ကောင်းကျိုးမပေးသော သမီးပျို
အခန်း(၃၀၇)
သူမက အ၀တ်အိတ်ထဲမှာ ဘာဆေးမြစ်တွေများထည့်ထားလဲဆိုတာကို ကျောင်းသားတွေစပ်စုလိုစိတ်နဲ့ ကြည့်နေတာကို သူမ မစောင့်နေဘဲ လူတိုင်းကြည့်နေတဲ့ကြားမှာ အ၀တ်အိတ်ကို ကောက်ယူလိုက်ပြီးတော့ ဆေးမြစ်ပြင်ဆင်ရမယ့်နေရာဆီသွားလိုက်ပါတယ်။
နောက်ဆုံးလိုနေတဲ့ ဆေးမြစ်ကိုရှာနေဆဲဖြစ်တဲ့ ရှန်ဂေါင်းရှောင်ဟာ တစ်ခုခုလွဲနေတယ်ဆိုတာကို ခံစားလိုက်ရပါတယ်။ ဘာဖြစ်တာလဲဆိုတာကို သိရဖို့ နောက်ကိုလှည့်ကြည့်လိုက်တော့ ပေါက်စနလေးက ဆေးမြစ်ပြင်ဆင်တဲ့နေရာဆီ ချီတက်နေတာကိုတွေ့လိုက်ပါတယ်။ သူမ ထိုနေရာကို ဘယ်လိုလုပ်ရုတ်တရက်ကြီးရောက်သွားလဲဆိုတာအား ဘယ်သူမှမသိပေမယ့် သူမကတော့ ဆေးစားပွဲဆယ်လုံးထဲက အကောင်းဆုံးကို ရွေးချယ်ရယူထားပါပြီ။
ရှန်ဂေါင်းရှောင် ပါးစပ်နည်းနည်းတွန့်သွားပါတယ်။
တစ်ခြားကျောင်းသားတွေလည်း ရှန်ယန်ရှောင်ရဲ့ အပြုအမူလှုပ်ရှားမှုကို တွေ့တာကြောင့် တစ်ယောက်နဲ့တစ်ယောက် တွေတွေကြီးကြည့်လိုက်ကြပါတယ်။ ဘာဖြစ်သွားလဲဆိုတာကို တစ်ယောက်မှမသိကြတာ အသိသာကြီးပါ။
"အဲ့ကောင်လေးက ဘာလို့အဲ့နေရာကို ရောက်နေတာတုန်းဟင်"
ကျောင်းသားတွေဟာ သူတို့စိတ်ထဲမှာ ရွေးထားပြီးဖြစ်တဲ့နေရာကို ငေးကြည့်လိုက်မိကြပါတယ်။ အရှေ့ဖက်ခြမ်းမှာရပ်နေကြတဲ့ သူတို့တွေဟာ အနောက်ဖက်ခြမ်းကိုရောက်နေတဲ့ ရှန်ယန်ရှောင်ဆီကို ကြည့်နေကြတာဖြစ်တယ်။ သူတို့စိတ်ထဲမှာလည်း အလွန်အမင်းကို ကိုးရိုးကားယားဖြစ်နေရပါတယ်။
သူတို့ကိုပေးထားခဲ့တဲ့ မိနစ်သုံးဆယ်ထဲမှာ ဆယ်မိနစ်ကျန်နေသေးပေမယ့် သူတို့ထဲက အများစုက လိုအပ်တဲ့ဆေးမြစ်တွေရဲ့ တစ်ဝက်ခန့်သာရသေးတာဖြစ်ပြီး တစ်ခြားလူတွေကတော့ သူတို့ဆေးမြစ်တွေကို ပြိုင်ဖက်တွေက လုယူထားတာဖြစ်ပါတယ်။ မိနစ်သုံးဆယ်ပြည့်တဲ့အချိန်ထိ သူတို့လိုအပ်တဲ့ဆေးမြစ်တွေကို မရှာနိုင်ခဲ့ရင် သူတို့ပြိုင်ပွဲကနေ ထွက်ရမှာဖြစ်တယ်။
