نظرت أليه بتوتر أيعقل ان يكون قد سمع حديثها تقدم ناحيتها وهو مازال ينظر لها وينتظر ردها
زين : اتفضلى فهمينى معنى الكلام اللى قولتيه دا ايه ؟
-(قالت بأستنكار ) قولت ايه ؟ انا مقولتش حاجه
=لا قولتى ....قولتى ان دا كله خيالات ومتخليش عواطفك تأثر على مهمتك .......عواطف ايه اللى تقصديها دى اللى هتأثر على مهمتك ؟
-(قالت بتوتر هى تتهرب من نظراته المصوبه ناحيتها ) لا مفيش ..عواطف ايه اانا مقولتش عواطف
=لا قولتى وانا سمعتك (توقف للحظة ثم قال وهو يضع يده على فمه ويبتسم بخبث ) اوعى تقولى ....انتِ بتحبى ؟
-(قالت بتوتر وقد احمر وجهها ) ايه دة لا لا طبعا
=(قال وهو ينظر لها بتفص واكمل بخبث ) قوليلى مين قولى قولى ....صدقينى مش هقوله حاجه (قال بأبتسامه خبيثة ) هيثم صح ؟ انا شوفتكم النهارده وهو بيحطلك المرهم على دراعك (قال بغيظ لا يعلم سببه ) كان شكلكم زى الكابل واللى يشوفكم مايقولش لسه متعرفين على بعض من كام يوم
-لا انت فاهم الموضوع غلط ...مفيش حاجه بينى وبينه ولا بينى وبين اى حد
=(قال بعدما تهللت اساريره بالفرح ) بجد ؟ احسن
-هو ايه اللى احسن ؟
=لا متخديش فى بالك ..يلا كملى الاكل
-(قالت بعدم فهم )اوكى "الحمد لله انه مخدش باله ....وانا لازم أخد بالى ومتكلمش تانى بصوت عالى... المره دى ربنا سترها الله اعلم المره الجايه ايه ممكن يحصل
(تركها وتوجه الى الغرفة وبعدما قامت بأعداد الطعام توجهت اليه ووضعته على الطاوله امامه )
-اتفضل
=(كانت فى طريقها للخروج من الغرفة ولكنه وقفها )استنى
-نعم ؟
=هأكل ازاى وايدى اليمين متجبسة كدة ؟ اكلينى
-(قالت بنفاذ صبر ) حاضر
(امسكت بالملعقه وبدأت بتوجيهها ناحيته وبعدما وضعت الطعام فى فمه ولكنة كان ساخنا لدرجه انه لم يتمكن من ابتلاعه وظل ويفتح فمه لتبريده وبعد مدة قام بأبتلاعة ونظره لها بحدة)
=محدش قالك قبل كدة ان الاكل مفروض نبرده الاول قبل ما نقدمه لاى حد بدل ما نحرقله بوقه؟
-(قالت بأستنكار )انا اطبخلك واكلك وابردلك الاكل كمان ؟ وما أكل بدالك وخلاص ...ما انت عارف انى لسه عامله الاكل دلوقتى يعنى اكيد سخن ومابتبردش لنفسك ليه
= ما انتِ السبب فى كسر دراعى لولا انك وقعتى عليا مكنش زمانى بالحاله دى
-(قالت بأستنكار) والله؟وانا عملت كدة ليه ؟ مش كنت بنقذك ؟
أنت تقرأ
حبيب من عالم آخر
Romanceتغير الاسم من عالم بديل ل "حبيب من عالم آخر" -الرواية نفس فكرة W- two worlds لكن الأحداث مختلفة تـــمــــــامــــا هقول تانى الرواية مالهاش علاقة بالمسلسل غير فكرة الانتقال من عالم لاخر فقط *الحب الحقيقى لا يعرف المستحيل لا يفرق بين الاجناس والعق...
