#اللعنة_الملكية_بقلم_كنانة_غميان
الحلقة السادسة والثلاثون
#الفصل_الثاني
تاني يوم الصبح .....وبقلب القصر الريفي والكل عم يفضل من حواري وخدم ......أجى حارس للقصر راكض و معو رسالة وصرخ : كركمة ...مين كركمة ...
كركمة تركت من أيدها شغلها وراحت لعند الحارس : نعم أنا كركمة ...في شي!!؟
الحارس : في اوامر حتى ترجعي ع القصر الملكي
شو !!؟ ليش
مابعرف ..هي الأوامر
طيب روح أنت وأنا بلحقك
آسف ...بدهم ياكي موجودة معي ...بسرعة ضبي غراضك وتعي معي
استغربت كركمة وحست في شي مو طبيعي صاير !!؟ ...بسرعة راحت ضبت غراضها وقلبها فزعان ....وطلعت ع العرباية....ومن العرباية للقصر الملكي ....نزلت وراحت مباشرة لجوا ع القصر والدنيا معجوقة برا ..فب فوضى غريبة مو طبيعية بنوب .....تدور بعيونها على بولينا.....وإذ استقبلتها الجارية قدامها
كركمة : مرحبا ..
الجارية : أهلا كركمة ....شايفتك أجيتي!!
بعتو ورايي حتى أجي لهون وفورا....شو صاير كأنو الوضع مكركب هون
الجارية : شكلهم ماحكولك اللي صار حتى نادولك
ليش شو صار ...!!؟
بولينا
شبها !!
وقعت مبارح من فوق الشرفة تبع غرفتها للأرض ....وماتت مكسورة المسكينة ...مو معروف أيدها من راسها
انفلجت كركمة!ة أنتي شو عم تحكي !!؟
متل ما سمعتي ...وهلأ عم يدورو كيف ماتت ....يعني حدا قتلها ...ولا انتحرت!!؟
دقرت كركمة شوي (شكلو في شي صاير بغيابي ....وبولينا ما تحملت اللي شافتو من الملكة ..ف اكيد يا قتلتلها الملكة أو انتحرت ...بس شو صاير ياترى ...مين الضحية الجديدة )
شبكي وين صفتني
كركمة : طب وأنا شو دخلني حتى نادولي لهون !!؟
.الملكة بدها ياكي .....مع أنو خلصنا منك لغير قصر ...مابعرف شو بدها فيكي لسى .....كان فيها تنايلي إلي
كركمة : روحي واعرضي حالك عليها ..شو عم تستني ...
مارضيت ...بدها ياكي انتي خص نص ...روحي لعندها بسرعة قبل ما تنفجر بوجهنا
هززت راسها مابتعرف شو اللي عم يستناها....ودقت الباب على ميرام
ميرام : فوتي كركمة ....
فاتت منزلة الطتقية عن راسها : طلبتيني مولاتي
قربت ميرام وعينها بالشر : ليش تأخرتي ...شفتك وأنتي داخلة ..المفروض تكوني هون بثواني
