احتواء

البارت واحد وعشرون

#احتواء
#البارت_21
#الكاتبه /// Rehab ///

مساء الهيل 🕊️🍃

دگ تلفون بابا
انخمش گلبي وحسيت اكو شي موزين صاير
_ الحگ عمي ابنك مسوي حادث

بابا انخبص وحسيت بي حيله راح كله
وماما گعدت ادگ وتلطم
دموعي مانشفت واني احس اني السبب بكلشي ديصير
طلع رقم ليث واشوفه يحجي وياه بحزن
وگعد ينتظر ومنصي راسه

_ ماتروحله اخذني وياك اريد اشوف ابني ابني راح يروح مني كله من وراكم

عاط بيها بابا سكتت
بس تبجي فرفحت
شويه واجه ليث بسيارته وراح هو وبابا للمستشفى
وسدن اجت ويه ليث گعدت اتهدي بماما المنتهيه بالبجي
وهي تحاول تسيطر ع روحها ماتريد تكون ضعيفه گدام ماما وهي محتاجتها

اجيت گعدت يمها احتاجيت احضنها
ماادري ليش اجاني هذا الشعور
لزمتها وهي نترت ايدي
باوعتلها بعيون مدمعه وحزينه
شبيدي ياامي ماعليه والله مالي دخل ليش تقسين وياي

خزرتني ونترت بعصبيه
فززت شكو جروح بگلبي
_ لو ماانت وخطوبتج ماصار بأخوج شي هسه اتعارك ويه مرته بسببج ووگع بيها تالي

تحجي بحرگه گلب
ودموع مانشفت اول مرة اشوفها قاسيه
ابتعدت عنها شويه
دارت وجهه عني وتبجي
وتگول لسدن خابري ابوج شوفي اخوج شبي 

سدن : اهدي ماما ضغطج موزين عليج لاتتخربطين علينه وسماهر ماعليها ليش تحجين عليها تكسرين گلبها هي زينب كلنه نعرفها لسانها طويل وماتحترم

_ اي يمه راسي سكتي سدن هسه مالي خلگ احجي خابري رجلج يمه ليش تشلعين گلبي

سدن : اهدي ماما والله راح اخابره
اتصلت ع ليث وگلبي يرجف خايفه ع اخوي لا اسمع شي موزين عنه
دگ مره وماجاوب رجعت اتصلت مرة ثانيه وين يلا رفعه
ليث : ها سدن

سدن : بشر ليث شبي زاهر

احجي بهمس بعيد عن امي
بس عيونها متعلگه تباوعلي بقلق وتخاف تسأل
ليث : لاتخافين الحمدلله عايش بس طلع عنده كسر بأيده ورضوض شويه

جريت نفس بأريحيه وهمست
سدن : الحمدلله يارب شلونه هسه

ليث : بعده فاقد الوعي منتظرينه بس يصحى ويرجع الدكتور يتأكد اذا اكو شي ثاني او لا

سدن : ياالله ان شاء الله ماكو شي
ليث : عمتي شلونها

سدن : منتهيه كلش وبس تبجي واتعاركت ويه سماهر طلعت حرگتها بيها

ليث : احجي وياها ديربالها ع صحتها كلشي اله حل
سدن : الله كريم

غلقته ورجعت گلت لماما كلشي حجاه ليث
خطيه فرحت ورجعت الضحكه بوجهه
بس بقت تريد تروح تشوفه حتى گلبها يرتاح
ماما متعلقه حيل بزاهر
وماتتحمل تشوفه متأذي
ثاني يوم الصبح يلا گدروا يطلعونه
خطيه جان فد مره متأذي
كسر بأيده اليمنى من غير الرضوض الي بصدره مخلي ايده ع صدره يتوجع
وحسب كلام ليث وبابا گالوا فتره ويصير زين بس لازم يلتزم بالعلاج