#اللعنة_الملكية_بقلم_كنانة_غميان
الحلقة الثامنة والثلاثون
#الفصل_الثاني
الداية: مبروك يا مولاي ...أجاك صبي
مسك الملك الولد مو مصدق عيونوا ...وميرام عم تتنفس بصعوبة تطلع فيه : شفت ...شفت كيف جبتلك ولي العهد ....
الملك فرحان كتير : مو معقول شو حلو وبيشبهني
ميرام : فعلا بيشبهك ...وهلأ بسرعة روح ونفذ وعدك معي .....
الملك : ليش شو بدك ....آه صح بدك بنتك ...ولا يهمك اليوم المسا بتكون عندك ....يؤبشي هالصغنون شو حلو ......
لوين رايح
بدي فرجي الكل عليه ...هههههه
ميرام : عطيني ياه ...ما بتلو لتجبلي بنتي
شو على كيفك ....
عم قلك بدي بنتي نفذ وعدك .....
طلع الملك من الغرفة شبه متدايق بس بنفس الوقت مو مصدق من الفرحة ....أخيرا أجاه الصبي .
بعت الملك ورا اللورد : مبروك مولاي على وريث العهد الجديد ....
الملك: بلا مباركتك هلأ ...روح مباشرة وجبلي بنت ميرام
أي بنت !!؟
لك البنت ...وين رحت بالبنت
آه ...صح !! ما توقعت ترجع تطلبها ....شو بدك فيها
أمها بدها ياها
هلأ !! بعد كل هالوقت
حتروح تجيبها ولا أقبرك ....وين حطيتها
حطيتها !!؟ ...لا لا هي موجودة ...رايح جبلك ياها فورا ....
راح اللورد راكض بسرعة .....ونادى للحارس : ....يا حارس ...بتروح وبتجبلي البنت اللي عطيتك ياها هداك اليوم
بنت الملك ...!!
اي ...وين حطيتها !!؟
حطيتها !!؟ ...نسيت
يخربيتك شو نسيت ...
القصة قديمة ...وأنا بنسى كتير ...أنت عطيتني البنت وقلتلي خلوص منها ...
لأن هيك قللي الملك وقتها ....
الحارس: .كيف بدي أتذكر هلأ ...
روح دبر حالك ...خلصني .ركوض و روح جبلي ياها ...وإلا رح يصير فينا مصايب الدنيا فوق راسنا ....لك روح لسعتك واقف
ركض الحارس ومشي للغابة : أنا هون مريت ....وكان الطفلة بين أديي ...بعدين وين رحت فيها !!!؟ ..وين ياربي ...وين !!؟ ....شو هالذاكرة تبعي فايتة بالحيط ...صرلي دتقق على ١٠ بيوت وما كنت لاقي هالبنت ....(شاف الميتم) .أي صح ..رحت ع هاد البيت ...(دق الباب )
