احتواء

البارت التاسع عشر

#احتواء
#البارت_19
#الكاتبه /// Rehab ///

مساء الهيل 🕊️🥀

ستبقى دائماً وابداً ؛
الجزء الاجمل في حياتي🧡.....

سماهر : بقيت مسطوره افكر بكلشي صار
وكل حجيها يدور براسي ويرن رن
اتلفتت وعيون الطلاب بعدها ناحيتي
والف سؤال وسؤال يدور بمخيلتهم
ادري بيهم يگولون شعدها ويه استاذ ثامر
وليش اخته هاي اجت ومسحت بيها الگاع بحجيها
مابقت قطره دم بوجهي
تمنيت الگاع تنشگ وتبلعني ولا اتفشل من وره وحده حقيره ماتعرف الادب والاخلاق

سما سحبتني وطلعتني بره الكليه
اخذتني للكافتريا جنت امشي بدون وعي
مثل الروبوت سما تحركني منا وترجعني منا
گعدتني وتباوعلي بقلق وخوف
تحجي ومااجاوبها ماادري شبيه
فصلت عن الدنيا بس حجي رغد يرن بأذني
راحت شويه ورجعت بيدها بطل مي وعصير
سما : سماهر سماهر اخذي حبيبتي اشربي مي شوفي وجهج انگلب لونه حبيبتي لاتخوفيني عليج

همست
سماهر : مابيه شي سما
اخذت علبه المي منها وشربتها كلها ماادري بروحي شسوي
اريد بس اطفي نار گلبي
وتبرد روحي الموجره مثل النار

گاعدين دنسولف وشويه واجت بنيه گالت سماهر يريدج استاذ ثامر دز عليج ضروري لمكتبه
باوعتلي سما قلقانه
وهمست
سما : شعنده بعد شيريد

هزيت اكتافي ماادري
ومااهتميت بقيت گاعده بمكاني مااتحركت
رجعت سما گالت
شو مارحتي مايصير سماهر هذا استاذ واخاف يعتبرها اهانه اله ويصير شي مامتوقعينه او يعاديج بالمواد وبعد شيخلصج

سماهر : والي سوته اخته مو اهانه

سما : وهو شعليه قابل هو حجه روحي گلبي وشوفي شعنده بس لاتبينين كلام اخته هزاج او أثر عليج تمام گلبي

تأفأفت وگمت متململه
لو بيدي احطه هو واخته واخنگه واخلص منين طلعلي ثامر وانوب اخته
مو كافي هو خربط افكاري وشغل بالي
تجيني اخته هسه
امشي واحجي عليه مابقيت ولاسبه ولاشتمه ماحجيتها كل هذا ومابردت ناري

وصلته لمكتبه وكفت اخذت نفس قوي
اريد بس اهدأ اعصابي الفايره
ترددت اكثر من مره اروح لو لا
اخرها حسمت امري ودگيت الباب
سمعت صوته بنبرته الهادئه وهو يگلي اتفضلي سماهر

فتحت الباب ودخلت تاركه الباب مفتوح وراي
رفع راسه من حس بوجودي
جان منصي ع الاوراق
نزع مناظره وخلاهن ع الميز الگدامه
تنهد وهو يباوع لملامح وجهي يريد يقره عيوني
نصيت خجلانه
لليوم مااگدر احط عيني بعينه اخجل من نظراته اليه

ثامر : سماهر استدعيتج هنا اريد اعتذر منج ع الكلام الي بدر من اختي ثقي مااعرف بيها جايه الا من اتصلت مرة ابوي وبلغتني واني جنت قريب من الكليه بس مااعرف اذا وصلت من وقت او لا