احتواء

البارت الحادي عشر

#احتواء
#البارت_11
#الكاتبه /// Rehab ///

مساء الهيل 🕊️

سدن : اجوا اهلي يركضون ع صوتي
الالم احسه ذبحني
وجع قوي كلش
حسيت روحي تريد تطلع
الموت شفته بعيوني
واني اتلوه واعيط ولازمه بطني
ماما وبابا انخبصوا بيه
ركض زاهر شغل السياره واجه اخذني
وماما اجت وياه وتبجي وياي

_ سوده بوجهي ولج يمه بس لا طلوگ هاي الامها ادري بيها بس بعدج توج بالثامن گدامج شهر

سدن : لزمت ايدها ابوس بيها
اريدها تشيل الالم عني
خوفي ع ابني زاد حالتي سوء
وكلام ماما خوفني اكثر
خايفه لا اخسره بعد ماخسرت روحي بزواجي
اخذت الطريق كله احجي ع جمال
مابقيت لا حجايه ولا غلطه ماحجيتها
تمنيت الوجع بي
وارجع شويه واريده يمي واتمناه يحضر
حتى لو مجان عندي حب تجاهه
بس جانت اكو موده وعشره بيناتنا
ويبقى رجلي رغم كلشي

امي ماخلت ولا ايه ولا دعاء تسهيل الولاده ماقرته
وصلنه للمستشفى وگبل اخذوني الممرضات
توليد مباشر لان عندي ولاده حالا
ودعت امي بدموع
توسلت بيها تدخل وياي ماقبلت الدكتوره
_ روحي يمه اني هنا انتظرج مايصير ادخل ممنوع

دخلت لغرفه الولاده
انصدمت بيها
اسره هواي وكل سرير بي وحده حامل
الي بعدها ماعدها توسع وتنتظر
والي حددولها بعد ساعه تولد
ووو وكومه نسوان
ولادتي كانت سريعه
جنت فرحانه بشوفه ابني من بعيد
واخطط وافكر شلون يصير سندي
بس ياريت !!
لو جانت احلامنا تتحقق
دائما الاقدار تعكس ويانه
وتراوينه شغلات مامخططين الها ولا مفكرين بيها

اجت ماما دخلت عليه
بدلت ملابسي ومسحت وجهي العركان
سدن : ماما وين ابني

_ يلا امي ساعديني اگومج اخوج ينتظرنه بره

سدن : ماما احجي وياج ابني وين

بنبره حزن
ونظرات كلها الم وقهر
_ تعبان ياامي لازم يبقى بالمستشفى

سدن : شبي الله يخليج احجي الحقيقه

_ كافي حبيبتي لا تأذيني اكثر الي كاتبه ربج يصير وانت قويه ومؤمنه

سدن : لعد مااروح ابقى هنا ويه ابني مستحيل اتركه وحده بعده توه عمره يوم واحد ويستاحش وحده اني امه شلون ترديني اتركه لحاله واني ارجع ارتاح

طلعت وماما ساندتني
بلگوه امشي
تعب الولاده اخذ كل حيلي
وزادها قلقي ع ابني
حبيبي الي انتظرته وصبرت رغم كل الوجع والقهر الي شفته يم عيالي
جان سلوتي الوحيده !
وجنت اخذ ساعات طويله احجي وياه
واشكيله كلشي يصير وياي
وهسه اول مااجه للدنيا !
بعده مشايف حتى ضوه الشمس

اجاني زاهر مقهور ع حالتي
دموعي تهل ع خدي بغزاره
سدن : زاهر اتصل ع جمال گله ابنك مريض