Wang Yibo ခြေစုံရပ်လိုက်ပြီး Xiao Zhanမေးတဲ့မေးခွန်းကို တွေးနေသည်။ သူ့နှုတ်ကအနည်းငယ် ပွင့်ဟလာပေမယ့် စကားသံကမထွက်လာခဲ့ဘူး။ ကြည့်ရတာ Xiao Zhanမေးလိုက်မိတဲ့ မေးခွန်းကသူ့ကိုအကြပ်ရိုက်သွားတဲ့ပုံတူသည်။
" ဘာလို့မေးတာလဲ Zhan Ge "
Wang Yibo အသံတိုးတိုးလေးနဲ့ ပြန်မေးသည်။ သူတို့၂ယောက်စကားပြောနေတာကို ခပ်လှမ်းလှမ်းက Yang Chiလည်း လက်ပိုက်နားထောင်နေသည်။
" ဟို ဒီအတိုင်းပဲမေးကြည့်ရုံပါ။ မင်းမှာလည်း သဘောကျနေတဲ့သူ ရှိချင်ရှိနေမှာမလား။ "
Wang Yibo သူ့နားရွက်အဖျားတွေနီရဲလာပြီး Yang Chiဘက်လှည့်ကြည့်သည်။ Yang Chiက လက်ခါပြကာမသိတဲ့ပုံစံဖမ်းသည်။ Wang Yibo စကားအထစ်ထစ်နဲ့ပဲ Xiao Zhanမျက်နှာကိုမကြည့်ပဲပြောလိုက်သည်။
" ရှိတယ်ဆိုရင် Zhan Ge ဘာလုပ်မှာလဲ။ "
Xiao Zhan ဆက်ပြောမယ့်စကားကို စဉ်းစားနေရသည်။ Wang Yiboကို စနောက်လိုက်ပေမယ့် သူပြန်ပြောတဲ့အသံက တည်ငြိမ်နေသည်။ Yang Chiကိုကြည့်တော့လည်း မျက်ခုံးပင့်ပြသည်။
( ကိုယ့်စကားကိုယ်တာဝန်ယူ )
Xiao Zhan အာစေးထည့်ထားသလို တောင်ကြည့်မြောက်ကြည့်လုပ်နေပြီး Wang Yiboကလည်း မြေကြီးနဲ့ကောင်းကင်ကို တစ်လှည့်စီကြည့်နေသည်။
" ဟဲ့ ဒီနေ့အိမ်ပြန်ဖြစ်ဦးမှာလား။ "
Yang Chiက စိတ်မရှည်တော့တာကြောင့် လှမ်းအော်လိုက်သည်။ Wang Yibo မသိချင်ယောင်ဆောင်ပြီး Xiao Zhanဘေးကနေ ထွက်သွားသည်။ အပြန်လမ်းတစ်လျှောက်လုံး သူတို့စကားမပြောဖြစ်ကြတော့ဘူး။
-------------
ညဘက်ရောက်တော့ Xiao Zhan သီချင်းရေးတာလည်း ပြီးဆုံးသွားတာကြောင့် ပူလှောင်အိုက်စပ်တဲ့ အခန်းငယ်ထဲကနေ ထွက်လာခဲ့သည်။ ခြံဝင်းထဲက ကွပ်ပျစ်ပုံစံ စင်ငယ်လေးမှာ ဝင်ထိုင်လိုက်ပြီး ယပ်တောင်တဖျတ်ဖျတ်ခတ်နေလိုက်သည်။
" Zhan ge ... "
အသံကြားရုံနဲ့တင် Wang Yiboဆိုတာ Xiao Zhan သိနေသည်။ Wang Yiboက ဘောင်းဘီအတိုဝတ်ထားပြီး လက်ပြတ်အကျီဝတ်ထားသည်။ သူက အပူဒဏ်ကိုလုံးဝမခံနိုင်ဘူး။
STAI LEGGENDO
SUMMER DREAM - If I Love You , Would It Be Ok ?
Fanfiction" တစ်ခုသောနွေရာသီမှာ သူကျွန်တော့်ဘဝထဲကနေ ရုတ်တရက်ထွက်သွားခဲ့တယ်။ " ချစ်တတ်လွန်းခဲ့တဲ့ကောင်လေးတစ်ယောက် ချန်ထားရစ်ခဲ့တဲ့ ချစ်ခြင်းလက်ဆောင်။ " ကျွန်တော်အလိုချင်ဆုံးအရာက အကို့ရဲ့နှလုံးသားဆိုရင် စိတ်ဆိုးမှာလား။ " လမ်း...
