#اللعنة_الملكية_بقلم_كنانة_غميان
الحلقة الخامسة والثلاثون
#الفصل_الثاني
وبالميتم .....!!؟
أم قريط عم تحوص متدايقة كتير ....وفاتت عليها الممرضة من بكير ....
الممرضة: خير شبكي ..طالبتيني !؟؟
سمعي هالوضع لايحتمل ....والرد ما وصلني من ميتم الكنيسة
شو يعني ...شو بدك تساوي
أنا مافيني أتحمل كل هالمصاريف ...لازم تفهمي هااشي يا ممرضة
ع شو ناوية يا ام قريط بترجاكي أهدي
خلص وقت الهدوء اليوم بتشوفي شو بدي أعمل !!!
الممرضة : بس يا
خلص ولا كلمة .....طلعي لبرا خليهم يجهزوا الفطور ...في حكي بدي أحكيه بعد الفطور بتخلي الكل يجي ويجتمع سمعتيني شو عم قول .....ومابدي أسمع اي اعتراض منك وإلا رح أطردك من هون ....يلا لشوف روحي ونفذي
الممرضة طلعت من غرفة أم قريط ....حاطة ايدها ع قلبها : شو ناوية يا ام قريط ...!!؟ آه ياربي ...يارب يجي رد من ميتم الكنيسة ....حرام هالأطفال مالها ذنب ....
وبالغرفة جوا ...كانت تميم عم يبكي مستفقد لأمو .....فأحت كحيلة لجنبو : شبك
امي ...أمي ...اشتقت لأمي !!؟
وأنت كمان أخدوك من امك
لا انا أمي تركتني هون وقالتلي راجعة ...بس لهلأ ما أجت ...(يبكي ويمسح دموعو)اشتقتلها
أنا أمي اسمها ليزا ...شو اسم أمك...!!
أمي اسمها كاميليا .....
خالة كاميليا !! أكيد بيكونوا أخدوها هي كمان ....
شو يعني أخدوها !! أنا بدي أمي ...ماما
تعال(عانقتو) لا تبكي ....قالتلي خالة كاميليا أنو لازم نكون أقوياء ....وما نضعف ....عندك أخوات
لا ..أنا لحالي .....
أنا حكون اختك يا ...شو اسمك
أسمي تميم
وأنا حوراء ...مو هيك اللعبة
اي لعبة!!؟ (تميم ما فهم شي ..بس كحيلة مفكرتو عم يمزح )
يعني انت باللعبة أسمك تميم
تميم : ما بعرف .....بدي امي
كحيلة : وأنا بدي أمي
وينها أمك !!؟
كحيلة ماعادت قدرت تحكي ....وصارت تبكي ...وتميم صار يبكي معها ....
وأجت الممرضة شافتهم عم يبكو فعانقتهم : شبككم يا حبيباتي ....
التنين عم يبكو بشدة ....فقربت الممرضة ضمتهم لقلبها بحسرة ....ودمعت عينها ....غصب عنها ...بس قربت تطلع بوجههم : حاج تبكو ....حاج ...البكاء مو منيح
