#اللعنة_الملكية_بقلم_كنانة_غميان
#الفصل_الثاني
الحلقة السابعة والعشرون
الكل طلع حتى ينام ....والدبور جاب الأولاد ليناموا عند الحرس ...ومنهم جواد وسيزار وبرهان ...برهان كتير فرح لأنو وصل لهون ...وجواد فراحان بس غاصص ..فريدة ماعم تروح من ذاكرتو ....أما سيزار ...متسطح ومتصفن بالسقف حاطط أديه ورا راسو ...وإذ بيجيه همس :
برهان : لك وين صافن !!
سيزار : ولا شي ....ليش شبك أنت ! ما تنام
مو جاييني نوم كتير مبسوط لأني عم نام ع سرير وحرام ....ووين عند القصر ...أنت متخيل لوين ترقينا
سيزار ببرود : عادي ....!
برهان : شلون عادي ...واكلنا وشربنا ...معقول نصير هون على طول ...يا أخي هالدبور رهيب ....خلانا نوصل لهون وبسرعة ...ورح ياخد ثقة الملك كمان ....
سيزار بطرف عينو : مبينة... ع الكذب والإفتراء ....
خراس ولا تقول هيك ....بيكفي الدبور عفى عنك منشان قصة البنت ...وإلا عنجد كان قتلك ...حميد ربك واشكرو اللي ماعمل فيك شي
ههه
ليش عم تضحك ...
ولا شي ....بس هالجو ماعم بقدر أتقبلو
شو يعني ...!! لك شو بدك أحسن من هيك حياة رغيدة وعيشة هنية
أنا بقدر عيش ومشي حالي بالبراري ولا بدي أقتل وعيش تحت سيطرة حدا ...حريتي مقيدة أنت عم تفهم شو قصدي
لا مافهمت ....ولا بدي أفهم عليك .....العمى شو مو لابقلك العز وبتم شايف حالك....صحي ! عنجد وين البنت !!!؟
قلتلك هربت ...وماتت شو ما بتصدق يعني لجبلك راسها !!
برهان : خلص لا تعصب ...مصدقك ...تصبح على خير ....الحق عليي عم بحكي معك
***
وبنص الليل ....قامت ميرام من جنب الملك بهدوء مسمومة كتير ببالها كتير أسئلة حتاكلها على ما تعرف أجوبتها .....وطلعت من الغرفة على مهلها مسكرة الباب بعد ما الكل نام ......ونزلت بأيدها هالشمعة رايحة لجناح الضيافة...وأول ما وصلت لباب غرفة الدبور ...لقت الباب انفتح فجأة !!
الدبور : أهلا وسهلا ....شو !! ملاقيك عندي هون !! أصلا كنت متوقع جيتك
أنت كيف بتجي وبتعمل هيك فيني !!
الدبور يطلع حوليه : بدك تحكي هون !!
ليش وين بدي أحكي !!؟
تعالي لجوا ع غرفتي حتى نحكي أحسن ما يشوفونا الخدم ولا حدى من الحراس ....ولا بدك ننكشف يعني !!
ميرام فاتت مسمومة مغصوبا عنها مالقت مكان تاني تحكي فيه ....وسكر الدبور الباب ...
الدبور : مو معقول الملكة عندي وبغرفتي...أهلا وسهلا
