دلف زين للغرفه وخلفه سيف الذى وصل توتره اقصاه ...نظر زين لارجاء الغرفه ليجدها مُبعثره وبعض الثياب موضوعه على السرير والبعض الآخر على الارض نظر ل سيف بذهول
-ايه اللى انت عامله ف الاوضه دة؟
=(قال بعدما تنفس الصعداء وينظر حوله للبحث عنها ) اا ..مفيش كنت ااا اه كنت بظبط الاوضه ما انت عارف داليا جايه من السفر ولازم اظبطلها الاوضه .... الاوضة بقالها اربع سنين مقفوله من وقت ماسافرت مينفعش تيجى تلاقيها بترابها
-(قال بأستغرااب ) وانت كدة ظبطها ؟ دا انت بهدلتها اكتر
=هظبطها متقلقش ...(ثم قال لتغيير الموضوع ) انت اكلت ؟ انا جعان تعالى نروح نأكل (ثم اكمل وهو يحاول اخراجه من الغرفه ) يلا نروح نطلب اكل
-طيب والاوضه ؟
=هبقى اعملها بعدين ....يلا بقى
-(لفت نظر زين وجود صورة لفتاه على الكومود امسك بالصورة ونظر لها ) دى اختك ؟
=اه
-اول مره اشوفها ...غريبة انتوا مش شبه بعض خالص(ثم عاود النظر للصورة مره اخرى بتمعن )
=(قال وهو يسحب الصورة منه ) مش شرط الاخوات يكونوا شبه بعض (فتح الدرج ووضع الصورة بها ) يلا بينا
(خرجوا من الغرفه ومنها الى خارج الشقه ....اما هى كانت فى الدولاب مستخبية خوفا من ان يراها وسرعان ما ذهب خوفها بأختفاء اصواتهم علمت بذهابهم )
قالت لنفسها بذهول " غريبة هو ازاى معاه صورة داليا ؟ دى الشخصيه الوحيدة اللى منزلتش ليها صوره لحد الآن فى الرواية ولا رسمتها حتى "
(فى الخارج توقف سيف )
=اسبقنى انت وانا هجيب اللاب بتاعى واحصلك
-هو انت فيك ايه ؟
=فيا ايه ؟ ما انا كويس اهو
-لا انت مش كويس انت مخبى عليا حاجه ودة باين جدا من توترك
=لا انا مش متوتر ولا حاجه ومش مخبى حاجه ..يلا روح اطلب الاكل وانا هاجى
-ماشى يا سف هعديها بس مزاجى
(توجه الى الداخل للبحث عنها فى الغرفه )
-زينة ؟ زينة انتِ فين ؟
=(سمع صوت درفة الدولاب العلويه تُفتح وهى تنظر له من خلالها قالت بهمس) مشى؟
-(قال بذهول ) انتِ طلعتى فوق كدة ازاى ؟
=اعمل ايه كنت بدور على لبس على مقاسى الهدوم وقعت فوقى ولما حسيت انكم جايين
طلعت هنا واستخبيت
-(قال وه يمد لها يده ليساعدها على الهبوط ) طيب يلا انزلى
=(هبطت لاسفل ) اسفة على اللى عملته فى الاوضة
أنت تقرأ
حبيب من عالم آخر
Roman d'amourتغير الاسم من عالم بديل ل "حبيب من عالم آخر" -الرواية نفس فكرة W- two worlds لكن الأحداث مختلفة تـــمــــــامــــا هقول تانى الرواية مالهاش علاقة بالمسلسل غير فكرة الانتقال من عالم لاخر فقط *الحب الحقيقى لا يعرف المستحيل لا يفرق بين الاجناس والعق...
