ကောင်းကျိုးမပေးသော သမီးပျို
အခန်း(၃၁၆)
နည်းပြတစ်ယောက်က မျက်ခုံးပင့်ပြီး ရှန်ယန်ရှောင်ကို မေးလိုက်ပါတော့တယ်။
"မင်းဆေးပုလင်းက ကျရှုံးဆေးရည်လား"
ရှန်ယန်ရှောင်က ပြုံးလိုက်ပြီးတော့ ခေါင်းခါကာ ဖြေလိုက်တာကတော့"ဒီဆေးရည်က အောင်မြင်တဲ့ဆေးရည်ပါ"
နည်းပြတစ်ချို့က သူမရဲ့အဖြေကြောင့် မှုန်ကုပ်ကုပ်ဖြစ်သွားခဲ့ပါတယ်။
ဆေးရည်ကို နောက်တစ်ခေါက် ထပ်ကြည့်ရှုစစ်ဆေးလိုက်သော်လည်း ဘာမှမသိခဲ့ကြပြန်ပါဘူး။
"အဲ့ဒါဆို ဒါက ဘာဆေးရည်လဲကွာ"
သူတို့အနေနဲ့ ဒီဆေးရည်ပုလင်းက ဘာမှန်းသိဖို့ မဖြစ်နိုင်တာကြောင့် နည်းပြတွေအနေနဲ့ သူမကိုပဲ မေးလိုက်ရပါတော့တယ်။
"ဘယ်လို...နည်းပြတစ်ယောက်မှ ဒီဆေးရည်ကို မသိကြဘူးလား"လို့ မျက်ခုံးတစ်ချက်ပင့်ကာ ပြန်မေးလိုက်တဲ့ ရှန်ယန်ရှောင်ကိုယ်တိုင်လည်း ဒီဆေးရည်အမည်ကို မသိထားပါဘူး။[၀ှက်သည်ဟက်]
ရှန်ယန်ရှောင်က သူတို့ရဲ့မေးခွန်းကို အမေးနဲ့ပြန်တုံ့ပြန်ခဲ့လို့ လေးစားမှုခံကြရတဲ့ နည်းပြတွေ မျက်နှာတွေနီတက်သွားရပါတယ်။[ဟီးဟီး]
တစ်ကယ်လည်း သူတို့အနေနဲ့ ဒီဆေးရည်ကို အမည်နာမမခွဲခြားနိုင်တာကြောင့် ထိရှနေရပါတယ်။ ဒီဆေးရည်ကို ကျောင်းသားသစ်တစ်ယောက်က ပြုလုပ်ထားခဲ့တာဖြစ်ပြီး သူတို့အနေနဲ့ ပါဝင်ဆေးဖက်တွေကိုလည်း မသိဘူးဖြစ်နေပါတယ်။ ဒါက တစ်ကယ့်ကို ရှက်စရာကြီးပါ။
ခန်းမထဲကအနေအထားက တစ်မျိုးကြီးဖြစ်လာပါတယ်။ ရှန်ယန်ရှောင်က ဆေးရည်ရဲ့ဇစ်မြစ်ကို မရှင်းပြချင်သလို နည်းပြတွေကလည်း ဆေးရည်ကို မခွဲခြားပြနိုင်ဘူးဖြစ်နေရပါတယ်။
သူတို့အနေနဲ့ ပြောစရာစကားမရှိတော့အောင် ဖြစ်သွားရပေမယ့် ဒီကျောင်းသားသစ်လေးက ပြဿနာရှာနေတာပဲလို့ သူတို့တွေးလိုက်ကြပါတယ်။ ဘာလို့လဲဆိုရင် သူ ဘာဆေးရည်ကိုပဲဖော်စပ်ဖော်စပ် ရှန်ဂေါင်းရှောင်ရဲ့ နက်ရှိုင်းမှော်အားဆေးရည်ကို အနိုင်ယူနိုင်ဖို့က လုံးဝမဖြစ်နိုင်ပါဘူး။ ဒါပေမယ့် ဒီပြိုင်ပွဲက တန်နာဇီနဲ့ ဆက်စပ်နေပါတယ်။ ရှန်ယန်ရှောင်ရှုံးနိမ့်ရခြင်းရဲ့ အကြောင်းရင်းကို သူတို့က ရှင်းရှင်းလင်းလင်းမပြောနိုင်ခဲ့ဘဲ တန်နာဇီကလည်း သူတို့ကြားထားသလိုမျိုးသာ တော်ဝင်ရိုလန်ကျောင်းကနေ တစ်ကယ်ထွက်သွားရမယ်ဆိုရင် သူတို့တိုင်ပတ်ပါပြီ။
