احتواء

البارت عشرون

#احتواء
#البارت_20
#الكاتبه /// Rehab ///

مساء الورد 🥀🍃

…………………

سدن : سماهر الحلم معناه عادل ديبلغج خلص شوفي نصيبج انت مو اليه ونصيبج لثامر من هيج شفتي ديأشر ناحيه ثامر وبعدها ودعاج بنظره حزن وسعاده رغم فرحه لزواجج بس حزين لان انت مو نصيبه حلم عمره جنتي وراح من ايده 

 سماهر : گلبي ماينطيني احس بنغزه كل مااذكر عادل واتخيل اصير لثامر ماانكر اني عندي مشاعر جديده لاستاذ ثامر افتقده واشتاقله بس كل مااذكر عادل ماادري شيصير بيه احس مو بسهوله اصير لغيره واعيش حياتي

تركت الي بيدي من شغل
واجيت يمها حضنتها وامسح بدموعها الي نزلت بدون سابق انذار
سماهر الي تفرفش وتضحك اغلب الوقت
بس من راح عادل انكسرت !
واخذ كلشي حلو بحياتها
ماادري اذا ثامر يگدر يرجع ضحكتها الحلوه مثل قبل
بدون دموع !
بدون حزن وقهر !
ضحكه كلها شغف واصرار للحياه
روحها المرحه الي جانت تمتلكها
كلها انسلبت منها
مثل ماالموت سلب روحه لروحها

سدن : شوفي گلبي انطيج نصيحه بزواجي من ليث جنت متردده كلش وبيني وبين الرفض شعره وحده بساعتها فرشت سجادتي وصليت الاستخاره وطلبت من ربي اذا بي خير وصالح يخلي لساني ينطق كلمه الموافقه واذا لا الله من يمه يخليني ارفض فهسه انت صلي وربج يفرجها

سماهر : ونعم بالله
يلا سدون شوفي الدجاج من يمج لايحترگ وامج تخبص الدنيا علينه واحنه گاعدين ونسولف بيناتنا
ضحكنه وصدك ثواني واجت ماما

وبدت تعيط وتعض بأديها وتحجي بهمس
الاكل راح يحترگ وانتن تسطرن سوالف ادري ماتملن بس تتگابلن تكركن وماكو وكل خير مابيجن
سكتنا ولازمتنه الضحكه
عاضه ع شفتي احاول اكتم ضحكتي لان ادري بماما بس اضحك وروح جدي بالجفجير الي بيدها وتتولاني وين اليوجعني

بقوا سدن وليث للعصر وراحوا ماگدرت تبقى هواي البيت مابي احد بس بتول ورجلها يريدها
وهي باقيه يم امها الي ماگدرت تجي
بسبب مرضها ماتگدر تطلع هواي

اذن المغرب رحت توضيت واتوجهت لربي
ادري ماعندي غيره التجئ اله بهيج وقت
يحل سالفتي وحيرتي
صليت المغرب وكملت واتذكرت الي گالته سدن
گمت بنيه خشوع وبديت اصلي
وطلبته بنيه صادقه وصافيه يهدي امري
ويسهل كل صعب !
ويريح بالي وگلبي !

اجه يوم الاحد وشلت هم شكبره شلون اگدر اشوفه بعد مااتقدم اليه
والله اخجل تصد عيني بعينه بعد
زين واذا سألني ع قراري
يمه عزززه اي والله والنبي اعوفه واشرد شني بكيفه يسألني مو عيب
هو اني مناقصه تفكير ودوخه راس
انوب اجي افكر بشوفته اليوم وتعال شسوي وشتصرف

بدلت ورحت لدوامي
وكل خططي الي خططتها وافكر بيها
اليوم مااخلي يشوفني لو يضرب راسه بالحايط ، لا خطيه ليش احجي عليه اخاف تالي يدخل مستشفى ويصير شي براسه وابتلي
يححح تالي عمري اخذ واحد عقله مضروب واخاف يتخبل عليه ويصير براسي رجال 😬