#اللعنة_الملكية_بقلم_كنانة_غميان
#الفصل_الثاني
الحلقة الخامسة والعشرون
📢(ما حصل فعلا) 📢
إلياس خايف كتير والمطر قوي بزيادة ...جرحو مدمي وقرب حط ايدو ع تمها لليزا حتى ما تصرخ قدام الحراس اللي عم تدور هون وهنيك عليهم ! فتطلع بياقوت وحط أطبعتو ع تمو بمعنى (اسكتي لا تحكي ولا حرف ) ليزا تأن من وجعها بسكوت تام .....والحراس تدور بعد ما قتلت هالصبيان الملثمة
الحارس : لقيت شي
الحارس ٢ : لأ لسى .....غريبة وين اختفو!!
الحارس : المشكلة أنو المطر غطى على أثرهم ماعم بقدر لاقي شي ....وكمان تشوش نظري .....بس مين هالأولاد !! ...
شكلهم عصابة ....المهم خلينا نحنا نلاقي الخاين إلياس ....الملك بدو ياه حالا ....
هون شكلنا ما حنلاقي شي
شلون ما حنلاقي شي ...والعرباية هي الوقعانة هون !!
بيكون هربو ..ما منعرف لوين وأديش صرلهم غايبين امشي لنروح لغير مكان ...
امشي لشوف
وراحو الحراس ...وقلب إلياس يخفق بقوة ...وقام ايدو عن تم ليزا اللي دموعها عبو عيونها ...فقرب وضمها لصدرو ...وقرب ياقوت بأيدو التانية ضاممها لعندو بقوة ويدعي : يارب تنجينا ....يارب تخلصنا من هالشغلة
ليزا : بدي كحيلة يا إلياس ...بدي كحيلة ...بدي بنتي
يتعصور من الألم: طولي بالك بس لتخف المطر بس ....(اطلع على جرح إيدها ....وهي تطلع على جرحو اللي قريب من ظهرو )...قربت ياقوت وتشوف هالويل وتبكي : بابا شو أعمل ...قللي حتى ساعدك
مافينا نعمل شي هلأ ....نستنى شوي بس لتخف المطر ....(وإذ شي طويل يلمع واقف بوجه إلياس ...إلياس انصدم بدو يوقف بس ما عم يقدر يتحرك ووقع ع الأرض ...وليزا سندتو بأيدها ...وياقوت كمان تصرخ : بابا
إلياس يتأوه : شو بدك مننا ...مين أنت !!
الدبور ملثم : أنت مين !!
أنا !! مو شغلك مين أنا ...أنت شو بدك !!
أنا بدي روحك ! وبدي هالبنت كمان تجي معي
قربت ليزا وحضنت ياقوت بكل قوتها : لو بدك تقتلني مابعطيك بنتي .....
إلياس : شكلك واحد من هالعصابة اللي لاحقتنا لهون .....
لا أنا رئيسهم ....ههههه شو رح تعمل هلأ بعد ما عرفت يعني !!
ساعدنا ...
عم قلك أنا رئيس العصابة ...بتقلي ساعدنا !! أنت عنجد مجنون
لأني مجنون طالب منك تساعدني أنا وعيلتي ....
وشو المقابل !!
رح أعطيك مقابل ...بس بشرط تساعدنا بالأول ....واطلعنا من هون لمكان أهدى لنقدر نعالج جرحنا بس ....بترجاك ساعدني ...وما بتكون إلا رضيان !
فكر الدبور شوي : ماشي ....تعال معي
لوين رح تاخدني
أنا بعرف هالمتطقة منيح ....وفي شجرة كبيرة قريبة من هون ...الحقني لشوف ( قام إلياس بالزور ساندتو بنتو ومرتو ....ومشيو بهل الطين لاحقين الدبور وهو عم يترنح موجوع كتير .......وليزا أخدت منديلها وشدت على ايدها بمكان الجرح .....وبعد فترة مشي بهل السيول المطرية ...وصلوا أخيرا وقعدو تحت الكبيرة ...بحيث المطر أخف بكتير تحتها ....وقعد عم يلهث إلياس ...
