#اللعنة_الملكية_بقلم_كنانة_غميان
#الفصل_الثاني
الحلقة التاسعة والعشرين
صحيت ميرام من بكير ...واطلعت من الشباك تتنفس تشد حالها لتصحصح منيح ....بس لما شافت هالشوفة ...اتدايقت وانسمت : ما كان ناقصني غير خادمتي تقعد تحكي مع خدم الدبور ....!!
عصبت ولبست تيابها تاركة الملك لسعتو نايم .....نزلت ع الدرج ماعادت شافت بوجهها ...وإذا بتلاقيه قاعد بالصالون ....فبتسملها بطرف تمو : صباح الخير جلالة الملكة ...
ميرام : شو أنت دائما هون .....ما بتنام
هههه...ع طوا بفيق بكير ....نومي قليل ...بس شبكي مزعوجة !!
قربت ميرام لعندو: بعد خدمك عن جواري القصر
آه ..المعناتها شفتيهم مع بعض ...مو حلوين !!
أنت ليش مصمم تغيظني ....القصة كبيرة ....قانون القصر بيقول ممنوع الجواري يكنلهم علاقة مع اي حدا من القصر ....هالشي بيسبب مشاكل كبيرة هون
هههه اي بسيطة ....
لا تتبارد عليي عم قلك القصة كبيرة كتير ....بتروح بتحاكيهم ولا حاكيهم أنا !!
طيب روقي ....انا بحكي مع خادمي ...وتركي خادمتك ع جنب ...مبين عليها خايفة كتير ....أصلا الزراق تحت عينها بيحكي حكاوي كأنك عاملة فيها شي
تبلكمت ميرام : المهم هلأ...بما أنك صحيان ....جهزلي حالك للحفلة
طبعا أنا جاهز ...وخالصة كل أموري ...بس كأنو من نظراتك حاسس في شي
ميرام ابتسمت بمكر: بدي شوف مهارتك ...يا ترى عندك قدرة لتجذب البنات ولا لأ
ههههه شو قصدك !... أنا ما بنفع....لوبن بدك تصلي ميرام !!؟
الحفلة بكرة .....وأنا عند شرطي انك ما بتقدر تجيب أي بنت لعندك
الدبور بثقة : أنتي أشري ع البنت اللي بدك ....وشوفي كيف بقدر جيبها لوين ما بدي ....
ماشي ....أنا وياك والرهن ....بس يا حرام مين رح تقبل بواحد متلك ....!!
ههههه مليان بس أنا ما بعطيهم وجه ...
صدقتك ....وبكرة منشوف (صرخت): يا بولينا.....روحي وشوفيلنا الفطور كيف صار ....بدنا أكلة بطاطا تكون مسلوقة سلق ع النار ...
بولينا : حاضر مولاتي ....(ركضت بولينا للمطبخ ...وميرام رمت نظراتها القوية....وراحت طالعة ع غرفتها ....
الدبور (شو قصدها من هالحركة لهدرجة مالي عاجبها !!!! بكرة بتشوفي .....)
تلفت حوليه شوي ...وطلع للحديقة برا ....وشاف جواد وكركمة ونادالوو ...وركض جواد لعندو معتذر من كركمة ...وهديك راحت بحال سبيلها لتشوف شغلها ....
جواد وقف قدام الدبور : نعم سيدي
أنت شو عم تعمل مع هالصبية !!
