احتواء

البارت الرابع عشر

#احتواء
#البارت_14
#الكاتبه /// Rehab ///

مساء الهيل 🕊️🍃

كانت قبل أن تراه:
حائرةً..
تنظرُ في أنينٍ صامتٍ نحو الفراغِ الأبدي..
نظراتٌ شاردةٌ تُخفي خَلفها إعصارًا من الخوف.. خوف الفراق.. خوف الابتعاد..
خوف الفراغ..
خوف اللاشيء..

سدن : دخلت عليه سماهر للغرفه
راجع من الدوام
واني گاعده وماخذتها صفنه
وكلام بتول يرن بأذني
شلون يربي شسوي
دخيلك ساعدني !
وانتشل الحيره مني واهديني

سماهر : وين صافنه سلمت ماتجاوبين منو الشاغل بالك ياحلو
ضحكت وغمزتلي

سدن : محد شاغل بالي

سماهر : اممم احاول اصدك بس عقلي الشيطاني رافض مايقنع

سدن : شلون بعقلج اليشطح وحده ويضل يحلل ويجيب ويودي بالافكار الغريبه والعجيبه

سماهر : هههههه احجيلي حتى ابطل تفكير

سدن : باوعتلها بنظرات حايره
تنهدت بضيق
ورميت القنبله الي صدمتني قبل لاتصدمها
بتول تريدني لاخوها

فتحت عيونها ع وسعهن مصدومه !
شنوووو لا بربج
اي والله
شمرت الشال ع سريرها
وتركت كلشي بيدها واجت گعدت يمي
اقره اثر الصدمه بعيونها

بلعت ريگ
سدن : تحجي وحدها مو اصلا اني رفضت

سماهر : لييييش

سدن : وجع اذاني شبيج تصيحين لايسمعون اهلي

سماهر : سدن فهميني ليش رفضتي بربج من كل عقلج وحتى قبل لاتفكرين وتنطين لنفسج فرصه للتفكير

تركتها وگمت متضايقه
فتحت الكنتور اخذ تراكسود البسه
اجت وراي وگفت
اخذت الملابس من ايدي ضايجه
سماهر : مو داحجي وياج لاتسوين نفسج مشغوله وماتردين تحجي لان تعرفين بنفسج غلطانه من رفضتيها بهالسرعه

سدن : اهووو لاتخليني اتندم حجيت تعرفين بيه جربت الزواج بعد شكو اكرر التجربه مرة ثانيه قابل شراح يتغير نفس الشي

سماهر : والله عقلج بي شي احلف عنج

سدن : سماهر الولد اني اعرفه جان يحب زوجته ومن ماتت اتكأب كلش وانغلق ع نفسه فتره وين يلا رجع وصار زين ليش اورط روحي بعلاقه فاشله من بدايتها وادري بروحي راح اتأذئ واعاني مرة ثانيه وربي الي مر عليه جعل قابليتي ماتتحمل اكثر

سماهر : زين ليش ماتگولين تگدرين ترجعينه لاهله ونفسيته وتشيلين الحزن من گلبه وحياته واني الي اعرفه عائلتها كلش زينه والكل يحمد بيهم واذا نجي نقارن بينه وبين جمال اصلا عيب علينه نقارن بينهم هذا الثرى وذاك الثريا

سدن : اممم ماعرفتج متحدثه هالشكل دتصدميني اكثر من بتول وطلبها شنو هاي يابه ع كيفكم وياي