ကောင်းကျိုးမပေးသော သမီးပျို
အခန်း(၂၂၁)
ရှီးယွန်ဟာ သူ့ရင်ထဲမှာဖြစ်ပေါ်နေတဲ့ စိတ်လှုပ်ရှားမှုအား ထိန်းချုပ်ထားပါတယ်။ သို့သော်လည်း ရှန်ယန်ရှောင်ကို ကြည့်နေတဲ့ သူ့မျက်ဝန်းတွေထဲမှာတော့ မဖုံးနိုင်မဖိနိုင်ဘဲ အပျော်ရိပ်တွေစွန်းထင်းနေပါတယ်။
"မင်းအသုံးပြုပစ်ခတ်တဲ့ နည်းဟာ အလွန်ချီးကျူးစရာဖြစ်ပေမယ့် ပစ်မှတ်မှာရှိရမယ့် မြှားအရေအတွက်က ဆယ်စင်းထိပဲရှိသင့်တာဖြစ်လို့ ၀မ်းလီလိုပဲ မင်းလည်း ဆယ်မှတ်ပဲရတာကြောင့် ဒီပွဲက သရေပွဲပဲ"
ရှန်ယန်ရှောင်က ဘာမှမဖြစ်တဲ့ပုံနဲ့ ပုခုံးသာတွန့်ပြလိုက်ပါတယ် သူမက ပထမပွဲမှာ တစ်ခုခုလုပ်ပြချင်ရုံသက်သက်ပဲဖြစ်ပါတယ်။ တကယ့်တိုက်ပွဲကတော့ နောက်နှစ်ပွဲမှာပဲ ဖြစ်ပါတယ်။
ရှန်ယန်ရှောင်ရဲ့ ဂရုမစိုက်တဲ့ဟန်နဲ့ ယှဉ်လိုက်ရင်တော့ ၀မ်းလီမျက်နှာဟာ သုန်မှုန်နေပါတယ်။
ဒီကောင်စုတ်လေးကို အလွယ်တကူချေမွအနိုင်ယူနိုင်မယ်လို့ သူထင်ခဲ့မိပြီး အခုလိုမျိုး အစွမ်းထက်မယ်လို့ ဘယ်တွေးမိခဲ့ပါ့မလဲ။ ရှီးယွန်က သရေပွဲအဖြစ်သတ်မှတ်ပေမယ့် လူတွေအားလုံးကတော့ ရှန်ယန်ရှောင်ရဲ့ တိကျမှု၊ အလျင်၊ ခွန်အား သို့မဟုတ် ကျွမ်းကျင်မှုအပိုင်းတွေက ၀မ်းလီကို အလွယ်တကူအနိုင်ယူနိုင်တယ်ဆိုတာ သိရှိပြီးဖြစ်ပါတယ်။
ဒီလူနှစ်ယောက်အားကြည့်တဲ့ လူတွေရဲ့အမြင်ဟာ အရင်လိုမဟုတ်တော့ပါဘူး။ ရှန်ယန်ရှောင်ရဲ့ မင်သက်ဖွယ် မြှားဆယ်စင်းပစ်ခတ်မှုအပြီးမှာ သူမကို အမှိုက်လို့ ဘယ်သူကရူးနှမ်းစွာ မြင်မိတွေးမိတော့မှာတုန်း။
တစ်ဖက်မှာတော့ လူတိုင်းက အလေးသာတယ်လို့ ထင်ကြေးပေးခြင်းခံထားရတဲ့ ၀မ်းလီကတော့ ရှက်ဖွယ်အခြေအနေဖြစ်နေရပါတယ်။
အစတုန်းက ၀မ်းလီကပဲ အလွယ်တကူအနိုင်ရမယ်လို့ ထင်ခဲ့ကြသော်လည်း ကစားပွဲက ပြောင်းပြန်ဖြစ်သွားကာ ရှန်ယန်ရှောင်ရဲ့ လက်အောက်မှာ ၀မ်းလီရှုံးနိမ့်ခဲ့ရပါပြီ။
