#اللعنة_الملكية_بقلم_كنانة_غميان
الحلقة الرابعة والثلاثون
#الفصل_الثاني
ميرام : دريت انك رايحة ع بيتك اليوم ؟؟؟
عنابية : نعم يا مولاتي ....العرباية برا عم تستناني لخلص عشا معكم وبعدها بروح
ميرام : مو معقول تروحي بسرعة ....استني بس اشربي معنا العصير ...وبعدين روحي
مو مشكلة ...بس مابدي أتأخر كتير منشان لاقي مكان بالسفينة اللي رايحة لبلدي
لاتخافي ...رح خلي بولينا ترافقك للمينا ....لأن في شي ضروري لازم تجبلي ياه بالسوق
الدبور : بس يعني مو معقول تروحي وتحرمينا أنسك بسرعة يا آنسة عنابية ...
شكرا ع الإطراء...بس عجد مليت هون
الدبور: هههههه كنت بتمنى تقعدي عنا أكتر ...كنتي ما شفتي ملل ابدا
الملكة : وأناوهيك رأيي ..بس انتي مصرة تروحي بسرعة
معلش يا مولاتي أنا مابحب أقعد برات بيتي كتير .....وشكرا ع الأكل كان كتير طيب .....صار لازم أتجهز
قامت ميرام: لكن يلا قومي ونشرب شوية عصير ع الشرفة.....
قامت ميرام ....وقعدت هي وعنابية ع الشرفة ....وقربت بولينا تصبلها العصير لعنابية ....
وبعد شوي ...قامت عنابية ع العرباية مستأذنة ...وطلعت معها بولينا ...بس عنابية إلها رأي تاني : يا بولينا خليكي بالقصر ....
مابيصير ...هيك قالت الملكة
بس أنا مابدي حدا يكون معي ...خليكي هون ....وشكرا كتير على اهتمام الملكة
بولينا : متل مابدك سيدة عنابية ...بس أنا رايحة معك لسوق بطريقك ...نازلة هنيك ....متل ما قالت السيدة ميرام
اي صخ تذكرت ...إذا هيك مو مشكلة ....طلعي
طلعت بولينا : تفضلي .و هي قنينة العصير ضيافة من الملكة ....
هاتي لشوف ....تشكريها عني بس ترجعي ....يلا يا سائق خلينا نمشي ...
السائق : حاضر
عنابية صارت بالعرباية تودع الكل .....على أمل اللقاء مرة تانية ....والملكة من مكانها فوق ع الشرفة تودع عنابية ...وعينها بالشر لمعت (برابو ...بقي بولينا ترجع لعندي بعد ساعة من هلأ ....لازم ترجع حتى أشتغل شغلي معها هي التانية كمان ههههههه)
وبهل الأثناء....مشيت العرباية للمينا و عنابية فتحت قنينة العصير وصارت تشرب منها ..
بولينا : هون السوق ....رح انزل هون
وأنتي مين حيرجعك
بعرف أرجع لحالي ....شكرا ع التوصيلة ...عن اذنك
