#اللعنة_الملكية_بقلم_كنانة_غميان
#الفصل_الثاني
الحلقة السادسة والعشرون
ميرام فاقت من نومها ت
تنفس مرعوبة ....تطلع حوليها فأدركت إنها بالقصر : يقطع عمر هالكابوس ...رح يضل يلاحقني لإيمتى ....يا كركمة ...كركمة (أجت كركمة لعندها )نعم مولاتي :وين الملك !!
الملك تحت مع قائد الحرس ...
ممم .. شو صار بعدين ...لقوه لإلياس وعيلتو ولا شو
لسى يا مولاتي ...لسى ...
تضربي شو أنك وجه شؤوم ...روحي من خلقتي وجيبيلي مي أشربها
حاضر ...حالا ..(راحت كركمة مسكرة الباب وراها ...وقامت ميرام من محلها تطلع بالمراية :أكيد الدبور قدر يجيب راس إلياس والبنات لعندي هههههه آه يا ميرام ...جمالك جمال مش عادي ......(فكرت ودقرت): صحيح ...شو ممكن يكون بدو مني مقابل هالشغلة يا ترى !! ...لروح أنزل وأتنفس ...القصر بكاملو صار إلي ......ههههه
(نزلت ميرام من غرفتها .....ونزلت ع الدرج ...وإذ شافت الملك قاعد ع السفرة ...بس ما في حدا قدامو ومبين مهموم طتبب راسو ع الطاولة ....فستغربت وقربت لعندو ...وحطت أيدها ع راسو : حبيبي ....أنت نايم !!
الملك : لا مالي نايم ...بس تعبان ...حاسس بغصات بقلبي .....زعلان من إلياس ...كيف هيك بيطعني بظهري
حبيبي ...أنت لازم تفرح لأنك كشفتو على حقيقتو هلأ وقبل بعدين ....
يمكن معك حق ....بس معقولة أخواتي طلعو عم يغدروا فيني كل هالفترة وأنا مالي حاسس .....شو هالأخوة هدول ......
حبيبي لا تحملها كتير ...المهم أنهم انكشفوا وخلصت من همهم .....
معك حق ....وأنتي ساعدتيني لأكشف الحقيقة ...لولاكي ما كنت عرفت أبدا ...
شفت حبيبي أديش بفيدك ....
اي شفت...
المهم هلأ نعرف وين راح إلياس .....دريت بشي عنو
أي قالوالي أنو اتجه للغابة ....ولحد هلأ مالو أثر ...وين بدو يهرب مني بس يغدر فيني ...وياخد مفتاح الخزنة ...وكمان يسرق ذهبي .....آخ بس (خبط بأيدو الطاولة )
ميرام : لهيك صار لازم نجيب وريث العرش ...ما هيك حتى يقدر يتحمل مسؤولياتك الكبيرة
كيف بدك تجيبيلي وريث العرش !! أنتي جبتيلي بنت هديك المرة
بعرف ...بس هيك بدها الأقدار
أنا مابفهم بالأقدار ..بفهم يا إي يا لأ ....وبدي صبي هالمرة ...وإلا ...
وإلا شو !! بعدين لا تخاف رح جبلك الصبي أكيد هالمرة .....يلا قوم وارتاح هلأ ...
صار وقت غدا وبدي آكول ...مالك شايفة بلشو يحطوا الأكل !!
