ကောင်းကျိုးမပေးသော သမီးပျို
အခန်း(၂၅၉)
အတွင်းအားဌာနခွဲမှာ အဆင့်၈လေးသည်တော်တစ်ယောက် ဗွားကနဲပေါ်ပေါက်လာတာဟာ ကျောင်းသားအုပ်ကြီးကို ဟင်ကနဲ ဟာကနဲ ဖြစ်သွားစေပါတယ်။ အားလုံးရဲ့အကြည့်က ရှန်ယန်ရှောင်ဆီမှာကျရောက်နေခဲ့ပြီး ကျောင်းသားတွေကလည်း ဒီကောင်လေးကို မြင်တွေ့ဖူးကြသလားဆိုကာ တစ်ယောက်နဲ့တစ်ယောက် လှည့်မေးနေကြပါတော့တယ်။
"စောနတုန်းကတော့ နည်းပြဖန်းရှီက တစ်ခြားနည်းပြတစ်ယောက်နဲ့ပြောနေတာကို ငါကြားမိတာကတော့ ဒီကောင်လေးက ငါတို့အတွင်းအားဌာနခွဲကမဟုတ်ဘူးတဲ့ လေးဌာနကကျောင်းသားတဲ့ဟ"
စောစောပိုင်းတုန်းက အ၀င်ဝမှာရစ်သီရစ်သီလုပ်နေခဲ့တဲ့ ကျောင်းသားတစ်ယောက်က သူကြားခဲ့တာကို ပြန်ဖောက်သည်ချလိုက်ပါတယ်။
"သူက တစ်ကယ်ပဲ လေးသည်တော်ပေါ့"
ကျောင်းသားအားလုံး ဆွံ့အသွားပါတယ်။ တော်ဝင်ရိုလန်ကျောင်းတော်ရဲ့ ၀င်ခွင့်စာမေးပွဲဟာ မလွယ်ကူလှပါဘူး။ သူတို့က အတွင်းအားအဆင့်၆ကိုရောက်ပြီးနေရင်တောင် တော်ဝင်ရိုလန်ကျောင်းတော်ကို တက်ခွင့်ရမယ်လို့ အာမမခံနိုင်ပါဘူး။
"သူ့ကြည့်ရတာ ငါတို့ထက် အပုံကြီးသေးတာပဲကွ"
ကျောင်းသားတစ်ဖွဲ့က ရှန်ယန်ရှောင်ကို နဖူးကနေခြေမအထိ စေ့စေ့စပ်စပ်ကြည့်လိုက်ပါတယ်။ ဒီလို မထင်မရှားပုံနဲ့ကောင်လေးဟာ တစ်ကယ့်ကိုထူးချွန်လှတဲ့ လေးသည်တော်တစ်ယောက်လို့ သူတို့ ဘယ်လိုမှ မြင်ကြည့်လို့မရပါဘူး။
ဒါပေမယ့် အဖြစ်မှန်က သူတို့ရှေ့မှာတင် ရှိနေပါတယ်။ သူတို့က မယုံကြည်ချင်ရင်တောင် ထင်ရှားနေတဲ့အမှန်တရားကို မျက်ကွယ်ပြုလို့မရပါဘူး။
အစတုန်းက ရှန်ယန်ရှောင်ကို ဘယ်သူပါလိမ့်ဆိုပြီး သိလိုစိတ်နဲ့ကြည့်ခဲ့ကြတဲ့ ကျောင်းသားတွေဟာ အခုအခါမှာတော့ သူမအား လေးစားသွားကြပါတယ်။ အတွင်းအားကျင့်ကြံသူတွေဖြစ်တာကြောင့် သူတို့ထဲမှာ လေးသည်တော်ဖြစ်ဖို့ ရည်မှန်းထားသူတွေ အများကြီးရှိပါတယ်။ ရှန်ယန်ရှောင်ဟာ သူတို့ထက် အများကြီးငယ်ရွယ်သော်လည်း အလတ်တန်းအဆင့်ရဲ့ထိပ်နားလေးကို ရောက်လုဆဲဆဲ လေးသည်တော်တစ်ယောက်ဖြစ်ကာ သူတို့အနေနဲ့ ဘယ်တော့မှ လိုက်မမှီနိုင်တဲ့ အမြန်နှုန်းဖြစ်နေပါတယ်။
