SUMMER DREAM - If I Love You , Would It Be Ok ?

Chapter 12

ချိန်းဆိုထားတဲ့မနက်မှာ သူတို့၂ဦးရဲ့ပထမဆုံး Dateအတွက် စိတ်လှုပ်ရှားနေကြသည်။ Xiao Zhan မနက်ခင်းကတည်းက သူ့ရဲ့အဝတ်ဗီဒိုကို မွှေနှောက်ကာ အလုပ်များနေခဲ့သည်။ တစ်ပုံစံတည်းသော အဝတ်အစားတွေအကြား ဘယ်ဟာဝတ်ရမလဲမသိဖြစ်နေသည်။ ပထမဆုံး dateမှာ ပုံရိပ်ကောင်းဖို့ အရေးကြီးတယ်လို့ သူထင်နေသည်။

" ဟဲ့သား နင့်အခန်းထဲမှာ ဘယ်လိုဖြစ်နေတာလဲ။ အဝတ်တွေရှုပ်ပွနေတာပဲ။ "

အပေါ်ထပ်ကနေ အန်တီWangရဲ့ ဆူသံကြားလိုက်ရသည်။ Wang Yiboရဲ့အခန်းထဲကို လျှော်မယ့်အဝတ်လာယူတဲ့ အန်တီWangဟာ သူမြင်လိုက်ရတဲ့ရှုပ်ယှပ်ခတ်အနေအထားကြောင့် ဒေါသထွက်သွားတော့သည်။ ကုတင်ပေါ်မှာ အကျီနဲ့ဘောင်းဘီ အထည်၂၀လောက်ကို ဖြန့်ခင်းထား၏။ ကြမ်းပြင်မှာလည်း ဖိနပ်၎ ၊ ၅ စုံစီတန်းလျက်။ သူတို့တွေရဲ့အလယ်မှာတော့ Wang Yibo မတ်တပ်ရပ်ကာ အလေးအနက်စဉ်းစားနေသည်။

" ခဏလေးပါ မား။ သား လေးလေးနက်နက် တွေးနေတာကို မနှောင့်ယှက်ပါနဲ့ဦး။ "
" !!!! "

အန်တီ Wangရဲ့ သည်းခံမှုကုန်ဆုံးသွားတဲ့အခါမှာတော့ သူ့လက်ထဲက ခြင်းတောင်းနဲ့ Wang Yiboကို ရိုက်တော့သည်။

ဖြောင်း !

" မားး ! နာတယ်ဗျ။ "
" နာတယ်ဟုတ်လား။ အလုပ်မရှိအလုပ်ရှာ။ အမေဖြစ်သူကိုလည်း အလုပ်ဝိုင်းကူမလုပ်ပေးတဲ့အပြင် အပိုအလုပ်တွေ ထပ်လုပ်တော့နင့်ကိုရိုက်တယ်ဟယ်။ "
" သား ပြန်လာရင်သိမ်းပါ့မယ် မားရာ။ "
" နင်ကဘယ်သွားမှာမို့လဲ။ ရည်းစားနဲ့ချိန်းဖို့ သွားတာမို့လား။ ဘာပဲဝတ်ဝတ် ဒီရုပ်ကဒီရုပ်ပဲကို။ "
" မားး "
" အပြင်မသွားခင် အဝတ်တွေအကုန်ပြန်ခေါက်ခဲ့။ ပစ်စလတ်ခတ်လုပ်လို့ကတော့ ငါကိုယ်တိုင်နင့်ကိုရိုက်မယ်။ "

အန်တီWangရဲ့ တစ်ချက်လွှတ်အမိန့်ကို Wang Yibo နားထောင်ရတာပါပဲ။ သူနောက်ထပ်နာရီဝက်လောက် စဉ်းစားပြီးနောက်မှာတော့ သူ့မျက်စိထဲအဆင်ပြေမယ့် မိုးပြာရောင်တီရှပ်အစင်းကြားကို ရွေးချယ်လိုက်သည်။ အောက်က အနက်ရောင်ဂျင်းပျော့ဘောင်းဘီရှည်နဲ့ တွဲစပ်လိုက်တော့ သူ့ပုံက လုံးဝကိုဆယ်ကျော်သက်အတိုင်းပဲ။ မှတ်မှတ်ရရ တစ်နှစ်က နွေရာသီမှာ တစ်ခေါင်းလုံးအဝါဆိုးပြီး နွေရာသီကိုဖြတ်ကျော်ခဲ့ဖူးသည်။ အဲဒီနှစ်မှာပဲ Xiao Zhan သူတို့အိမ်ကိုပြောင်းလာခဲ့၏။ အစတုန်းက Xiao Zhanနဲ့ ရင်းနှီးဖို့ခက်ခဲခဲ့သည်။ ကျောင်းပြန်ဖွင့်ပြီးနောက် သူ့ဆံပင်အနက်ပြန်ပြောင်းလိုက်ခါမှ Xiao Zhanနဲ့ ဝင်ရောလို့ရခဲ့သည်။ Xiao Zhanက ရိုးစင်းတဲ့သူ။ အသစ်တွေနဲ့ သိပ်အသားမကျတဲ့သူ။ တဖြည်းဖြည်းချင်း ပြောင်းလဲတတ်သူ။ သဘာဝကို မြတ်နိုးသူ။ အနုပညာသည်ပီသတဲ့ Xiao Zhanကို သူခင်မင်ခဲ့တာ မနေ့တစ်နေ့ကလိုပဲဖြစ်သည်။