احتواء

البارت العاشر

#احتواء
#البارت_10
#الكاتبه /// Rehab ///

مساء التفاعل 😂🌚

سدن :  من عرفت نفسي حامل
عمتي قللت من الضغط عليه وصارت تهتم بيه
مااگول هواي بس احسن من قبل
وحتى شغل قللت عني
واخذت جزء منه
ورجعت تقوى تشتغل الي گلبت الدنيا علينه
شنو اشتغل
وكل وحده حامل تبطل ماتشتغل معناها محد يزوج وهاي عياره منها
ومن غير السب والغلط الي تقابلني بي
وبحجه دوام ومدارس مااگوم اشتغل وانظف
الا ان بيوم طگت مرارتي

سدن : اگلج كافي تلغين زايد صدعتي راسي بس تلغين ددددكااافي شتردين قابل ماخذيني خدامه بس اشتغل ويطبني ستين مرض شبببيج بس فهميني شبيج وياي من اول مااجيت وانت بس تتعاركين وتخلقين مشاكل من جوه الگاع وشگال الشغل وشحجه الشغل دككككافي من خرره بهيج عيشه تنقص العمر وياااج

تقوى : ياادبسززز اهلج مايعرفون يربونج ماعلموج شلون تحجين ويه حماتج تفوو عليج واي انت خدامه وغصبنا ماعليج رضيتي وان مارضيتي

سدن : والله انت القليله ادب وتربايه مو اني واياج تحجين ع اهلي لا قسم بالله اطلعلج وجهي الثاني وامددج هنا بالگاع بنص البيت وارفس ابطنج بس تتعايرين علينه ودراسه ودراسه وانت جذابه تقشمرين علينه بس مگابله الموبايل وراسج بي 24 ساعه لا ادگولين سادس وتدرس مثل باقي البنات الي طالعه من المدرسه وگاعده ببيوتها تدرس من اسبوع بس انت يوميه تجذبين علينه والله اعلم وين ترحين 

تقوى : طااااايحه الحظ تعاي اني اعلمج

وجان تجي تجرني من شعري وتملش بي بكل قوتها
وتسب وتغلط
ماجده تصرخ علينه وتفاكك وماتگدر لاختها
هي ضخمه وقويه حيل
وحاطتني بيدها وتملش بشعري
ادفع بيها ولا تتركني
خايفه ع ابني وايدي مخليتها ع بطني
والثانيه ادفعها لو اضربها
عضيتها بزندها صرخت بصوت عالي
وزادت بالغلط والشتايم

صوتنا وصراخنا وصل لسابع جار
اجانه صوت عمتي يرعد من بره
هي جانت طالعه يم جيرانها تسير عليهم
دخلت وبيدها النعال شايلته

واجت ع تقوى دگ ع ظهرها
لاحني كم ضربه بي
اني منا اتوجع من وره هاي الحقيره تقوى
ومنا كملتها عمتي عليه بنعالها
بس والله حيل توجع ضربته

بعدتنا عن بعض
وكل وحده بينه عبالك طالعه من مصارعه
خو شعري حدث ولا حرج
باوعت نصه بالگاع
من غير الي بقى بيدها
اثار خراميش ايدها معلمه ع خدي ورگبتي

تقوى : شببيييج وياااي انت امي لو امها هي حقيره طولت لسانها وياي وتگلي مامتربايه

باوعتلي عمتي بغضب
وعيونها تجدح شرار الغضب
جانت بلگوه تجر النفس وتلهث
تعبانه والنعال بعده لازمته
تحسبآ اخاف تحتاجه مرة ثانيه حتى لو وحده من عدنا بعيده بس تقنص عليها يجي فيت بيها عدل