احتواء

البارت الثامن عشر

#احتواء
#البارت_18
#الكاتبه // Rehab //

مساء الفل 🕊️🥀

سدن : راح سبح ورجع اخذ وقت طويل بالحمام
رجع منصي وعاگد حاجبه
ماحجه كلمه وحده
تركته وگمت مكسوره الخاطر
دموعي نشف كثر مابجت هواي
وحتى البجي شراح يفيد
قابل يغير قدري !
لو يريح گلبي المتوجع
حياتي كلها خلصت بجي ومافاد
لا اتغيرت حياتي للاحسن !
ولا لگيت حل فادني !
قررت اعيش لنفسي
مااهتم لاحد
حتى لو ادوس ع گلبي ماكو شي عاد يهمني
اذا يريدني يگدر يوصل لگلبي بسهوله
مثل مااني اعشقه
وگدر يستحوذ ع عقلي وگلبي

دخلت سبحت ماذرفت ولا دمعه
ماعاد الدمع يفيد بشي
ولا يغير حالي
بس داخلي بركان مشتعل
مااعرف ع ياساعه انفجر
حسيت اختنگت
وبده يضيق نفسي
لزمت ايدي وخليتها ع صدري
واردد بسوره الانشراح
ليش اني الوحيده الي اعاني
من كل شي
متضايقه من نفسي
جلبت ع نفسي كل الويلات
اعاني من نفسي
اعاني من اتزان قامتي
واضطراب داخلي
ومن تفكيري في الشيء واللاشيء

طرقات خفيفه صارت ع باب الحمام
وهمس ليث
بنبره متضايقه
سدن بيج شي افتحي الباب

جليت صوتي وحاولت ابين اله اني ماهزني
رغم كلشي بيه يأذيني
حتى دموعي الحارقه الي كاتمتها
مابيه شي كملت بس البس

سكت هو بس اسمع انفاسه المتضاربه
كملت لبست ملابسي وطلعت
احاول ابين مااذاني
رغم گلبي مجروح وينزف
لگيته متمدد وصافن ماادري بشنو يفكر
شافني ارتجى واتغيرت ملامحه
الخوف بعيونه
قريته مثل ماگدرت اقره الندم والاعتذار
اخذت فراش ومخده وشمرتهن بالگاع
القوه الي امتلكتها ماادري منين اخذتها
اتمددت وغطيت راسي

تاركته صافن ومنصدم
من تصرفي وعدم اهتمامي
جان متصور انهار واعاتب
لو أذي نفسي
تركته بدوامه افكاره
والندم ياكله اكل !

ماگدرت انام رغم شگد حاولت
النوم انسلب مني
وبقيت افكر شسوي
ماادري شلون اگدر اتحمل بعد اكثر
أتمنى لو بأمكاني إتلاف كل شي حدث بيننا
ونعود إلى الوراء ؛ إلى ماقبل اللقاء ولا نلتقي ...
لكن ماحصل قد حصل
اصبحت انت مجرد ثغرة مؤلمة بحياتي
ولا استطع المضي قدما
سترافقني طوال حياتي وذكراك مجرد الم
اتجاهلك لانك كنت السبب
سامضي دون الاكتراث لك ربما...
ولكن كيف لمشاعر قلبي ان اتجاهلها
انا حقا متأسفة لـ نفسي عن كُل مرة تلهفت بها لحبك ،
ولكن خاب ظني بـ كسرة نفس عظيمة

ثاني يوم گعدت بعد وقت طويل اخذته يلا گدرت اغفى مده قليله
باوعت بالفراش مالگيته
گمت لميت فراشي وعدلت شعري التاركته مفلول
لبست گلبيه بيضه وسمعت الباب اندگ
جليت صوتي واحاول ابين ع طبيعتي
سدن : اتفضل

انفتح الباب ودخلت بتول والضحكه تارسه وجها
بتول : صباح العسل ياعسل

سدن : صباحوو حبي