ကောင်းကျိုးမပေးသော သမီးပျို
အခန်း(၃၁၁)
ပူလီစီတစ်ယောက်ပဲ တုန်လှုပ်ခဲ့တာမဟုတ်ပါဘူး။ သူမစားပွဲပေါ်မှာ များပြားလှတဲ့ ဆေးဖက်ပစ္စည်းတွေကို တွေ့လိုက်ရတဲ့အခါ ကျောင်းသားတွေလည်း ပါးစပ်အဟောင်းသားဖြစ်သွားကြပါတယ်။
"အဲ့ကျောင်းသားသစ်လေးက အဆင့်မြင့်ဆေးရည်ဖော်စပ်ဖို့ ခက်ခဲတာကို သိရောသိလား"
ကျောင်းသားတွေနဲ့နည်းပြတွေရဲ့ မေးခွန်းထုတ်သံတွေက ကျယ်ကျယ်လာခဲ့ပါတယ်။
လောင်းရွှမ်အင်ပါယာစတင်တည်ထောင်ခဲ့တည်းက ဘယ်သူမှ အဆင့်မြင့်သမားတော်အဆင့်အား အသက်နှစ်ဆယ်မတိုင်ခင်မှာ မရောက်ခဲ့ဖူးပါဘူး။
တော်ဝင်ရိုလန်ကျောင်းထဲမှာ အသက်၁၆ ၁၇လောက်နဲ့ အလတ်တန်းသမားတော်ဖြစ်နေတာတွေ မရှားပေမယ့် အလတ်တန်းနဲ့အဆင့်မြင့်ကြားက ကွာခြားမှုက တွေးဖို့မလိုအောင် ကြီးမားပါတယ်။
သို့သော် ဒီ၁၃နှစ်သားကလေးကတော့ ဆေးမြစ်တွေအများကြီးယူထားခဲ့ပါတယ်။ သူက တစ်ကယ်ပဲ အဆင့်မြင့်ဆေးရည်ဖော်စပ်မလို့လား။
ဘုရားရေ ဒါ တစ်ကယ့်ကိုရူးတာပဲ.....
ခန်းမတစ်ခုလုံး ထူးဆန်းစွာပဲ တိတ်ဆိတ်သွားပါတယ်။ ရှန်ယန်ရှောင်ရဲ့ နောက်ကျောကိုသာမြင်တွေ့နေရတဲ့ ပြိုင်ပွဲဝင်ကျောင်းသားတွေက ဒီလူတွေ ဘာလို့ ထူးဆန်းတဲ့အမူအယာတွေ ဖြစ်ကုန်တာလဲဟဆိုပြီး သူမ စားပွဲပေါ်မှာ ရှိနေတာတွေကို တစ်အားသိချင်သွားကြပါတယ်။
ရှန်ဂေါင်းရှောင် မျက်ခုံးတွေမြင့်တက်သွားခဲ့တယ်။ လူအုပ်ကြားထဲက ပူလီစီရဲ့ ဆိုးရွားတဲ့အမူအယာကိုတွေ့လိုက်တဲ့အခါ သူ့စိတ်ထဲမှာ အတိတ်နိမိတ်ဆိုးတွေ ခံစားလိုက်ရပါတယ်။
ကြီးကြပ်ရေးနည်းပြက တတိယအဆင့်စတင်နိုင်ပြီလို့ ကြေငြာတဲ့အချိန်ထိ ပရိသတ်တွေ အံ့အားသင့်နေဆဲပဲ ရှိပါတယ်။
ပြိုင်ပွဲဝင်ကျောင်းသားတွေလည်း သိချင်စိတ်တွေကို မြိုသိပ်ပြီးတော့သာ ဆေးရည်ပြုလုပ်ဖို့ ခေါင်းငုံ့လိုက်ရပါတယ်။
