احتواء

البارت الثاني والعشرون

#احتواء
#البارت_22
#الكاتبه /// Rehab ///

مساء العسل 🍯🍯

#بارت_التعويض
................................

يجرفني الشوق
للإختباء بين ثنايا قلبك
والغوص في دفء عينيك
فتغمرني دموع الفرح الساخنة
فارتمي على صدرك باكيا
فمن فرط شوقي إليك
أريد إيقاضك من بين أضلع الحنين
وأشم راائحة عطرك الممزوجة
براائحة أنفاسك
فأنا رجل لم يسعه  وطن
إلا بين أحضانك

سدن : انخمش گلبي وانقبض
دموعي ضلن وحدهن يصبن
زين اني شعليه ويحجي عليه والله موقصدي اتركها بس جنت ملتهيه قابل اكرهه وعندي شي وياها
شو اعزها اكثر من روحي
واحبها اغلى من ابني الراح

اجت عمتي تمشي ع عكازتها
بقت تحجي ع ليث ابد ماتحب طبعه عصبيته المفرطه كلش تضوج منها
تركتها تسبح وتستغفر ورحت اكمل الطبخ الي تركته ع النص
وين يلا اجوا شايلها وتضحك وبيده علاگه حلويات ولعبه وهي بيدها جبس تاكل
بس شافتني شمرت روحها عليه وتنطيني جبس وياها تريد توكلني بيدها فدوه لگلبها

باوعلي ونصه يدري بروحه غلطان
ابد ماحجيت وياه ولا عاتبته
اخذت عقيله من ايده وهو راح لغرفه عمتي
دخل يمها واسمعه يگلها مابيها شي بس لان الوگعه صايره ع ايدها فرفحت بالبجي
گعدت بالصاله واسمعه من يحجي ويه امه
يحجي بتعب ويتنهد

_ يمه ليش ويه البنيه ترى مامقصره ويه بنتك ومداريتها بماي العين هاي جزاتها وهي من اجت ليهسه تفتر وتشتغل وتركتها شويه بس اجتني صحت عليها ومانسمع غير صوت عقيله وهي تصرخ

اتنهد ومسح وجهه بكفوف اديه
كلشي بي متعبه
بس طبعه مايحجي يخلي التعب ياكل روحه ومايحجي
ليث : ماادري يمه من شفتها تبجي انعميت وعطت بيها عبالي عقيله متأذيه وتروح مني مثل امها

_ شني هالحجي يمه لاتذكر مرتك بعد هالمره حجيتها گدامي بعد لاتعيدها انت هسه اتزوجت راعي مشاعر مرتك واحاسيسها شنو ذنبها وهي تشوفك بعدك عايش بأوهام الماضي وحياته وهي تاركها ع الهامش

ليث : مو بيدي ورب العزه كلشي داسوي حتى مااخليها تحس ان هي مجرد زوجه وبس بالعكس مامقصر وياها بشي واسأليها

_ والتقصير عبالك بس من ناحيه فلوس وملابس ، لا يمه غلطان اذا هيج فاهم التقصير بأهتمام بحب بنظره حنونه تشيل كل الحزن الي بگلبها

ليث : داسوي مثل ماگلتي واضغط ع نفسي هواي في سبيل ماتحس اني بعدني ليهسه احب زوجتي الله يرحمها

_ ومنو گالك لاتحبها هاي هم عشت وياها عشره عمر وع الحلوه والمره بس لاتنسى هسه سدن مرتك يعني من واجبك تنطيها كل الحب والمراعاه والاهتمام

ليث : داجبر نفسي والله

_ ليش تجبر نفسك يمه هاي مو حياه بيها جبر الحياه الزوجيه مو هيج ، لاتخسرها يمه انتبه لتصرفاتك وهالحجي گلته اليه لاتخليها تحس بي او تسمعه ساعتها تتندم لان فرطت بجوهره مثل مرتك