#اللعنة_الملكية_بقلم_كنانة_غميان
الحلقة الثانية والثلاثون
#الفصل_الثاني
قرب الدبور وتأكد من موت كاميليا ....وبيحس على حركة غريبة....بيقوم على مهلو وبيشوف إذا في حدا هون ولا هنيك !! بس مابيلاقي حدا
الدبور : كأني حسيت في حدا هون وعم يراقبني!! ....لقوم وغطيها بالقش لبينما لاقي حلل بعد الحفلة ...هلأ لازم أرجع بسرعة .
غطها لكاميليا بالقش ومشي راجع للحفلة ......ومن دخلتو لجوا عمل نظرة ع الكل ....ولقى الكل موجود ....سيزار واقف عم يشرب عصير ...وبرهان بين الجموع ...وجواد لمحو بالحديقة ....فكان دخول الدبور ع القصر بالوقت المناسب إذ فجأة طلع صوت من واحد واقف بأعلى الدرج : والآن سيداتي وسادتي ...الرجاء الترحيب الحار بسيادة ملكنا قاهر الأعداء ...وملكتنا ميرام الحسناء
الكل صفق بحرارة .....
الملك وقف جنب الملكة بكل فخر ...واستلم الحكي : شكرا كتير لحضوركم اليوم جميعا ....جبتكم حتى تتعرفوا على مستشاري الجديدة أبو عاصم ....(طلع الدبور من بين الناس اللي تتفرج عليه مو مصدقة ....و قرب قدام الملك ...والملك رفع السيف يحطلو ياها مرة ع اليمسن ومرة ع اليسار: عينتك مستشاري يا أبو عاصم لأنك اهل للوفاء والإخلاص بين البشر ....وهلأ أنت صرت من البلاط الملكي
الكل صرخ وفرح ويصفق .....والدبور انحنى بايس ايد الملك ....والملكة ...ونزل قدام هالناس بكل وقار وقوة
الملك صرخ : وهلأ خلونا نبلش احتفال....يلا عطونا موسيقا
بلشت الموسيقا ...وانعجقت الدنيا بالناس ......
الملك والملكة قاموا ورقصوا قدام هالجماهير ...
الدبور يتفرج يبحلق بين هالناس ..ويفكر ....وبينما هو عم يفكر بتجي وحدة جنبو : مبروك المنصب الجديد يا سيد أبو عاصم
الدبور : شكرا سيدتي ....بس ما تعرفت بحضرتك
أنا دوقة المملكة الصغرى ....
قرب وباس ايدها : تشرفت بمعرفتك.
وأنا بالأكتر ..
الدبور : تسمحيلي بهل الرقصة ....بيشرفني أرقص معك سيدتي الدوقة
اوه ..شكرا ...اكيد بوافق مابقدر خجلك
قام الدبور وصار يرقص مع الدوقة ....وكان رقص الدبور ملفت لنظر بنظراته وحركاته الرشيقة......فلفت نظر الكل ...خاصة السيدات ....
الملكة تطلع فيه من بعيد ....وابتسامتها الماكرة ع وجهها ....
وبس خلصت الرقصة الكل صفق لدبور والدوقة .....فكانت فرصة لكل البنات يحاولوا يتقربوا من الدبور ليحظو برقصة معو .....(وهو بيطلع بالملكة بطرف عينو بمعنى الإنتصار وبيقدر يجيب اللي بدو ياها ) رقص الدبور بين هون وهنيك ....حتى كاد ينسى شو لازم يعمل .....وبطرف عينو بنادي لبرهان
برهان : في شي !!
سماع ...بتجهز حالك اليوم المسا ....بعد نص ليل ...عندك شغل بدك تأنجزلي ياه
