فى صالة التدريب كانوا الشباب مجتمعين لتصوير الفيديو الموسيقى للاغنيه بعدما قاموا بتصوير عدة لقطات للفيديو ...اخذوا استراحة لمدة ساعة
هيثم بعدما قام بتصوير الاعضاء من دون ملاحظتهم : انا هنزل الصور دى على حسابى
أيان : يابنى انت مش هتبطل تغفيلاتك دى
هيثم وهو ينظر للصور : طيب والله حلوة حتى بص فيها واقعيه وريأكشنات طبيعيه
أيان وهو يتفقد الصور : حلوة ...بس اعتقد زين مش هيحب شكلة
زين الملقى على الارض ومغمض العينين : هيثم صدقنى هقتلك لو نزلت الصورة
هيثم : هو انت شوفتها ؟ افرض كانت حلوة ؟
زين وهو ينظر له ومازال على نفس وضعيته : اكيد من هتعجبنى وانا مبهدل ونايم كدة وكلى عرق وقرف
هيثم وهو يتصنع البراءه : كان نفسى تقول الكلام دة قبل ما انزلها وتجيب 201 لايك
(بمجر ان انهى هيثم جملته تلك وصل ل زين اشعار)
"لقد قام صديقك هيثم بالاشاره أليك فى صورة " نهض زين من مكانه وركض خلف هيثم )
زين : والله ما هسيبك
هيثم وهو يحاول الهرب منه : ألحقونى
-محدش هيخلصك منى
هيثم وهو يختبئ خلف أيان : احمينى من المتوحش دة
أيام بضحك وهو يبتعد عن طريق زين ليتمكن الاخر بالامساك ب هيثم: والله تستاهل .. لان انت عارف انه مبيحبش الصور اللى زى دى
زين بعدما لف ذراعه حول رقبه هيثم وقام بالضغط عليه كعقاب له : انا مش قولتلك مليون مره تبطل الحركات دى مابتسمعش الكلام ليه هاا؟
هيثم بألم وهو يحاول التملص منه : سورى سورى مش هعمل كدة تانى بس سيبنى
مراد بأبتسامه : خلاص يازين سيبه الواد هيموت منك ...مش قدك دة
زين : هسيبه ألا لما يعتذر ويوعدنى انه مش هيعمل كدة تانى
هيثم :خلاص مش هعمل كدة تانى اوعى بقى
زين بعدما تركه : ايوا كدة ...ناس مابتجيش غير بالعين الحمرة
هيثم وهو يضع يده حول عنقه بألم : ايه كل دة دراع ؟ كام كيلو دة
مراد : البركة فى االجيم
هيثم : لو على كدة انا هروح أشترك فى الجيم من بكره هشيل حديد ومحدش فيكوا هيقدر يكلمنى
زين بسخريه : اه هتشيل نص كيلو ؟ انت نسيت اخر مرة جيت معايا ايه اللى حصل عملت نفسك ڤاندام وفضلت تجرب كل الاوزان وفى الاخر قعدت فى السرير اسبوعين تشتكى من وجع جسمك
أنت تقرأ
حبيب من عالم آخر
Roman d'amourتغير الاسم من عالم بديل ل "حبيب من عالم آخر" -الرواية نفس فكرة W- two worlds لكن الأحداث مختلفة تـــمــــــامــــا هقول تانى الرواية مالهاش علاقة بالمسلسل غير فكرة الانتقال من عالم لاخر فقط *الحب الحقيقى لا يعرف المستحيل لا يفرق بين الاجناس والعق...
