احتواء

البارت الرابع

#احتواء
#البارت_4
#الكاتبه /// Rehab /// 

مساء الهيل 🕊️

سدن : صافنه ومركزه بأدق تفاصيله
البدله البيجي
تسريحه شعره المرفوعه ليفوگ
ضحكته التارسه ثغره
والحواجب الثخان والمقوسه
نسيت روحي وحتى المكان الواگفه بي
ماحسيت غير ع صوت زاهر
يهمس بعصبيه وصاك ع اسنانه بغضب

_ دخلي ليجوه فضحتينا شتصخمين واگفه گدام الولد

طبگت الباب بوجهه وارجف من الخوف
خوف ع فشله
ماعرفت شصارلي
شافتني خالتي ام عادل

_ شبيج خاله سدن وجهج مخطوف لونه

سدن : ها خاله ماكو شي

ام عادل : وعادل وين مو دزيتج عليه

سدن : ها ماادري

احجي وارجف وعيوني تتلفت منا ومنا
ام عادل : شبيج خاله قلقتيني

سدن : ماكو شي ماكو شي

تركتها ومشيت رجعت گعدت يم سماهر
واحاول اخفي قلقي وتوتري
واني ادري زاهر اليوم مايفوتها والله يستر
لهناك واتذكرت عيونه
وانرسمت ع وجهي ابتسامه طفيفه
موجود اليوم بخطوبه عادل
معناها يعرف الولد كلش زين

صار عندي امل قليل ان ممكن اشوفه مرة ثانيه
او حتى يكون من نصيبي
لحظه سدن بشنو دتفكرين عقلج وين اخذج
الظاهر احلامج ورديه
وعايشه بالخيال هواي
هو وين يعرفج او شايفج حتى تخلين عندج امل
ممكن يكون متزوج او حتى خاطب
وانتي دتفكرين بي
رجع اتعكر مزاجي مرة ثانيه
وضجت اكثر
صاحتني حنان اجي وياهن ارگص
اشرتلها بأيدي رافضه مالي مزاج كلش
حتى الفرحه بخطوبه اختي راحت
اجت جرتني من ايدي
وگومتني غصب عني اشارك وياهن 
ركصنا شويه وصاحوا عادل حيدخل
ركضنه لداخل الغرفه نحط شال ع روسنا وطلعنا

سماهر :
دخل عادل رفعت عيوني اتأمله
طالع هيبه بالقاط
لحيته محددها ومرتبها
لايگه ع شكله
وزايدته رجوله ووسامه
عيونه كلها فرح
والابتسامه شاگه حلگه
من دخل لحد ماوگف يمي نظراته ولا نزلت عني
كلها انبهار وتعجب

باسني بكصتي ودنگ همس بأذني
عادل : حالف اذا تصيرين اليه اسويها گدام الكل ومايهمني احد
رفعت عيوني اله مستغربه
عن شنو يحجي
بعدني دافكر ومااحس غير شفته تلثم شفايفي المنفرجه

فتحت عيوني ع وسعهن مصدومه
ومااسمع غير الهلاهل واصوات البنات تتعالى
وااااااو اوووو عااادل
وتصفيقهن وسط ضحكات النسوان الكبار
من خالاتي وعماتي وامي
ابتعد عني مغمض عيوني
ويجر النفس ثكيل

خدودي صارت طماطه حمره من الخجل والفشله
نزلت راسي خجلانه
واسمعه يداهر ويه خالتي ويضحك
خله ايده ع اكتافي العاريه
وضمني اله حيل
حسيت عظامي اتكسرت