أسيره سحر عيناه " الجزء الثانى من عشق الطفولة ❤"

أسيره سحر عيناه ❤

★ الفصل الثالث ،،،
                                                Mànãr sàïd    ★

                 " صلوا على محمد "،

خرجت نور من هذا المكان المقزز تحت نظرات كنان المشتعله .. لحق بها للخارج بينما ريان انسحب بهدوء من هذه المواجه .. فنيران الغيره أشعلت صديقه و ربما تقوده للإعتراف بحبه ..
أمسكها من زراعها بعنف و سار بها فى مكان خالى بعيد عن أعين الناس .. دفعها بعنف ليصطدم ظهرها بالحائط فتأوهت بألم و سرعان ما أخفته حتى لا تظهر ضعفها أمامه ..
هتف كنان بعنف .. كل خليه بجسده تحترق من نيران شغفها : إيه ال انتى لابساه ده ي محترمه ..
ارتعبت نور من صوته العالى و لكنها ردت بشجاعه مزيفه : مالوا لبسى ي حضره الضابط .. و بأى حق حضرتك بتكلمنى .. هااااا .. انت مين عشان تقولى كدا ؟
سؤاليها كالخنجر المسموم بقلبه .. يود لو يهتف بأنه عاشق ولهان وقع فى أسرها .. رجع خطوتين مبتعدا عنها .. و قال بأسف : أسف !! انا فعلا ماليش حق انى أدخل فى حياتك ..
جاء ليرحل فمنعه كفها الصغير عندما أمسك بزراعه ..
أدار وجهه بعيدا حتى لا ينظر لغابات الزيتون خاصتها الآسره .. و لكنه لو ألقى و لو نظره واحده لرأى بعينها نظره كان يحلم برؤيتها من زمن .. سيرى نظره تجاهد هى لتخفيها عنه و عن نفسها قبله .. حين رفض النظر فى عيناها .. سحبت يدها ببطء تاركه إياه .. و تخطته بخطوات أشبه بالركض و هى تزيل دموعها بعنف ..
صاح كنان بصوت عالى مفعل بالعشق : بحبك ❤
تجمدت مكانها حين سمعت صياحه .. لفت بجسدها نحوه و هى تنظر له بعدم تصديق و قد إمتلأت عيونها بحبات اللولو التى لم يسبق و أن تساقطت امام أحد .. فهى تكره الضعف .. و لكنه كسر قوانينها و اجتاز حاجز قلبها ليسكنه للأبد .. اقترب منها و عيناه تفيض عشقا لها .. ما إن صار أمامها حتى مد أنامله يزيل دموعها برفق .. نزل برأسه لمستوى وجهها و هو يهتف ببحه رجوليه تجعلها مغيبه عن الوعى : بحبك ي نور ❤ بحبك من أول مره شوفتك فيها .. بحبك و هفضل أحبك لحد أخر نفس ليا .. سواء رضيتى بحبى أو لأ .. فأنا بعشقك و ده حقيقه تشهد بيها الأيام .. انا بغير ي نور .. مش عايز حد يشوفك .. لو أطول أخبيكى جوايا كنت عملتها .. انتى جننتينى .. مش عارف أنام و لا أتنفس زى الناس .. سكنتى كل نفس و كل دقه قلب .. بحلم باليوم ال تكونى فيه حلالى و على إسمى .. بدعى ف صلاتى انك تكونى مراتى .. بتمنى أحتل و لو جزء صغير من قلبك .. بحلم بنظره حب من عينك .. إنت بالنسبالى حلم ي نور .. حلم بسعى انى أحققه ... و هفضل أسعى لحد ما ربك ينادينى و أكيد هلبى النداء .. لو هموت بكره عايز أقضى النهارده معاكى .. عايز كل ثانيه و كل لحظه من حياتى جنبك .. بحبك ي نورى ❤
تعمق النظر بعيناها عسى أن يعرف رد فعلها على تصريحه بعشقه لها و لكن كالعاده نظرات عيناها غامضه و تحتاج وقت لفك شفراتها " ما بكى نورى فلتجيبينى .. فصمتك هذا و نظرات عينك تقتلنى " هتفت عينه بهذا الرجاء و لكنها حقا فقدت كل حاسه بجسدها من حديثه .. كل ما فعلته طوال السنوات الفائته سيهدمه هو بنبرته الشاغفه .. " الصبر ي الله .. سيتوقف قلبى بلا شك .. فلتبعد أسر عينيك عنى .. لا يمكننى أن أكون سجينتك "
أخذت نفس عميق بداخلها و لم تخرجه .. ضغطت على يدها بقوه و هى تحاول استجماع عقلها .. قالت ببرود قتله و كلماتها مزقت روحه : أسفه ي حضره الضابط .. بس الحلم هيفضل حلم .. عشان انا مش ليك و لا عمرى هبقى ليه ..
رد عليها بصوت مخنوق و قلب ينزف : ليه 💔
حاولت كبت دموعها من نبره صوته و ردت بجمود : عشان مش بحبك .. انا بحب ريان و أكيد واضح أووى دا .. و لا البعيد ما بيشوفش
أغمض عينه بوجع .. ما كان يخشاه حدث .. نعم رأى نظرات عيناها لرفيقه .. و كلماتها .. تعاملها .. كل شىء .. هى حتى لم تتحدث معه بأريحيه كريان .. دائما ما تتجنب النظر بعينه و كانها تخشاه .. فتح زرقته ببطء و نظر لها لثوان و هتف بألم : لا شايف ي نور .. انا قلت لريان انك ما بتحبنيش .. قلتله انك حلم المستحيل .. قلتله ان قلبك مفتاحه مع غيرى .. بس قالى متتخلاش عن حبك .. ههه .. حب .. الحب دا .. كلمه من حرفين .. بس فيها حاجات كتير .. ألم بيقتل .. و نبض بيحيى
على العموم .. ربنا يسعدك ي رب و أشوفك مع ال بتحبيه و بتتمنيه و تفضل ضحكتك منوره الدنيا . . دعا لها بصدق جارف زاد من ألمها و ردت مره أخرى بجمود و برود قضى على بقايا روحه : إن شاء الله .. و أكيد هعزمك على فرحى .. احنا فى الأول و الأخر زمايل و عشره عمر ي كنان باشا ..
ابتسامه باهته رسمت على شفتيه .. و تحرك مبتعدا عنها و بدأت العاصفه .. رياح تهب فى غير موسمها .... رعد قوى يرجف القلوب .. و برق بارق يشق السماء ..
تساقط المطر و تساقط معه دموع عينه .. ربما كان المطر غزيرا و لكن دموع هذا العاشق أغزر .. بكت السماء لبكاءه .. رفقا بالقلوب العاشقه ... لم يكن حالها أفضل من حاله .. فانهارت قواها و استسلمت لضعفها فسقطت مكانها تبكى بنواح و قلبها يبكى معها .. صرخت بألم تزامن مع صوت الرعد و ظهور البرق و اشتداد نزول المطر .. 💔💔