مازالت زينة واقفة تنظر لها بذهول تام لتتحرك الاخرى بأتجاهها بقلقل
-داليا وهى تهز يدها بخفة : انتِ كويسة! (لم تجب عليها لتكمل بقلق وهى تلوح أمامها ) انتِ سمعانى!! زينة!
=(تكلمت اخيرا) ه ه هو انتِ مين!
- انا داليا اخت سيف هو مقالكيش عنى ولا ايه!
=لا قالى بس...انتِ ازاى كدة
-كدة اللى هو ايه مش فاهمه !!
=(قالت بحيرة) كدة اللى هو انتِ تشبهى حد اعرفة
-(قالت الاخرى ببساطة) يخلق من الشبه اربعين
="دى فى الحياة الحقيقية الكلام دة لكن انتِ نسخة من داليا صاحبتى..نسخه حية واقفة قدامى ازاى دة ممكن يحصل "
-زينة!
=نعم
-(قالت بأبتسامة) كنت بتأكد بس انك لسة معانا هنا....انتِ بتسرحى كتير قوى
=معلش انا بس تعبانة من الشغل ف مش قادرة اقف اسفة
-ربنا يكون فى عونك....تمام تحبى ترتاحى هنا ولا الاوضة التانية !
= اى مكان دة بيتك
-وبيتك انتِ كمان...سيف قالى انك هتقعدى معانا هنا لفترة...واعتبرى البيت بيتك
=تسلمى..خلاص خليكى انتِ فى اوضتك وانا هروح أنام فى الاوضة التانيه
-تمام
=(قالت وهى تخرج من الغرفة بعدما اخذت بجامتها ) بكرة هبقى اخد باقى لبسى عشان مقلقكيش دلوقتى تلاقيكى تعبانة وعايزة ترتاحى.....يلا تصبحى على خير
-وانتِ بخير....تشرفت بمعرفتك
=وانا كمان
(تركتها وتوجهت الى الغرفة الاخرى ومازالت تحت أثر الصدمة)
"ازاى دة ممكن يحصل....الموضوع بداء يقلق وياخد اتجاهات مختلفة بس ماقداميش غير انى اكمل واقربهم من بعض دة الحل الوحيد لخروجى من هنا "
_______________________
استيقظ من نومة على صوت رنين هاتفة المتواصل
زين بتأفف : سيف اقفل الزفت دة عايز انام
سيف وهو يدلف للغرفة وبعدما علم هوية المتصل : لا ماليش دعوة ياعم دى مامتك ولو قفلت التلفون ممكن تقتلنى فيها قوم رد انت او اتصرف معاها
=(قال وهو يجلس على السرير يفرق عيناة بنعاس ) هى ساعة كام دلوقتى!
-10.30 (ثم اكمل وهو يعطية الهاتف) خد
=(قال بتثاقل) انا نمت كتير قوى ...تفتكر المرة دى هتشتمنى الاول ولا هتسألنى عن احوالى الاول!
-على حسب مزاجها 😂رد وربنا معاك بقى...هروح احضرلك الفطار على ما تتهزق وتيجى..قصدى على ما تخلص وتيجى
أنت تقرأ
حبيب من عالم آخر
Romansaتغير الاسم من عالم بديل ل "حبيب من عالم آخر" -الرواية نفس فكرة W- two worlds لكن الأحداث مختلفة تـــمــــــامــــا هقول تانى الرواية مالهاش علاقة بالمسلسل غير فكرة الانتقال من عالم لاخر فقط *الحب الحقيقى لا يعرف المستحيل لا يفرق بين الاجناس والعق...
