(الفصل الثالث)
#لست_معقدة
جرت امامها واحتضنته
بسمله فى زهول : احمد انت جيت امته ؟ .......
فيجيب ذلك الشاب.الطويل وعينه تحمل اللون الاخضر وشعره مائل الى الصفرة حيث مخطط بخصلات من اللون الاصفر وسط شعره البنى الفاتح
--- يعنى من نص ساعة كدة
بسمله : مش تقولى انك راجع انهارده وفين عبد الرحمن مجاش معاك ليه !!؟ بابا قال انكو هترجعو مع بعض كمان كام يوم
احمد: لا يا كبيره عبد الرحمن مقدرش يجى معايا لسه هيحجز عشان فى حاجات فى الشغل عطلته ........المهم انا روحت البيت جدى قال انك فى الجامعه ....قولت اجى اخدك وامرى الى الله
______________________
كان اسلام يتحدث مع تامر ويعاتبه
اسلام : جرى ايه ياتامر مش كده .....ديه بنت عمك برضو يعنى اختك
تامر : لا يا بابا مش اختى
فى فرق بين زى اختى واختى هى اللى قالت كده
ثم تابع بدلع : مش فاكر المحاضرة اللى اعطها لى يوم ما مرديتش تسلم عليه افتكر كده ...الوليه ديه يا اهبلها يا تهبلنى
وبينما ينظر تامر الى امامه راها مع احمد
تامر بزهول وهو يخلع نظارته الشمسية : طب بص قدامك كده شوفها مع مين .... مين الواد ده...؟
اسلام : وانا هعرف من اين يلا نمشي
هى مش صغيره اكيد عارفه بتعمل ايه
ثم ركب اسلام السياره والشرر يتطاير من اعينه ولا زال تامر يقف ولا يتحرك
اسلام بعصبية : ماتخلص يا استاذ عشان نغور
واثناء ركوبهما كان تامر يتسائل مع اسلام
تامر : البت ديه يطلع منها كل ده ثم استدار الى اسلام :
عشان اما ااقولك البنات كلها زى بعض تبقى تصدقنى يا باشا
ظل اسلام صامت ولا يجيب : ................
بينما تامر يشعله اكثر واكثر
تامر : المهم انه واد حلو مش اى كلام لا وكمان بتعرف تنقى
اسلام : ماتخرس بقا يا تامر في ايه
ملناش دعوة بقا يا اخى
تامر : خلاص يا عم انت طول عمرك رخم ما بتخلينيش اطلع اللى جوايا
جاتك نيله فى قعدتك
تامر متابعا فى كلماته دون اهتمام : زمانه بتتفسح مع الواد ده يا عينى علينا
تامر : بس انا فضولى مش هينيمنى
سارة : ما خلاص يا تامر انت شايف اخوك متضايق بطل رخامه
تامر : هو مضايق ليه ده
تنهد اسلام وقال بغضب : استغفر الله العظيم يارب
تامر : خلاص يا عم هخرص
_______________________
بعد وصولهم وجدا بسملة فى البيت وتناولت الغداء ايضا
تامر متعجبا : جرى ايه يا وليه انتى لحقتى توصلى وتاكلى !!!!!؟ .....انتى يابت بتشربى حشيش نوعه ايه
ولكن لحسن حظه لم يسمعه غيرها وهى لا تحب اشعال المشاكل ...... وبينما يستعدا للجلوس على منضدة الطعام
احمد : ايه يا جماعه هتاكلو من غيرى
استنو انا هخمن انا وسلم على اسلام وقال
اكيد انت تامر صح ؟ ....انا ظنى ما يخيبش
اسلام وهو يبتسم : لا مش انا
تامر : ههههههه لا خيب المره ديه يا كبير ده اسلام
احمد : هو كل مرة بيخيب عادى بس انا بحب ارفع معنوياتى
يبقى انت تامر بقا يا اسطا
تامر : ايوه انا
سلم عليهما ولو يسلم على سارة اكتفى بان يشير اليها بالتحية ثم جلسوا لتناول الغذاء
بعدما علمو ان احمد هو ابن عمهم لؤى
ابتسم اسلام واطمان قلبه
تامر : طب مش تقول يا عم ......ده انا قولت انت مصاحبها ولا حاجه
انتو عندكو عرق اجنبى ضرب فيك انت واخواتك
عينك خضره وعين اختك زرقه
احمد وهو يبتسم : طب معقول يا تامر شايف اختى بتكلم ولد غريب مش تروح تشوف ده مين وتطمن عليها انا مكنتش اعرف انكو معاها فى الجامعه
تامر: يا احمد اختك ديه كارهة نفسها اساسا .....لو كلمتها هتضربنى
احمد : لا ياسيدى مش بتضرب ولا حاجه وبعدين انت هتكلمنى انا مش هيا
بس المفروض انك تخلى بالك من اى بنت حتى لو مش قريبتك ولا اختك
تامر : حاضر يا ابو حميد انت تؤمر
اسلام : بتدرس ايه بقا يا احمد
احمد : طب تخصص قلب
اسلام : اها ربنا يوفقك
تامر مازحا : لا وكمان دحيحه العيلة ديه سمعت ان اخوك معيد ابويا مسميه لؤى الصغير
ضحك احمد بصوت مرتفع : ايوه كلنا بنقوله كده لانه شبه بابا اكتر فى الطبع وكلامه وكمان مهندس زيه
خرجا جميعا بعد الغذاء الى الحديقه ليستمتعو بيومهم ويغنو.....وبينما يغنى تامر
ينفزع اسلام ويسرع وثبا من مكانه وهو ينادى باعلى صوت
ثم يقفز اسلام من مكانه ويجرى الى الامام مفزوعا وثبا من مكانه وهو ينادى باعلى صوت عليها
....لانه راى بسمله تسقط على الارض مغشيا عليها
وعندما وصل اليها وجد شابا يساعدها فى القيام ويحملها ....لم يتسائل اسلام من هذا الشاب
فالوقت غير مناسب ان يفكر فى ذلك الامر التافه فما يشغله هو بسمله
ولكن لا يحتاج ان يتسائل وذلك لان الشاب يبدو عليه من ملامحه انه ابن عمه لؤى
حيث يحمل نفس عيون اخته واباه من يراه يعرف انه اخا لبسمله على عكس احمد
هادىء الطبع ..مثقف ولا يحب تضيع الوقت بل انه يستثمر كل وقته ولا يتحدث الا بالمهم ليس بالطويل او القصير ولكنه مائل قليلا الى النحافة مع الشعر الاسود الغامق
وبشرته المائلة الى الحمرة
قام بحملها ونقلها الى غرفتها وتبعه اسلام ليطمئن عليها .....وبعدما اطمئن عليها تركها وهبط الى الطابق السفلى
استعادت بسمله وعيها فوجدت عبد الرحمن امامها ناظرا اليها فى شجن .. اصطنع الغضب منها
بسمله \ عبد الرحمن انت هنا بجد
ظل ينظر اليها معاتبا
بسمله \ في ايه يا عبد الرحمن انا زعلتك فى حاجه
عبد الرحمن \ كل ده ومزعلتنيش لامته هتفضلى توقعى وتتخبطى كده وانتى عارفه ان عندك انيميا حاده ومش بتاخدى العلاج ولا بتاكلى ...؟
بسمله \ باكل والله :( بس بنسي العلاج
عبد الرحمن \ ماهو واضح انك فعلا بتاكلى .... ثم امسك اذنيها بمزاح ... ياريت العلاج مش يتنسي تانى بس انتى عارفه انى مش بحب اشوفك تعبانه كده
_________________________
تامر \ هى البت ديه مالها
اروح اشترى لها كام كيلو بصل عشان ازورها وابقى عملت الواجب مع بنت عمى ولا ايه يا ابو على
اسلام \ ما تبطل رخامه بقا يا تامر هو ده وقتك
تامر : خلاص يا ابو الغلاسة بطلت
__________________
وصلت الساعه الى التاسعه مساءا
وسارة تستعد الى الذهاب لتناول العشاء
واثناء مشيها بجانب غرفة احمد تسمع تلاوة جميله تؤثر فيها لدرجة البكاء
وقفت امامها ولم تتحرك ....ظلت تستمع الى الترتيل وكانها لم تستمع الى ترتيل من قبل
لا تعلم من يقرا ولكن تعلم انه صاحب صوت جعلها تتدبر القران وتتاثر ولا تريده ان ينتهى من القراءة
كان يقرا سورة الفرقان وتمنت ان يقرا القران كامل ولا ينتهى
ولكنه انتهى بعدما قرا سورة النور
_________________
وبينما هى واقفه
اتى تامر
تامر \ بتعملى ايه هنا
سارة \ مفيش كنت نازله تحت عشان اتعشي
تامر \ امممممم اهااااااا
سارة \ تك اوا ... ثم تركته وغادرت
وتامر يتسائل مصيبه ليكون البت قلبها رق لاحمد !!؟ ...ده نفس البت الرخمه اخته اكيد
اكيد نفس التعقيد بتاعها
_______________
اثناء تناول العشاء
لم ينزل عبد الرحمن بعد ولكن احمد نزل
تامر \ امال اخوك عبد الرحمن فين
احمد \ فوق زمانه نام
سارة \ عبد الرحمن مين ؟
تامر \ ابن عمك لؤى رجع انهارده من السفر
سارة \ بجد
يبقى اكيد اللى اوضته جمب بسمله فوق
تامر \ بالظبط كده جمب اوضة احمد اللى اللى كنتى واقفه عندها
قالها غامزا اليها وكانه يلمح لها انه يفهم تساؤلها
_____________
وبينما تتصفح بسمله صفحتها على موقع التواصل الاجتماعى
صدمت لما راته امامها ......حيث رات تامر قد ارسل اليها طلب اضافة
وبينما تتصفح الرسايل رات رساله منه
مكتوب فيها
(ااقبلى الادد وبطلى فكاكه ...انتى بنت عمى مش هخطفك انا والفيس ولا فيه سلام بالايد ولا بالرجل ده كلام وبس ........انا الصراحه عايز افهم مخك بيفكر ازاى....؟ .عايز اعرف بتضحكى ولا لا ☺
ما انتى شاطره زيينا اهو وليكى اكونت
انزعجت بسمله من ذلك التصرف الطفولى الاحمق .. وقامت بحظره
________________
بسمله: عبد الرحمن انا بجد زهقت تامر كل شويه يضايقنى بحاجه جديده الوقت باعتلى عالفيس رساله يقولى عايز اعرف بتضحكى ولا لا .....!!! وكل شويه يدايقنى بكلامه اللى ملوش لازمه
عبد الرحمن : مش تقولى لبابا عشان يتصرف معاه
بسمله : انا مش عايزه اضايق بابا انت عارف ان شغل الجامعه تقيل
عبد الرحمن : طب قومى جهزى شنطتك عشان نمشي وهنيجى يوم الفرح
بسمله : ماشي انا اصلا عايزه امشي من قبل ما اجى
بس كده جدو مش هيزعل يا عبد الرحمن ؟
عبد الرحمن : مفيش حل تانى انا مش هسيبك فى البيت ده انا اصلا مش مرتاح فيه
بسمله : ماشي هجهز الشنطه
___________________
ذهب عبد الرحمن الى تامر
عبد الرحمن : تامر يعنى ينفع اللى بيحصل ده
تامر : ايه بيحصل
عبد الرحمن : هى مش بسمله ديه اختك برضو
تامر : ايوه
عبد الرحمن : طب ليه كده
بتضايقها ليه وبعت لها ادد ليه ورساله
فصمت تامر ثم ضحك بسخريه
طب وهى الرساله شتمه ولا مرض !!؟ .....اختك مش عطيانى فرصه اتكلم معاها بقولها حابب اتعرف عليكى واعرف شخصيتك ..... ؟ ايه الغلط فى كده مش فاهم انا !!!؟
عبد الرحمن بنبرة هادئة : بص يا تامر
انت ممكن تكون نيتك كويسه جدا وحابب تتكلم معاها كاخت بس ده غلط
مش معنى انها رفضت تتعامل معاك يبقى هتتعامل معاك عالفيس ..... ما كله واحد
تامر : بس هو ايه الغلط اما نكلم بعض كاخوات
عبد الرحمن : كل شىء غلط
الولد بطبيعته بيميل للبنت والعكس صحيح .. ليه تحط نفسك فى مخاطره زى ديه من الاساس ..؟ ☺
تامر : على فكره انا عمرى فى يوم ما احب اختك كزوجه او كحبيبه انا لما بعت ادد بعت بجد لانى حابب اتعامل معاها كاخت ليس الا ... من يوم ما جات البيت وانا مش مرتاح لها بس حابب ابدأ صفحه جديده كاخت مش اكتر .. انما من ناحية حب وكلام من ده انسي ... اختك مش جوليت اختك وجع قلب
عبد الرحمن : تمام يا تامر فاهم كلامك بس ولا اخت ولا عدوه ينفع تكلمها
ماينفعش تكلم بنت الا اذا اصبحت زوجه او كانت من محارمك
غير كده لازم يكون كلامك مع البنات التانيه ضرورة ومايبقاش بينكو صحوبيه
شرد تامر لوهله ساخرا يتسائل :
امال لو عرف انى بخرج روان بره هيعمل ايه واد معقد زى اخته
تامر بصوت مرتفع : بس يا عبد الرحمن كلامنا عادى صحوبيه يعنى مفيهاش حاجه ...مفيش حاجه اما ابقى مصاحب بنت وانا ابقى بالنسبه لها اخ وصاحب
عبد الرحمن : افتح سورة المائده هتلاقى ربنا قال ولا متخذى اخدان
وافتح سورة النساء هتلاقى ربنا قال ولا متخذات اخدان
اكيد ربنا عالم بقلوبنا وعارف ايه يصلح لينا
بغض النظر عن ان الموضوع ده حرام
فكر معايا
لو البنت اللى انت مصاحبها اتجوزت هل جوزها هيقبل انك تفضل صاحبها
هل هيقبل انك تخرج معاها ؟ هل هيقبل انك تكلمها بالساعات عالفيس
طبعا لا يا تامر لانه عارف ان ده غلط وغير كده انت بتهين عرضه
دلوقت انت بتهين عرض والد البنت اللى انت بتكلمها
ويوم القيامه هياخد حقه منك
تامر : يا عبد الرحمن انت مش فاهمنى كلامك ده لو انا بكلم البنت كلام خطا يتقال لكن لو هزار وكلام عادى مفيهاش حاجه
عبد الرحمن : يا ابنى انت بتبرر لايه مش فاهم
وهو ينفع تهزر مع اى ست ماشيه فى الشارع
تامر : لا طبعا بس ديه بنت عمى
عبد الرحمن : اللى ينطبق على اى بنت انت متعرفهاش ولا عمرك كلمتها ينطبق على بنت عمك وبنت خالك وبنت الجيران وزميلتك
واما هتتكلم مع البنت فى رسايل خاصه محدش شايفكو غير انتو الاتنين الشيطان هيكون بينكو وهتتكلم كلام غلط
تامر : بس انا ممكن اتعرف على بنت واتجوزها وبعد كده هتكون اصبحت مراتى
عبد الرحمن : واذا ما اصبحتش مراتك ....؟
تامر: هعمل كل اللى اقدر عليه عشان تبقى مراتى
عبد الرحمن : وربنا ممكن يكون مش كاتبها مراتك وقتها هتعمل ايه ...؟ هتبقى غشيت جوز البنت ديه .....لانك كلمت مراته اللى مش من حقك بالساعات
هتقبل على نفسك يجى لك بنت كده .....؟
تامر : اكيد لا مقبلش ....بس انا هعمل اى حاجه عشان تكون مراتى ومش هخليها لحد تانى
عبد الرحمن : ولو مت هتعمل ايه
تامر : فول اوى فول .. ماهى ناقصة وجع قلب
عبد الرحمن : مش بفول ولا حاجه بس احنا مش ضامنين اعمارنا ولا ضامنين هنكمل حياتنا مع مين
يبقى مش نخاطر ولا نعمل نفسنا ضامنين المستقبل
اكيد لو سمعنا كلام ربنا هيكرمنا .....اكيد لو عفينا قلبنا هنكون اسعد وهنكسب رضاه
اكيد لو حمينا قلبنا ونضفناه من اى شيء يعكره هيكرمنا
مش محتاجين نحب محتاجين نتحب
لو ربنا حبنا لافعالنا والطاعه هتلاقى الدنيا بقت جنه ....الدعاء مفتاح لكل حاجه جميله
بدل ما تعيش حياتك مع البنت وانت مزاجك متعكر وتندم انك اتجوزتها هتلاقى ربنا كاتب لك الخير دايما حتى لو مش عارف هو فين
ووقت ما ربنا يمنعك من اللى بتحبها هتلاقيه مريح قلبك لو رضيت بالمكتوب
تامر : عندك حق يا عبد الرحمن .....بس سيبنى احاول اغير حياتى فى الموضوع ده
لم ينتهيا من الحديث بعد وكانت بسمله قد اعدت حقيبتها ...كما اتفقت مع عبد الرحمن
ولكن عندما خرجت القت بحقيبتها ارضا وصرخت وجعل تجرى كالمجنونه !!!!!؟
#رسالة
تدبر القران وحاول تحسن صوتك هتلاقيك بدات تفهم اللى بتقراءه
متهيالى لازم نعيد حساباتنا فى موضوع الفيس ده ونمسح اى حاجه غلط واحنا عارفين انها غلط
ليه نجرح قلبنا بحب مش مضمون اذا كان هيكمل ولا لا ... اكيد الحلال احلى ^_^ يبقى منوجعش دماغنا ونحاول نبرر الاخطاء اللى احنا متاكدين انها غلط .. اتقى ربنا هتلاقيه كرمك وحقق اللى بتتمناه وافتكر دايما ان ما عند الله لا ينال الا برضا
#Aya
