JANJI PALSU

JANJI PALSU
TUSUN PENUDI
DIKARANG RYANA

  7 TAUN UDAH NYA....
"MUMMY MUMMY, ulih enda kitai sida daddy ngagai taman lemai legi, lama amat kitai enda keluar sama sama" ko lisa.. Lisa anak umang enggau ramos, anak ti mereti mending ke jako taja umur ya baru magai 6taun.. "Ulih sayau legi nganti daddy pulai gawa kitai jalai okey" ko saut umang...

    Duduk umang di luar seraya ya ke merati ke lisa bermain, Lama ya tegenung ingat ke semua utai ti nyadi ba ya suba.. "Terima kasih tuhan laban nuan udah meri aku bahagia" ko umang bejako kediri.. lama diri ya tegenung, sampaibke enda meda ramos datai.. "Hai sayang jauh mat tegenung, nama pikir dik" ko ramos nanya umang.. "Eh sulu, lama dik dah datai sori meh enda perasan ke dik datai tadi" ko umang nyaut laki ya.. "Bedau ga lama amat baru pada injin kereta" ko ramos.. "daddy daddy ulih ka kitai bejalai ke taman, lama mat kitai enda ke taman daddy sibuk aja aja" ko lisa... "ulih cute daddy, tapi syarat lisa mesti mandi dulu, dah nya mesti ninga jako mummy enggau daddy okey" ko ramos.. "okey daddy,,, terima kasih daddy terima kasih mummy" ko anak seduai ya sambil belanda masuk ke rumah...

    Sepanjai ke ba taman umang enda entu bebunyi laban perut ya memulas pedis baru..Mua ya semampai pucat baka ke nadai darah... "sayang nama mua dik pucat, jari celap pedis baru ka perut dik sayang" ko ramos.. "Au sulu pedis baru ubat dalam beg ku sulu, nulung ku ngambi ko umang... Beguai guau ramos ngiga ubat di dalam beg umang, nasib bisi temu.Terus di beri ya ubat umang... enda sampai setengah jam umang berasai lantang, nadai pedis agi...

Tikau pulai 7taun ti lalu...

    "Aku nerima dik ramos" ko umang sambil keberai ai mata ya nerutu ngenang diri bisi diterima ramos nyadi ke bini... Ramos pan pia keberai ai mata laban umang sudi nerima ramos nyadi laki.. Beberapbmeh seduai ya laban sama sama nerima pangan diri..
 
    Sebulan udah seduai ya nerima pangan diri, seduai ya pan dipadu jadi... "mang tahniah mang d udah bulih kebahagian dik diatu, cukup gaga ku mang meda dik bahagia bakatu" ko sinta... "Terima kasih sin, laban dik semampai bisi maya ku tusah tauka senang" ko umang seduai sama sama nyabak...

  Setahun seduai ya ramos jadi umang ngandung ke anak ramos nganti ari deka beranak tang bisi utai ngirau ke ati seduai ya laki bini.. Umang di sah ke lutur kena kanser perut...nyabak meh umang ngenang diri ke bisi kena kanser perut laban ya takut enggai ka anak ya bisi nama nama.. ninting ari umang ke sepital laban ka meda tahap kanser berapa...

   Bisi berapa ari nya umang datai kelaie kuar darah.. Berumban meh ramos maie umang ke sepital..Datai di sepital umang sigi udah nadai nemu orang.nasib tuhan semampai nyukung umang anak ya selamat enggau umang pan selamat...

    Sepanjai ke bepantang umang suah udu luput ketegal perut ya udu pedis, nasib sinta manah sinta meh nyadi jurujawat nyaga tudah umang enggau anak ya.. "Sin enti semak aku nadai ibun meh anak ku sin,jaga meh ya baka d nyaga anak diri empu" ko umang.. "ish mang nama munyi nya nadai nenama nya dah" ko sinta...

    7taun udah nya..

   Umang semakin udu laban kanser ya udah merebak ngagai tahap 4..Nadai angkat agi semina gegaring aja, sinta meh ke ngibun umang, ngibun lisa.. ramos nyau enda entu nurun gawa laban umang sekejap manah sekejap udu.. Diak umang bejako... "Sin, jaga manah anak ku enggau laki ku au, nadai jalai agi ku idup tubuh ku udah pedis magang nganti ke pegi aja" ko umang tesekat sekat bejako sambil jari ya migai jari sinta... "umang anang munyi nya dik kumang, anang mayuh jako berehat au" ko sinta enggau sesabak ramos udah temati kutu semina nyabak enda bebunyi.. lisa pan baka ke nemu semina merap umang ke galik sambil nyabak..

    " Mummy anang ningal ke aku mummy, sapa ngaga ke aku susu, sapa ke meri ku makai, sapa ku ngibun aku enti daddy nurun gawa, mummy kasih daddy enti mummy nadai sapa masak ke ya enti nurun gawa, sapa ke ngadu ke semua barang daddy enti mummy nadai" ko lisa sambil nyabak, makin besai mh nyawa ya nyabak enda ulih disaum agi... "Lisa jadi anak ninga jako okey, mesti ninga jako daddy mesti ninga jako mummy sinta okey, diatu mummy sinta ngibun lisa ukai mummy agi janji sayang" ko umang...

    "Ramos, laki ti ku sayau sampai ku lesi, nuan meh raja dalam ati ku, nuan meh keling ba pengidup aku, terima kasih sulu laban nerima aku nyadi ke bini enggau indai anak nuan, terima kasih enggau pengasih ke diberi nuan keling" ko umang... "sulu terima meh Sinta nyadi ke ganti aku ambi meh ya nyadi ke bini dik sulu, terima meh ya baka dik nerima aku, ngambi aku lantang dimenua din ila" ko umang bejako baru sambil ya migai jari ramos... "Sinta, terima kasih madi laban semampai bisi maya aku tusah maya aku senang, dik meh madi ti mentas enggau aku, dik meh meri jako ajar ngagai aku, Sin  jaga manah anak enggau laki ku auk.. terima meh seduai ya ba pengidup dik, ambi ku senang lantang ba menua din" ko umang bejako sambil migai jari sinta lalu ditarit ya ngagai jari ramos... umang pan narit seput panjai panjai sebedau ya ngapus ke seput ti ke penudi...

    Setahun ti belalu, sinta enggau ramos pan jadi laban nya amanah umang.. lisa pan nyau masuk darjah 1.. bahagia meh sinta ramos enggau lisa... sida ya tiga mansang ke pendam umang laban sebulan sekali sida ya sigi mansang ngagai pendam umang.. "Umang,,, diatu aku udah ngamat ke jako dik intan, aku udah sah nyadi bini ramos, umang dini dini meh dik aku sigi semampai besampi ke dik" ko sinta enggau  sesabak.... "sayang, terima kasih sayang udah meri penyayau enggau pengasih ke aku,enda ku mudah enda ingat ke dik sayau, dik meh indu ti ngasuh aku nemu erti sayau terima kasih sayau.." ko ramos...
"Mummy,, mummy,, lisa datai ngabas mummy, mummy nemu mummy enda lama da mummy sinta ka beranak, lisa bisi adik mummy, mummy lisa sayang mummy nemu, mummy meda lisa okey" ko lisa nyabak merap sinta... baru ka angkat sida ya tiga ari pendam diak sida ya tiga meda ayas umang ngayan ke diri enggau penuh senyum sambil mulut ya nyebut TERIMA KASIHHHHH.....

AMBISSS..
-💓TERIMA KASIH SEMUA LABAN NYUKUNG JERITA JANJI PALSU DIKARANG AKU, NGARAP KE KITAK SEMAMPAI TERPERINDANG, ENTI BISI SALAH ANANG ENG KUMIN AUK.. KU ENDA NGAMBI ATI, LABAN KU BARU BELAJAR NYAK MEH MAYUH PENGURANG.. NGARAP KE KITAK RINDU MACHA JERITA AKU BAK MELISSA💓-