#اللعنة_الملكية_بقلم_كنانة_غميان
#الفصل_الثاني
الحلقة الواحدة والثلاثون
وأجى يوم الحفلة .....الكل من الطبقة المخملية تتأنق وتلبس ....أما الطبقة العاملة عم تشتغل بين المطبخ والسفرة والأكل ....والخادمات تركض وما تلحق بين تنظيف وتغيير شموع للثريات والسفر .....وحططان خشب بمكان المدفأة الحطب ......
ميرام تتجهز قدام مرايتها وبولينا قدامها ع الدعسة بدال كركمة اللي راحت ....والملك كمان يجهز حالو بكل شي والمجوهرات بين أديه وأصابيعو .....
وبالميتم ....من الصبح انسمع صراخ عالي : وينهااااااا
فدخلت الممرضة لعند ام قريط (لابسة ومتهندسة ومتعطرة ....ع راسها طاقيتها تدور متل المجانين بين الغراض
الممرضة : شبكي يا ام قريط ..شو في !! شبكي ...ع شو عم تدوري !!؟
ام قريط تدور تحت ااسرير وبين الكتب ضايجة : لك البطاقة ....بطاقة الدعوة ....ماعم لاقيها ....
بتكوني نسيتي وين حطيتيها دوري منيح
لك شو بدي أنسى ...كانت محطوطة ع المراية ..أنا بأيدي حطيتها هون
طول بالك ولاتعصبي ...أكيد بتكون هررت ووقعت بشي مكان
لك فتلت الغرفة سبع مرات ...ودخت سبع دوخات ....ونطيت سبع نطات ماكنت لاقي شي .....لك وين بدها تروح مني هالبطاقة ...صرلي سنين عم بحلم تجيني هيك حفلة ...
الممرضة : إلاما تلتقى ....وين بدها تروح ؟؟
أم قريط : أكيد واحد من الأولاد السعادين فايت ع غرفتي وآخدلي ياها ....أنا بفرجيهم
الممرضة : طولي بالك ...لك وين رايحة استني شوي .....
أم قريط : بعدي عني ....اكيد حدا من الأولاد عامل هالعملة .....أنا بفرجيهم
الممرضة : طيب طولي بالك لبعد الفطور ....
مالي رح طعميهم حتى يعترفوا وين مخبيين بطاقتي ....
أم قريط راكضة تصرخ بالمساعدات اللي مو فهمانين شي ...
المساعدة : لك شو هالصباح
أم قريط : قومي أنتي وياهااا بسرعة ...بتعملولي حملة تفتيش بغرف كل الأولاد ...وبتوقفوهم برا
المساعدة : بس برا برد كتير .....حرام ...شو ضايعلك
بطاقة الدعوة .....هلأ بدكم تلاقولي ياها ولو من تحت طقاطيق الأرض ....(صرخت)تحركوووووو
الممرضة ارتعبت من أم قريط اللي قلبت ع قط شرس ....فركضت لغرفة كاميليا ودقت الباب ...: سيدة كاميليا ...سيدة كاميليا .......آسفة عم بزعجك بس بدياكي لأمر مهم .......(ليش ماعم ترد ....لهل الدرجة نومها تقيل )فتحت الباب كميليا على مهلها ...ولقت الغرفة فاضية ...والسرير مرتب كمان !!
