نظروا بذهول لتلك الواقفه امامهم وتنظر لهم وعلى وجهها ابتسامه عذبه
ندى بذهول : ولاء ؟ انتِ جيتى هنا ازاى ؟وماقولتليش ليه انك جايه
ولاء بذهول: حبينا نعملهالك مفاجأه
-حبيتوا ؟ انتوا مين ؟ هو بابا وماما معاكى
=ايوا بس هما تحت هما وماما كمان معاهم هيحاسبوا السواق وهيجوا انا قولت اطلع الشنطة وهما هيطلعوا الباقى ...ازيك يا هيثم
هيثم بأبتسامه خفيفه : الحمد لله ...ادخلى وانا هروح اساعدهم فى تطليع باقى الشنط
(تركهم وتوجه لاسفل )
ندى : انتوا خلاص بيعتوا كل حاجه ؟
ولاء :اهاا (ثم اقتربت منها وقامت باحتضانها ) وحشااانى يا بت
ندى بأبتسامه حزينه : وانتِ كمان والله
(صعد الجميع وسلمت ندى عليهم وبمجرد ان رأت جدتها قامت بأحتضانها وبدأت فى البكاء وكأنها وجدت ضلتها اخيرا والاخرى تربط على شعرها بحنان )
الجدة :مالك يا حبيبتى بتعيطى ليه
ندى وهى تجفف دموعها بظهر يدها : مفيش اصلكوا كنتوا وحشينى قوى
الجدة بأبتسامه : ادينا جينا اهو ومش هنسيبك تانى ابدا
(تشبثت بها ندى وجلست بجوارها على الاريكه وهو بنفس الحاله تلك )
ناصر ل هيثم : معلش يابنى جينا فجأه كدة من غير ما نقولك بس ولاء هى اللى كانت عايزة تعملها مفاجأه ل ندى
هيثم :انتوا تيجوا فى اى وقت البيت بيتكم
ناصر : تسلم يابنى ربنا يكرمك ...انا بس ليا طلب
هيثم : اكيد اتفضل اطلب اى حاجه وانا تحت امرك
ناصر: الامر لله وحدة ....انا بس كنت عايزك تشوفلنا بيت يكون قريب منكم لاحسن احنا مش عارفين اى حاجه هنا
هيثم : حاضر من عيونى هكلم سمسار يشوفلكم شقه تكون فى مكان كويس
ناصر : وياريت بالمره تشوفلنا مكان نقعد فيه لحد ما تلاقى البيت نقعد فيه اليومين دول
هيثم :مكان ايه ...انتوا هتقعدوا هنا معانا البيت واسع وهيكفى الجميع
والدتة ندى : لا يابنى مينفعش مش عايزين نضايقك
هيثم : عيب يا امى تقولى الكلام دا انا مش ابنكم ولا ايه ؟
الام : واكتر والله
هيثم: خلاص يبقى هتقعدوا هنا
ندى :"لا انا عايزة امشى مش عايزة اقعد هنا انا"
الجده: تسلم يابنى هنتعبك معانااا
هيثم : مش تعب ولا حاجه انا عيونى ليكم
أنت تقرأ
حبيب من عالم آخر
Romanceتغير الاسم من عالم بديل ل "حبيب من عالم آخر" -الرواية نفس فكرة W- two worlds لكن الأحداث مختلفة تـــمــــــامــــا هقول تانى الرواية مالهاش علاقة بالمسلسل غير فكرة الانتقال من عالم لاخر فقط *الحب الحقيقى لا يعرف المستحيل لا يفرق بين الاجناس والعق...
