احتواء

البارت الثاني عشر

#احتواء
#البارت_12
#الكاتبه // Rehab //

مساء العنبر 🕊️🍃

سماهر : صدت عيني بعينه
هو ابتسم وبانت اسنانه المثل اللؤلؤ
تخردلت ع ضحكته الهادئه
ضربتني سما بأيدي
وهمست
سما : شبيج عيونج اكلن الاستاذ

نصيت خجلانه من نفسي
شديصير وياج سماهر
عرفنه ع نفسه وبده يشرح اول محاضره
طول المحاضره مااجرأت اخلي عيني بعينه
مرة ثانيه !
كمل المحاضره وطلع
گدرت اخذ نفس
اندارت عليه سما تباوعلي بنظرات كلها شك

سماهر : ياالله شنو هالنظرات

سما : ست سماهر تعرفين استاذ ثامر ؟

اتلبكت ماادري ليش
اخذت السير مال الجنطه والعب بي
مااعرف ليش اتوترت
مع اني ماعندي شي وياه
وهاي اول مرة التقي بي
بس نظراتها وسؤالها خربط حالي
سماهر : لا منين اعرفه

سما : اممم لعد ابتسامته اول مادخل شنو ونظراته الي ماابتعدت عنج كل شويه ويلتفت عليج

سماهر : الله عليج صدك

سما : والله بس غير انت منصيه راسج وماشفتي

انداريت عنها افكر بكلامها
ليش يباوعلي هواي ؟
شنو قصته استاذ ثامر
لو لان طلاب جدد ومرحلى اولى هيج يتعامل ويانه
بس سما گالت بس انت كل شويه ومندار عليج
واخر شي قبل لايطلع
هم رفع راسه اخذ نظره اخيره عليج وطلع

سما : گومي سماهر خلينه نطلع للكافتريا جوعانه ممتريگه وكافي تفكرين بي احتمال ماكو شي

سماهر : افكر بمنو ؟

سما : استاذ ثامر شنو نسيتي

نبهتني اني صدگ ليش افكر بي ومهتمه هالگد
شبيج سماهر شنو بسرعه نسيتي عادل
وصرتي تفكرين بغيره !

طلعنه اشترينه لفات ورجعنه نسولف ونضحك
ضحكت سما ورفعتلي حاجبها
سما : شوفي منو گدامنا

التفتت وجان اشوفه جاي بأتجاهنا
نصيت وهمست
سماهر : امشي ولاتضحكين هسه يگول ذني شافني وضحكن

سما : لج عيب وين نمشي وهو وصل يمنه فشله

ثواني وصارت رجليه گدام عيوني
جنت منصيه راسي واباوع لحذائه السوده
والبنطلون الاسود يلمع لمع

ثامر : شلونجن بنات

سما : الحمدلله استاذ

ثامر : ذكرني بأسمائجن نسيت انتوا طلاب هواي صعب عليه احفظ من غير طلاب المرحله الثالثه هم اخذهم

سما : اني سما وهذي صديقتي سماهر

ثامر : التفتت عليها وشبه ابتسامه جانبيه
لاحت ع وجناتي
وبهمس گلت
سماهر اسم حلو
من ذكرت اسمها هي رفعت راسها
الخجل الي بوجهه
والخدود المليانه والي اتحولت للاحمرار
كزبر جسمي عليها
مااعرف ليش هاي البنيه بالذات
من اول مرة شفتها صارت عندي رغبه بداخلي اتمنى اشوفها مرة ثانيه
عيونها التائهه والمليانه حزن
شلن عقلي
وتشتت تفكيري !