ကောင်းကျိုးမပေးသော သမီးပျို
အခန်း(၂၈၆)
နောက်ရက်မနက်အစောပိုင်းမှာ သူမ ဆေးဌာနစာကြည့်တိုက်ကိုသွားခဲ့ပါတယ်။ စာကြည့်တိုက်မှူးရဲ့ လမ်းညွှန်မှုအောက်မှာ ရှန်ယန်ရှောင်က ရွေ့လျားကျောက်ပြားပေါ်တက်လိုက်ပြီးတော့ ရဲချင်နေတဲ့ ၉၅ထပ်ဆီသို့ သွားလိုက်ပါတယ်။
၉၅ထပ်ကိုရှန်ယန်ရှောင်ရောက်သွားတာနဲ့ တစ်ခြားအထပ်တွေနဲ့ မတူတာကို သူမ သတိပြုလိုက်မိပါတယ်။ အထပ်၉၀မှာ အခန်းသုံးလေးခန်းရှိပြီး ပူလီစီက အဲ့ထဲက တစ်ခန်းမှာနေတာဖြစ်ပါတယ်။
ဒါပေမယ့် ၉၅ထပ်ကတော့ တစ်ထပ်လုံးဟာ ရဲချင်အတွက်ဖြစ်ပြီး တစ်ထပ်လုံးကတစ်ခန်းဖြစ်ပါတော့တယ်။
ဒါနဲ့တင် ရဲချင်နဲ့ပူလီစီရဲ့ ကွာခြားချက်ကို သိမြင်နိုင်ပါတယ်။
ရှန်ယန်ရှောင်က ကျောက်ပြားပေါ်ကနေ သွက်လက်စွာဆင်းလိုက်ပါတယ်။ ဆေးဝါးနံ့သင်းသင်းက သူမနှာဝသို့ ကျီစယ်လာပါတယ်။ အနံ့က ညှီစို့စို့နံ့အနည်းငယ် ရောစွက်နေပါတယ်။ ပူလီစီရဲ့အခန်းထဲကအနံ့နဲ့တူပြီး ဒီကအနံ့က ပိုပြင်းပါတယ်။
ဆေးနံ့နဲ့အတူ ၉၅ထပ်ရဲ့ အလယ်သို့သူမ သွားလိုက်ပါတယ်။ ထိုဆီမှာ ကြီးမားလှသော ဆေးစားပွဲရှေ့မှာ ရပ်နေတဲ့ ရဲချင်ဟာ ဆေးရည်တစ်ပုလင်းဖော်စပ်နေပြီး အာရုံဝင်စားနေတာကို တွေ့ရပါတယ်။
သူမလည်း တိတ်ဆိတ်စွာလျှောက်လှမ်းသွားလိုက်ပြီးတော့ ရဲချင်ရဲ့အလုပ်အား အနှောက်အယှက်မဖြစ်စေဖို့ တိတ်တိတ်လေးရပ်နေလိုက်ပါတယ်။
နှစ်နာရီလောက်ရပ်နေပြီးချိန်မှသာ ရဲချင်က ဆေးရည်ဆီကနေ အာရုံပြန်ထုတ်လိုက်ပါတယ်။ သူ့ဘေးနားမှာရပ်နေတဲ့ ရှန်ယန်ရှောင်ကို တွေ့လိုက်ရတော့ သူ ခနတာ အံ့ဩသွားခဲ့ပါတယ်။
"မင်းရောက်နေတာ ဘယ်လောက်ကြာပြီလဲ"
ဆေးရည်ဖော်စပ်တဲ့နေရာမှာ ရဲချင်အတွက် အေးချမ်းမှုနဲ့ အာရုံစူးစိုက်မှုအပြည့်အ၀လိုအပ်လို့ ပတ်ဝန်းကျင်မှာဖြစ်ပျက်နေတာတွေကို သူသတိမပြုမိပါဘူး။
