا ماشي عشان يغذيك بقي وانت فاهم
مالك: هههههه يخربيتك ماشي خذ الورك المرادي لاكن مش كل مره ها انا مبكولش غير الورك يا عم
فارس: خليك قنوع الي تاخذه خذه واسكت مش عارف انا ايه دا انسان اناني بصحيح
مالك ضاحكا: انا برضو الاناني ههه..انت مش مقصر شعرك ليه
فارس وهو يضع قطعة البطاطس في فمه: اييه شعري لا اصله كدا حلو بقصره بس كل فتره البطاطس حلوه اوي دوق يبني كل انت هتبصلي لسه
مالك: هههه هو الي يقعد معاك يعرف ياكل ههه الا قولي يا فارس انت ليك تجارب في حياتك يعني حبيت خطبت اتجوزت مثلا
توقف فارس عن الاكل ونظر تجاه اخاه بملامح جامده وشرد دون ان يتفوه بكلمه
فهم مالك تلك النظرات جيدا فهو يعلمها بل قد حفظهاا
ابتسم مالك ابتسامة أسي قائلا: مش لوحدك
مسح فارس فمه بمنديل ورقي وقال: هو يعني موضوع طويل وصعب يعني يا مالك لما تفتكر حاجه قديمه كانك بظبط كنت متعور والجرح خف وجه حد وخبطك فيه نفس الفكره بالظبط بتتوجع فمش عايز أتكلم كثير يعني مش عايز اني مثلا ارجع تاني لحاجه عمرها ما هتتصلح مهما كانت هي ايه يعني بس يعني عموما انا كنت خاطب بس محصلش نصيب
ابتسم مالك قائلا: راجل والله .احمد ربنا علي انك قدرت تخطب علي الأقل ربنا يريح قلبك يارب
فارس بنبرة حزن: انا طبعا مش محتاج اسالك
ابتسم مالك قائلا: مش محتاج كدا كدا هحكي ما صدقت لقيت حد افضفله بعد محمود
فارس: أتكلم وانا برضو لو اقدر اساعدك اكيد مش هبخل عليك
مالك: لا يا فارس انا عايز اسمع كل حكايتك وازي كل دا بعيد عني
فارس بحزن مكتوم: انا طفل عادي كنت بجري وبلعب مش فاهم أي حاجه خالص كل الي كنت اعرفه اني كنت انا وابويا بس وكنت كل يوم بروح عند وحدة ست كدا كانت زي امي ابويا كان بيقولي كدا يعني اعتبرها امك يا فارس وانا كطفل اهبل صدقت طبعا كنا في تركيا طول عمري وانا هناك كبرت لحد كدا 11سنه ورجعنا مصر تاني كنت ديما بسافر مع بابا اسكندريه واسوان شغل وكدا مكنتش بقضي وقت معاكم كثير أصلا كنت انا زي زميلك في المدرسه معتقدتش هتفتكرني لاني قولتلك طول الووقت بعيد المهم بقيت  ادخل في سسكك مش كويسه خمرا وحشيش وبنات وسكك زباله وكل يوم ارجع البيت الساعه 4 الفجر لحد ما امي طردتني من البيت لاسباب كثيره جدا مش هقدر اني أتكلم فيها  طبعا مشييت وبفلوس كنت واخذها من ابويا سافرت تركيا وعشت مع الست الي كانت بتربيني من صغري لحد كدا ما كبرت شويه وبقيت شب اقدر أكون نفسي واشتغل الست ماتت وبقيت لوحدي خلصت جامعه وبعدت عن الطريق دا تماما واشتعلت في شركه هناك
وكونت نفسي والحمد لله يعني بقيت شخص مختلف المهم كان في بنت سوريه فقيره بس كانت
لاحظ مالك تغير نبرة صوت فارس لمعان عيناه وهو يقول : كانت كانت كاانت متتوصفش ابدا رغم لبسها الي متقطع وكل حاجه انا يعني يا مالك مكنتش متخيل اني ممكن اشوف واحده زيها تركيا كلهم أصلا أجانب وانت فاهم بس هي كانت حاجه تانيه حاجه متتقارنش باي واحده ...